情話紫釵

呢個星期忙到死, 做到索哂氣, 連個blog都唔得閒update....

 

上星期日, mpp買左話劇飛, 我地去左灣仔演藝學院睇"情話紫釵"

 

 

故事簡介 
一眾現代男女在解讀唐滌生的《紫釵記》。一段古典的李益（林錦堂）和霍小玉（胡美儀）的「墮釵燈影」，帶出了謝君豪（現代李益）與何超儀（現代霍小玉）的相遇，和繼而展開的一場互相追逐、試探的愛情遊戲。

謝在金錢和權力的誘惑下把持不定，無力抗拒第三者；何悲傷激動，彷彿經歷到古代霍小玉向黃衫客哭訴的「花前遇俠」片段。

現代黃衣人出現，帶着何去採訪變幻無窮的癡男怨女，令她重新反思自身的愛情觀。古代李益與古代霍小玉再出現於「劍合釵圓」的片段，倆人的真誠相愛令人蕩氣迴腸。

何與謝攤牌，令人意想不到的要求終贏得男子的真情剖白。眾現代男女繼續為《紫釵記》尋找答案，最後集體演繹出他們心目中現代霍李的大結局。

 

小妹感想: 

呢套劇都幾特別, 演繹出兩段古代同現代既愛情故事....

古代版有胡美儀同林錦堂, 平時要小妹聽粵曲可能會想瞓覺... 不過, 唔知係咪現場聽既關係, 當晚我反而欣賞粵曲部份, 多於現代版本!!

現代版方面, 可能d對白太多同太高深, 小妹感覺麻麻... d對白係要思考個種, 唔多係我個杯茶....  (就有d似以前"妙手仁心"個d男女愛情對白咁.... 兩個人演出時, 其中一方講左一大輪對白, 另一方就會答"我諗我知道你講嘜"咁.... )...

Anyway, 男主角謝君豪唔使講啦, 舞台演出豐富, mpp又勁欣賞佢... 我唔比comment喇.....

第一次睇"何超"做舞台劇, 可能係第一次演出吧, 小妹總係覺得佢好似唸獨白咁, 欠缺左少少情感.... 不過, 佢把聲好鬼溫柔, 小妹都要學習一下, 哈哈~~

其他配角仲有劉玉翠同張繼聰, 佢地真係好生鬼.... 特別係張繼聰,, 佢演現代黃衣人Ian Wong, 兜售愛情保險, 生鬼有趣又壓到台, 唔錯唔錯!!

最後, 值得恭喜係, 呢套劇會代表香港, 去上海世博演出.... 多謝mpp帶我去睇呢套劇!