SAKURA血拼東京 @ 25/3/2010 (DAY 2)
今朝仲係落雨, 所以我地將呢兩日既行程改哂.....
mpp今朝好攰, 我地瞓到成九點幾先起身, 今日既第一餐, 我地去左食拉麵!
呢碗义燒拉麵做緊promote, 480YEN一碗 (= HKD42)... 係日本黎講, 呢碗拉麵算係超平.... 麵質好彈牙, 不過個麵豉湯底就鹽左少少...
我唔話氣喇.... ^__^
食完拉麵都成十一點, 見到有雪榚賣, 仲要係雪芭甜筒, 200YEN一杯 (= HK$17), 我同mpp一人一杯, 我食綠茶味, mpp就食芒果味~~~
食飽飽後既節目當然係shopping啦~~~~~ 血拼時間開始喇!!!!!!!!!!!!!!!!!!!!!!!
shopping後太多野, 返酒店放低後... 我地又出動!!! 離開池袋, 向落雨中既新宿出發~~~~
黎新宿只有一個目的, 就係行Agnes b.............
行完Agnes b後, 我同mpp對腳已經攰到無哂感覺.... 加上討厭既落雨天, 我地唯有打道回府.... 返到池袋時已經差唔多五點鐘.... 行左成日好鬼肚餓呀.....
日本三大牛肉飯店而家做緊減價戰(雜誌講既), 280YEN (= HKD24)就有大大碗既牛肉飯! 我地去左松屋度食, 呢度係自助形式, 要自己先入錢買飛!!
mpp好欣賞呢間牛肉飯!! 因為有一樽燒汁比佢加 ^0^
又放低戰利品同休息一陣, 同mpp係7:45pm再落街血拼 (因為有d商店係8pm關門)..... 小妹買完呢個袋後勁滿足呀.... yeah~~~
今日早食飯, 加上開心過後, 個人特別肚餓, 所以同mpp去左Burger king度食飽! 係日本食飽一d都唔平, 我地order呢個飽要450YEN (= HKD38), 加餐配汽水+中薯條要比多 240YEN (= HKD20), 我地要多個雞腿 150YEN (= HKD13)...
成個SET要比840YEN (= HKD72)..... 呢個價錢係香港應該食到兩份!!
又食飽後, 今日最後一個行程去超市買左兩本CANCAN(送MJ袋), 做手信一流呀!~
見到呢罐無糖啤酒, 小妹即係買黎試試... 味道同生啤差唔多, 可以一試!!
今日血拼完畢... 明天繼續!!!
(待續)
哈... 好喜歡追看啊!!!! 乜落雨呀???
回覆刪除[版主回覆03/31/2010 18:55:00]嘻嘻, 多謝先呀~~~
係呀, 頭個兩日都落雨, 之後個兩日好好天... 第二日開始溫度升番, 平均每日都有5-7度, 無咁凍!!
下? 得 5-7 度??? 死啦, 我去名古屋, 咪仲凍???
回覆刪除btw, 你買咗咁多個 agnes'b 袋, 勁喎!
[版主回覆04/01/2010 13:58:00]係呀, 可能係落雨關係掛... 你出發前一定要check定天氣呀~~
我買Agnes b唔算多喇, 同場有個香港女仔拖住個luggage黎, 佢買左成廿幾個袋, 不過佢擺明係掃貨攞返香港賣!!
見到你買左6個agnes b袋，我都無咁內疚。因為我都係買左4個。
回覆刪除[版主回覆04/03/2010 21:10:00]千其唔使內疚!! 係日本專門店買袋, 全部都係新貨... 淨係諗諗自己比人地快d用到新款貨, 嘜都值番啦, 哈哈~~