唔知點解, 小妹好鐘意買鞋! 基本上, 平均每個月總會買一至兩對鞋!
7月頭入左呢兩對鞋, 記得買既時候每對約150蚊左右, 好鬼抵!!
啱啱同d同事食完lunch, 趁有時候又去睇吓衫, 睇吓鞋! 其中一間shop入面有上面橙色個對鞋賣........ 真係講都唔信, 間shop夠膽死賣呢對鞋$499! !!! !!!!!!! (百份百肯定係同款!!!)
見過有d shop賣同一對鞋, 都會有唔同價錢! 最勁個次都只係相差100左右, 今次差成三舊水!!! 小妹當時睇完鞋底個價錢牌後, 即時吹雞叫班同事走人!!
出門口後, 小妹心入面係開心既, 因為我買左平野!! 另一方面, 我真係覺得間shop好無良囉! 真係當d客係水魚咁劏........ 咪使旨意我會幫襯!!!
各位姊妹們, 係天后想買野時, 真係要諗清諗楚至好買呀!!!
天后邊喥呀? 我成日去O架喎!!!
回覆刪除[版主回覆07/15/2010 15:35:00]我知..... 你成日去蘋果吖嘛, 哈哈!!
我應該講呢間shop係砲台山 (黑店係正美心快餐對面)!!
哦.... 地面果啲 boutique... 咁我知邊間喇.
回覆刪除[版主回覆07/16/2010 13:39:00]有時間可以入去開吓眼界, 哈哈~~
d價錢差咁遠既?
回覆刪除[版主回覆07/16/2010 13:41:00]hello小雪, 好耐無見喇, 好嘛?
係啦, 真係好誇張, 所以大家要做個精明消費者, 格格價至得!