吉豬

食過"和幸"既吉列豬扒, 其他既吉豬完全被比下去!!

 

睇電視見到某快餐店出左厚切吉豬, 又見到有人氣blogger話有幾正之下, 小妹擒晚同mpp就去會一會呢個<<尋找吉豬的故事>>系列之: 大快X厚切吉列黑豚豬套餐!! (個名好長啫... 哈哈~~)

 

HK$32既套餐, 有白飯, 沙律 同 吉豬, 不過無野飲!! (圖中既巨鋒提子冰要另加HK$6)

 

據稱珍珠米既白飯, 雖則比唔上正宗既日本米, 不過總比食普通既白飯好!

 

椰菜絲配上柚子酸汁... 味道見仁見智... 我就覺得酸左D....

 

厚切吉豬名乎其實, 真係厚切!! 不過, 小妹略嫌肉質太實... 不過以HK$32呢個價錢黎講都算物有所值... 絕不能同"和幸"百幾蚊既吉豬相比!

 

吉豬好熱氣, 所以同mpp食埋龜靈膏至返屋企, 滿足+ING!!!