黑椒牛柳絲炒麵 (附食譜)

擒晚老公有雀局, 小妹一個人唔知食嘜好, 突然想起屋企有壽X牌蝦子麵, 決定煮左自己從未煮過既炒麵 --- 黑椒牛柳絲炒麵!!


第一次煮, 呢個黑椒牛柳絲炒麵, 好滿意個賣相, 味道都OK, 不過仍要改善

黑椒牛柳絲炒麵



材料簡單:
- 蝦子麵 4個
- 牛柳扒 1塊
- 洋蔥    半個
- 青椒     1個
- 甘荀    半條
- 蔥頭     1粒

獻汁:
豉油 / 老抽 / 水 / 鹽 / 糖, 豆粉, 加大量黑胡椒碎



做法:

1) 牛柳扒洗淨抺乾後切條, 用鹽, 黑胡椒, 油略醃!

2) 洋蔥 / 青椒 / 甘荀, 洗淨切條, 蔥頭切碎

3)
(A) 蝦子麵先用熱水煮熟, 然後隔乾水!

(B) 燒熱鑊落油 (油量比較多), 滾油下落麵, 期間千其唔好多手, 待一邊麵煎到香脆後才反轉煎另一邊!  煮好後先上碟!
(** 小妹用中式鑊, 唔係好識將成餅麵反轉, 所以整唔成一餅麵既效果 >.<, 下次再煮時會用平底鑊!! **)

4)
- 熱油炒香乾蔥碎, 加入洋蔥及甘荀, 最後加入青椒同炒!
- 最入加入獻汁即成!



以上份量除左呢一大碟外, 小妹仲可以帶埋飯盒今日返公司做LUNCH