上星期日係舊同學Cherry個囡囡8歲生日 (無錯, 我同學已經有個8歲大既女.... 唉.... 好命d我已經做左呀媽..... >.<) 同Cherry識左都成十幾年, 我地兩個都好懶, 一兩年先見一次.... 雖然係咁, 但係我地感情都好好呀!!
早兩個星期, 小妹自動獻身, 同Cherry講不如我整個蛋糕比佢個女.... 貪心既Cherry (哈哈, 實比佢鬧死.....)當然唔會拒絕我啦.... 我仲邀請佢上黎我屋企一齊整添~~
係星期六, 佢帶個細女Phoebe上黎我屋企, 一齊整個靚靚蛋糕比家姐Ellie.... 由於小妹之前做左d準備功夫, 最後, 我地用左唔使一個鐘已經整好呢個生日蛋糕!!
時間關係, 小妹預先準備左部份製作:
(A) 早兩晚已經整定d古古力, 嘖上 ELLIE 個名!
(B) 先焗好個海綿蛋糕, 已經倒扣好! 起皮後切開三片備用!
(C) 加料炮製.....每層CREAM都有好多生果gar
(D) SIDE VIEW睇睇... 底層有古古力脆餅底, 再加上三層蛋糕+雜果 & CREAM! 咦...... 有d巨無霸feel喎, 哈哈~~
(E) 多得可愛Phoebe幫手, 小妹可以好快咁整好個蛋糕... 只得五歲既Phoebe真係好可愛, 而且仲好乖好聽話..... Cherry, 你有個好老公, 又有兩個咁可愛既囡囡, 你真係好幸福呢~~
(F) TOPPING既生果, 同以往一樣, 小妹會預先係碟上設計好!
(G) 完成喇~~~
(H) 今次旁邊加上七彩Hello mimi糖糖做裝飾, 成個蛋糕可愛哂, 哈哈~~
(H), 加埋呢枝8歲蠟燭, 簡直係無敵呀~~~ 希望小妹妹ELLIE收到會開心, 有個難忘又愉快既8歲生日啦!! HAPPY BIRTHDAY~~~
好姊妹 .,
回覆刪除真係難得你整蛋糕比我個大女 (Ellie), 緊係要即刻應承啦 ~~~~
講真 ~~ 個蛋糕真係好好味 ~~~
下次要整埋比細女 (Phoebe),
真係唔駛同你客氣 ~~~
你要諗定 6 月整個蛋糕的新款 , 無理由家姐有 , 亞妹無麻 ~~~
呵呵 ~~~
真係要咀淡你先得 !!!!!!
[版主回覆03/17/2010 13:12:00]哈哈~~ 難得你一家咁欣賞, 如果六月中唔係太忙,既話 我一定整個靚靚蛋糕比你個細女.... 同埋你呀... (11/6 & 12/6吖嘛.... 哈哈~~)
唔話氣, 我都咀番你先......哈哈哈哈~~