SAKURA血拼東京 @ 24/3/2010 (DAY 1)

時光倒流6日前......

 

SAKURA血拼東京 @ 24/3/2010 (DAY 1)

今次去日本, 我地搭JAL, JL736 10:30起飛!!  成晚開心到瞓唔到, 兼且晨早六點幾已經起身梳洗... 黎到機場時開始有d攰攰地......

 

不過, 小妹呢個trip全程NATURAL HIGH, 一上機又醒哂, 開始影相.... 嘜都影一餐, 哈哈~~

 

LUNCH時間到喇, 我同mpp都擇左吉列豬扒飯! 味道都算OK!

 

小妹覺得成個飛機餐最好味就係呢個冷麵, YUMMY~~

 

大約係日本時間三點半左右, 小妹同mpp已經平安到達東京, 不過, 過關時勁多人(真係好多香港人, 唔知仲以為自己仍然身在香港....), 剩係過關都用左成個鐘.... 勁無奈!!

 

由於搭地鐵比較轉折, 所以我地選擇搭機埸巴士去酒店, 雖然貴係貴d, 而且仲要捱塞車, 不過方便嘛, 總好過兩個人攞住行李周圍走!!  一早係香港已經買定巴士飛 HK$245一張, 係呢度買要3,000YEN (= HKD258), 無計喇, d YEN好鬼高, 要慳D使, 留番D錢去shopping呀, 哈哈~~

 

今日都幾凍, 只係三四度, 所以一出機場, mpp即刻落order要小妹著褸.....

 

唉.... 原本只需一個鐘鬆d既車程, 就係因為塞車又落雨, 結果我地足足搭左兩個鐘頭車, 成七點先至到達酒店......

 

我地book左SUNSHINE CITY PRINCE HOTEL (池袋太陽城王子飯店), 錯有錯著, 當我地check-in時, 酒店職員話我地book既Semi-double房已經無哂, 所以upgrade我地住間好d既房, 哈哈... 呢個trip都幾lucky喎!!

 

上左房後, 九秒九走人, 呢間酒店連接住地下商埸ALPA, 不過, 我地已經開始肚餓, 所以先去食飯!!

 

黎日本, 唔食過和幸, 好似有D對唔住自己咁, 所以係日本既第一餐, 我地選擇係吉豬!!

 

MPP既吉列豬扒... 好味, 保持水準!!

 

小妹試新野, 呢個限定既海老餐 (註: 海老即係海蝦) 做緊promote, 1100YEN, 好抵食!!

 

 

食飽飽時已經八點幾, 日本D商場好鬼準時, 八點正CLOSE.... 無得行shopping mall.....不過唔緊要呀, 池袋呢度勁多野行, 哈哈~~

 

今日落足成日雨, shopping意欲唔高, 所以今日既血拼行動只屬初級程度.... 今晚早d瞓, 聽日再努力!!

 

(待續......)