經過多番考慮而家既樓市, 以及小妹有限度既財產狀況後, 最後同mpp決定今年唔買樓住, 租多一年先, 出年先算!
近呢兩個星期睇左好多樓盤同租盤, 我同mpp決定住番而家住開既屋苑! 本來我地住開個座有一個好正既租盤, 可惜比我地個無經驗既地產agent無識hold住, 而比人截左胡, 攪到mpp好唔高興.....
Anyway, First choice無左, 唯有選second choice!!! 而所謂既second choice其實係隔兩座既單位
擒晚已經攞左新屋鎖匙, 聽朝家姐會幫我搞新屋拜神... 隨之而黎既有清潔.... 執屋搬屋.... 搞水電煤手續... 仲有搞所有文件既轉通訊地址手續等等!!! 忙忙忙呀!!!!
題外話: 小妹住既屋苑有唔少明星住過, 某人(唔開得名, 費事影響人)話無記當家花旦廖小姐(coffe王子女友
同mpp又一年喇~~
今日小妹有小小唔舒服, mpp攞左假一早陪我睇醫生!! 雖然係咁, 不過絕對無損我地心情, 食完藥乖乖咁係屋企休息, 今晚我地會按原定計劃出街食飯, 慶祝我地拍拖紀念日!!
同mpp一齊真係好開心, 日子都感覺過得好快, 不經不覺同mpp已經拍左拖幾個年頭!! 感謝主, 我地仍然都keep住好sweet, 傻佬都keep住好錫我!! 感恩感恩!!!!
小妹好重視今日既日子, 早係上個月已經準備好一份好心思既禮物比mpp (呢份禮物花左我三四個鐘去完成, 獨一無二), 小妹擒晚仲加料買多幾份禮物比佢, 啱啱送哂d禮物比mpp, 今次總共有四份禮物, mpp全部都好鐘意!!
真正愛一個人, 唔係只靠把口日日講我愛你.... 真正愛一個人, 不管付出多少, 你會想佢日日都開開心心!!! 小妹既愛情觀好簡單, 只要mpp開心, 我就開心 !!!!
今年送給mpp三個心!! 
香港以前好多外國旅客, 家下旅遊銷售業, 主要要靠一班"有錢國"既人民打救!!
"有錢國"既人民, 有學識有禮貌既好多, 但無學識無禮貌既都有唔少!!!!! 或者大家文化背景不同, 大部份人同我地既gap真係差好遠!!
唔想講太遠.... 最新例証, 就發生係今朝小妹搭地鐵返工期間.......
車廂內一排有六個座位, 坐位情況係咁既...
最邊坐位: 
第二坐位: 
第三坐位: 
第四坐位: 
頭站上車坐好後, 地鐵關門開車一剎那.... 中年女人突然呼叫一名正在企係較遠位置既中年男人話: "喂, 你過黎坐吖!" 此時, 中年男人即時有反應行埋黎, 小妹當時仲以為個中年女人讓個位佢坐......... ........ .............
點知中年女人突然將佢個蘿移近我, 佢準備讓出""半邊位""比個中年男人坐!!! 小妹當時個心打左十萬個"突"!!!! what's the hell?!!?!!?!!
由於個""半邊位""正正係中年女人同最邊位既少女中間, 所以小妹即時望望個少女, 睇睇佢有咩反應.... 點知個少女用好無奈既眼神回望我, 佢似乎唔敢出聲拒絕!
當中年男人差唔多行到時, 中年女人膽敢用眼神望住我, 以及第四個位既女仔, 佢既眼神係話: "喂, 你地中間仲有咁多位, 移過d啦!!!! " (呢句說話係我自己get到既 
小妹當時真係火都黎埋....
最後, 中年男人即時知衰彈開, 而個中年女人亦即時將佢個蘿移番正!!
**** 以上真實個案, 小妹唔係想針對或歧視某類人!!! 不過, 有部份人唔識死, 係一個唔屬於自己既地方, 用上自己國家行緊既個一套, 呢d叫做 唔知'訂'!! 唔想比人用特殊眼光對待, 請有關人士, 自我檢討, 同學懂尊重別人 !!
**** 另外, 想保護自己, 就唔可以啞忍!!! 一定要學會SAY NO!!!! 以上事件發生, 車廂內無一個人出聲... 唉....
奇遇記 @ 黑雨篇:
相信大部份香港人, 擒日都經歷過呢次奇遇!!!
黑色暴雨警告每年都有一兩次, 但擒日既黑雨好恐怖!! 正值放工時間, 橫風橫雨, 街上既人都好狼狽!!!
為免高踭鞋入水難行, 小妹已經好醒目地換上拖鞋走人..... 可惜雨勢兇湧, 而且地面水流好急, 有d地方水深仲去到小腿位置...... 由公司到地鐵既10分鐘路程, 小妹已經全身盡濕!!! 好在有驚無險返到屋企!!
奇遇記 @ 遇星一:
星期三晚去左灣仔睇話劇, 踏入art center第一個就見到劉雅麗!
除左係舞台外, 小妹都係第一次見到劉雅麗, 佢比我感覺都幾nice, 好有笑容!
奇遇記 @ 遇星二:
睇劇當晚仲見到梁榮忠, 原來佢係"戀愛輕飄飄"第一代男主角, 所以當晚佢捧導演場睇劇!!
"戀愛輕飄飄"係音樂劇, 小妹好似未聽過梁榮忠唱歌, 唔知佢d歌藝點既呢??
奇遇記 @ 遇星三:
睇完劇搭地鐵返屋企途中, 遇上""一蚊JOE"" -- 游茛維!
佢真人比上鏡瘦少少, 帶上粗框眼鏡, 高高大大, 坐正係小妹對面睇書, 好CHARM!!!
當時見佢攞住一袋新書, 九成九係去完書展掃貨!!! 靚仔有型仲有才華添, 應該好快成為第一代少女&中女殺手, 哈哈~~
奇遇記 @ 驚嚇篇:
小妹同mpp睇完劇行到灣仔地鐵口時, 迎面而黎係一個成50歲瘦削老男人, 佢都幾恐怖, 因為佢身穿女人服飾, 化濃妝, 仲要攞住Gucci袋.... 好嘔心呀!
三號風球, 有咩做??
擒晚同mpp又去左灣仔art center, 因為mpp買左飛睇 -- 愛情‧音樂劇場《戀愛輕飄飄 回歸版》
故事內容
經典再現六度公演!!
《戀愛輕飄飄》以首首膾炙人口的港台愛情流行曲為起點，配以幽默扺死的對白和精彩互動的現場演出，訴說一段尋尋覓覓的愛情故事。
自零二年起，《戀愛輕飄飄》從麥高利起步一直演到大劇院，由香港跨度上海再踏進廣州，演員有殿堂明星、唱作才子及舞台劇獎最佳演員；是演戲家族難得游走於主流與小劇場的經典戲碼。
小妹感想
有幸同mpp係07睇過另一版本《阿森與莎莉的花far世界》，當年由殿堂級歌后歌王陳潔靈和倫永亮，夥拍樂壇唱作才子張繼聰，以細膩動人的完美歌聲談情說愛，細說阿森與莎莉的愛情長跑故事。
《阿森與莎莉的花far世界》內容比較清晰明確, 演出者演出投入, 小妹完全被打動!! ----------- 兩個愛情新丁，決以純潔心靈，拼出如曇花乍現般燦爛的花花世界，尋找長青樹下的諾言；一對神經俠侶，愛到無以為計，決意攜手步進漫天花火的戀愛舞台，用歌聲尋找永恆的幸福。
如果要比較《阿森與莎莉的花far世界》同 《戀愛輕飄飄 回歸版》, 小妹一定選擇前者!
《戀愛輕飄飄 回歸版》三位演出者演技太幼嫰, 而且呢套劇標明係 ""音樂劇 "", 只可惜三位既歌唱技巧真係好麻麻, 感覺好似壓唔到個場咁.....
整體黎講, 小妹對呢個劇係失望既!!! 比左$160買一張飛, 但就好似去左中學睇學生表演咁... 失望!!
** 以上全屬善意言論, 如有得罪, 多多包涵! 
好唔想做既野, 偏偏又要做.....
第一次係2007年!!
第二次係2008年!!!!
第三次係2010年!!!!!
有嘜咁煩惱??!!!??? 搬屋是也!!!!
一個人住理應唔會好多野.... 但我係屬於小數民族 --- 勁多野!!!
唉..... 家下諗起都驚!!!!!!!!!!!!!!!!!!!!!!!!!!!!
