有一種人....

香港以前好多外國旅客, 家下旅遊銷售業, 主要要靠一班"有錢國"既人民打救!!

 

"有錢國"既人民, 有學識有禮貌既好多, 但無學識無禮貌既都有唔少!!!!! 或者大家文化背景不同, 大部份人同我地既gap真係差好遠!!

 

唔想講太遠.... 最新例証, 就發生係今朝小妹搭地鐵返工期間.......

 

車廂內一排有六個座位, 坐位情況係咁既...

最邊坐位:    害羞少女一名

第二坐位:   中年女人, 手揸購物手推車一部!

第三坐位:    小妹

第四坐位:    約廿餘歲一名女仔

 

 

頭站上車坐好後, 地鐵關門開車一剎那.... 中年女人突然呼叫一名正在企係較遠位置既中年男人話:  "喂, 你過黎坐吖!"  此時, 中年男人即時有反應行埋黎, 小妹當時仲以為個中年女人讓個位佢坐......... ........ .............

 

點知中年女人突然將佢個蘿移近我, 佢準備讓出""半邊位""比個中年男人坐!!! 小妹當時個心打左十萬個"突"!!!! what's the hell?!!?!!?!!

 

由於個""半邊位""正正係中年女人同最邊位既少女中間, 所以小妹即時望望個少女, 睇睇佢有咩反應.... 點知個少女用好無奈既眼神回望我, 佢似乎唔敢出聲拒絕!

 

當中年男人差唔多行到時, 中年女人膽敢用眼神望住我, 以及第四個位既女仔, 佢既眼神係話: "喂, 你地中間仲有咁多位, 移過d啦!!!! " (呢句說話係我自己get到既  )

 

小妹當時真係火都黎埋....  當中年男人準備將佢個羅大佑住落黎時, 我再也按捺不住..... 忍唔住大大聲咁講 :

 "你地唔可以咁樣坐個喎!!!!" 

 

 

最後, 中年男人即時知衰彈開, 而個中年女人亦即時將佢個蘿移番正!!

 

 

**** 以上真實個案, 小妹唔係想針對或歧視某類人!!! 不過, 有部份人唔識死, 係一個唔屬於自己既地方, 用上自己國家行緊既個一套, 呢d叫做 唔知'訂'!!  唔想比人用特殊眼光對待, 請有關人士, 自我檢討, 同學懂尊重別人 !!

 

**** 另外, 想保護自己, 就唔可以啞忍!!! 一定要學會SAY NO!!!!  以上事件發生, 車廂內無一個人出聲...  唉....