一肚氣

本來唔想講波經... 不過, 睇住一隊一隊自己支持既球隊出局, 真係好鬼谷氣!

 

小妹都幾鐘意睇波, 仲要好鬼man咁食住花生黎睇, 有時仲開支啤酒黎嘆, 好好feel~~

 

英格蘭  ---- 小妹超級鐘意英格蘭, 可惜佢地完全打唔出水準, 見佢地"負負look look"咁打入十六強, 仲以為佢地今次以運打入final....... 呢戰世界杯只可用一句說話形容佢地"有心無力"!!!  成班球員年紀偏大, 後防薄弱不特止, 前鋒朗尼我完全睇唔到佢有幾勁囉!! 得個林伯特同謝拉特起唔到咩作用!!! 比德國打低都好合理!!

 

南韓 --- 原先對南韓無嘜特別好感, 不過, 見佢地一場打得比一場好, 而且好有腳法, 絕唔會輸比d歐洲球隊.... 可惜佢地輸左比烏拉圭出局! 不過咁, 亞洲球隊真係有望可以係不久既將來攞到世界杯!!

 

日本 --- 十六強只剩番日本呢隊球隊, 加上mpp又熱愛日本, 小妹當然要支持吓啦!!! 擒晚一戰對住打低南韓既烏拉圭, 論腳法同部署日本真係勝一籌, 小妹覺得日本輸在無烏拉圭咁好運氣!

 

世界杯最後八強分別係西班牙、巴拉圭、加納、烏拉圭、巴西    、荷蘭    、德國    及阿根廷    。 邊隊會嬴呢??? 小妹希望係荷蘭, 因為mpp鐘意呀, 哈哈

Buffet for Happy first date

擒晚餐buffet食得超飽, 睇怕短期內都唔敢再食... buffet真係好邪惡!!

 

先黎張合照先~~ sweet!!!  (死火喇, 我塊面越黎越飽飽喇.....

)

 

擒日落好大雨, 所以近近地去左公司附近既酒店食, 環境都唔錯, 不過好少野食!

 

好, 開餐喇~~~ 

 

冷盤: Caesar salad / 涷蝦 / 長腳蟹 / 魚生 / 壽司

 

熱盤: 選擇有限啊~~

 

甜品時候: 啫喱係mpp飛佛, 佢食左兩杯, 正一啫喱怪, 哈哈~~

 

我既雜錦, 樣樣都好好味!!

 

呢個球衣cake cup應該係為世界杯之設既!

 

食埋我最愛既雪榚, 成個人甜哂~~~

 

八十歲時, 唔知mpp同我仲有無牙一齊去食buffet呢?!?!

Happy 1st Date!!

今日係小妹同mpp既FIRST DATE紀念日!

 

除左情人節係上半年外,

我地差唔多所以要紀念既日子都係下半年..

黎緊又會慶祝拍拖紀念日,

仲有我地既生日咁 !

 

仲記得想當年第一次同mpp單獨食飯,

小妹最欣賞係mpp好有心思同尊重我,

佢一早book左一間唔錯既餐廳同我食飯,

book定檯... 呢點唔係個個男仔都會識咁做!!

 

而且mpp對我好坦白,

第一次食飯時已經向我坦白...

或者就係呢兩點,

我就比佢呃左喇...

哈哈~~

 

今年唔會去番上兩年既同一間餐廳食飯慶祝,

我地會改去酒店食buffet....

on diet緊都唔理喇, 肥就肥啦...

 

最緊要係可以同mpp開開心心咁一齊!!!

 

嫁得出喇

唔好誤會, 小妹仲未嫁得出... 不過, 好朋友就會係聽日出嫁!

 

所講係好朋友, 其實佢係我以前個客, 小妹同呢個女友好傾得埋, 大家又有好多相似地方... 包括同齡啦.... 又包括我地打幾個耳洞既位置都相同.... 又包括我地食野既口味差唔多咁啦.... 總之就好投契!!

 

呢個女仔都算好厲害, 試過有幾個男仔同佢propose過, 不過佢全部SAY NO!! 勁有性格!! 今次佢終於搵到真命天子, 而呢個男仔咁啱我又識佢, 兩個好人走埋一齊, 小妹真係好替佢開心呀!

 

上年佢地訂婚時, 小妹特別買左份禮物同埋一張結婚咭比佢地... 小妹好有心意呀, 特別係張咭上加料製作!!

 

原有結婚咭既covering!

 

key上佢地兩個張大頭.... 呢張結婚咭變成獨一無二既, 哈哈.... 有趣! 有趣!!!

 

 

Anderja & Omar, 祝你地白頭到老, 永結同心呀!!! May you have joy and happiness always!! Congratulations!!!  

 

豐富意粉

mpp擒日唔係好舒服, 小妹驚佢無胃口, 所以特別整左個豐富意粉比佢食!

 

粟米斑塊伴鮮蝦帶子炒意粉   (mpp o個碟大好多, 唔舒服既佢都可以清碟... 唔! 證明我呢碟意粉真係超級好食喇, )

 

魚柳用少少鹽同胡椒略醃後, 上蛋漿及生粉落鑊炸... 香口又好味!!

 

意粉方面, 蝦同帶子都先用鹽同胡椒略醃...  爆香洋蔥, 煎香蝦同帶子後, 再落意粉加鹽調味, 攪掂!!! 簡直快! 靚!! 正!!!

Nail大雜燴

基本上每個星期我都會油指甲,

除左油護甲底油, 用有牌子既甲油外,

最皆護甲方法莫過於比d指甲休息吓!!

 

 

所以一般我會最多keep住d甲油三至四日後就會清洗,

其餘既三日可以比佢地休息吓!!

 

 

Post番之前小小nail作品先...

 

兩餸一湯

終於攪掂左隻焗雞喇!!!!!!!!!!!!!!!!!!!!!!

 

可能小妹上次焗既雞焗極都唔熟, 攪到今次有d神經.... 好驚佢又唔熟!!  原本用200度焗, 到最後十分鐘, 我手多多開大到210度焗佢, 攪到隻雞變成烏卒卒咁.... 不過, 味道唔錯呀, 至少mpp都有讚我, 哈哈~~

 

烏卒卒但香噴噴既"香草蜜糖焗雞"!!

 

除左焗雞外, 擒晚仲有湯呀 -- 蕃茄薯仔魚湯!! 今次用左早前係街上派既濃湯寶, 呢個濃湯寶又真係幾方便, 學GIGI姐話齋 : "一粒家X牌濃湯寶, 三杯水, 兩份材料, 煲15分鐘就有得飲喇".... 哈哈哈哈~~

 

有肉有湯, 當然仲有菜啦~  不過, 呢個菜苗我炒極都炒唔好, 已經加左薑汁都仍然有菜青味, 點攪???

Time break

公司上年改左制, 所有假每年要清哂.... 所以小妹趁無咁忙時, 要分批攞假休息吓! 今日day off, 悠閒既一天已經開始左一半....

 

擒日父親節, 一家人同靚仔爸爸出去食飯慶祝!! 人越大就越知道屋企人既重要性, 祝靚仔爸爸身體健康, 心想事成!! 呢個蛋糕, 靚仔爸爸鬼咁鐘意, 因為有佢喜愛既馬仔呀, 哈哈~~

 

可惜mpp好忙, 今日攞唔到假陪我.... 今日做d嘜???  就係預備晚餐比我個honey放工返黎食飯呀~~~ 幸福+ing!!!!

 

擒晚成十二點先醃既..... 上次失敗過.... 希望今次會成功啦!!!

關於愛

真正愛一個...

 

你會想佢開心快樂!

 

你會想佢健健康康!!

 

你會想永遠同佢一齊!!!

*

*

*

*

而我....

 

我會想mpp成日食我煮既住家飯!

 

mpp食我煮既野食時, 佢會好開心快樂! (我諗..... )

 

mpp食我煮既野食時, 佢會好健康!! (一定會!! )

 

mpp永遠同我一齊, 佢就可以永遠食到我煮既野食!!! (今晚放工買扎花同佢求婚先....)

 

 

豆腐蝦米肉碎

 

生菜薯仔炆排骨!