煩惱中....

之前提到, mpp會同小妹係三月尾去旅行!

 

本應所有野已經confirm哂 (包括小妹花了好幾小時去編制行程).... 不過好可惜, 而家我地要改行程......

 

原因係我地原本去Bangkok, 可惜因為紅衫軍事件 (電視新聞話佢地會係三月中又上街遊行喎....... 擒日有人係市區放炸彈添呀.....  )............ 所以我地唯有隱痛腰斬呢個曼谷之旅....

 

唉... 而家仲同旅行社傾緊罰款問題.... 好煩呀~~~~

感恩

擒晚放工返屋企, 放左個抽濕機入廁所成日, 個熱水爐終於著到, 終於有熱水涼沖.... 成個感覺好似係古代返番黎現代咁... 鬆左口氣!!!

 

因為呢件事, 小妹知道好多人都好關心我... 個種感覺令到我好感恩, 因為大家知道我一個住, 有時唔係好識照顧自己, 每次遇上問題都會好驚青, 好無助咁.... 不過, 幸運既我每次都得到主既保守!!

 

擒晚同mpp係屋企開住冷氣打邊爐, 感覺好正!!  呢次亦係我同mpp拍拖以黎, 第一次係屋企打邊爐.... 我諗呢點應該值得記低, 哈哈~~

 

之後, 我地睇SAMMI既演唱會DVD....(因為本來小妹當時好想買SAMMI既演唱會飛, 不過可惜想買個時已經FULL哂.... 所以mpp特別買左碟比我, 多謝你呀HONEY!!!)

 

好多人都知道我鐘意KELLY, 但查實較好期時, 我係超鐘意SAMMI, 不過可惜當時佢好似慢慢退落黎咁, 無嘜出新歌....

 

ANYWAY, SAMMI新既福音碟入面既歌真係越聽越好聽.... 而成個演唱會入面, 不論唱功, 跳舞,呀MI樣樣都超掂.... 佢既體能更加勁都嚇死人... 小妹細過SAMMI, 不過自問同呀MI既體能只少差十倍.... 天后不慚為天后!!!

 

演唱會有好多地方都好touching... 不少地方, 我同mpp都被感動.... 三字頭既我, SAMMI既歌稱得上係伴我成長... 下次SAMMI再開演唱會, 一定會買飛入場!!!!!

 

近期日日返工都會聽呢首歌... 大力推薦!!!

不要驚動愛情

很想輕撫你 所以避開你
寧願用距離 去令你好奇
迴避過眼神 先偷偷喘氣
吩咐手臂 放在原地
傳聞浪漫太快 愛戀都走得快
才會 遲遲未步向你 說一世愛護你

情太過洶湧像深海 而我卻會忍耐
但求來日你醒過來
這份情像翅膀打開
還沒有相擁別意外 神教會我等待
待情流像細水 才去承諾你
拿一生兌換愛

很心急擁抱 所以在禱告
求甜蜜以前 帶著你慢步
遊歷過旅途 等一天終老
生老病死 一起細數
原來慢慢靠近 更珍惜這一吻
而我 停留是為了你 要給予你護蔭

能為愛戀學習按捺 情信寄進心內
但求能學會倚靠神
愛被馴服過更精采
連地老天荒亦不更改 時間永遠等待
等你情願那天 才去承諾你
無止境那份愛
我用沈默叫醒愛情 你用期待做你反應
繼續行近直至開始愛

 

黑仔!!

之前小妹傷左條頸, 睇左幾個月物理治療都唔好, 月初開始改睇跌打, 家下好左好多!!

擒晚放工又去左睇跌打, 醫師叫我D藥要"傅"過夜, 所以擒晚沖唔到涼, 亦洗唔到頭.... 但處女座既我, 平時雖然係有d懶, 不過我都有處女座既特性, 就係有少少潔癖.... 無沖涼洗頭就去瞓覺, 簡直係impossible!!!!!  不過, 要"傅"藥就無計啦... 成晚瞓得超唔自在.....

今朝一早校早左鬧鐘洗白白, 點知個熱水爐開極都開唔到.... 頂!!!!!  初時以為擒晚唔小心碰到個煤氣總掣..... check左一輪都仍然無熱水......

卒之要打去煤氣公司求救.... 個職員話原本呢幾日好潮濕, 個熱水爐入面既火咀濕左.. 技工最快要星期六先可以上門再check check.......  吓.... 今日先至星期四至播, 我點等到星期六呀????  個職員話無辦法, 不過佢建議我試下將個抽濕機放入廁所, 咁樣可能會令到個火咀乾番....

就係因為咁, 小妹攪左大半個鐘, 攪到遲哂而請左半日假.... 勁無奈!!!

放左抽濕機入廁所三個鐘後, 小妹係十一點再check個熱水爐.... OH MY GOD..... 依然無熱水..... xysz@#(&(#

結果.... 小妹要返番去原始時代, 就係煲水洗白白.... 最幣係屋企無水桶....... 點好呢??!!?? 唯有將d水倒入洗面盤, 然後"銳"個頭入去洗.... 淨係洗頭呢part, 已經用上一大煲水.....

至於沖涼..... 唉..... 沖唔到呀, 因為無水桶呀, 所以小妹只可以抹身..... 嗚嗚嗚嗚.... 雖然已經抹左前前後後五六轉水, 不過小妹仍然覺得自己好dirty呀!!!! 

公司好多野要攪, 家下要返工喇.... 求神保佑個爐今晚著得番啦.....  

Farewell 蛋糕

每次小妹整完蛋糕, 總會show d 相比同事欣賞吓.... << 查實係想人地讚吓我, 嘻嘻~~ >>....

 

係呢間公司都做左差唔多五年, 我地個team原本有七個女仔, 不過, 其中有兩個會係呢兩個禮拜走..... 共事左好幾年, 真係有d唔捨得.....

 

擒晚做左個farewell cake比呢兩位同事, 一陣我地會係三點三切餅... 好緊張呀, 因為第一次整蛋糕比同事食, 加上其中一個係星級師傅..... 緊張+ing!!!!!

 

 

同以往一樣, 先將構思好既生果放係碟上, 睇睇個效果.... 臨時即興加上心型芒果圍邊..... 哈哈~~ 要引用一下"呀蘇"成日講既野.... 成個蛋糕"活潑"哂, 哈哈哈哈~~~

 

今次試用白古古力做底, 希望可以突出兩位主角個名....

 

see~~ MAY & SUKI~~  都ok吖....

 

花上四個鐘, 雖然辛苦... 不過, 好開心完成呢個蛋糕, 希望兩個同事係新公司工作順利啦~~~

 

放入我呢個環保膠盒... go go go~~

 

計計下, 小妹係二月總共做左三個蛋糕.... 真係要比d掌聲自己, 哈哈~~

期待ing

因為工作關係, 小妹每年一月, 四月, 十月例必出trip, 好鬼忙!!

出trip後既二月, 五/六月, 以及十一/十二月要follow好多野, 所以會忙上加忙!!!

較為free少少時間既, 就得番三月, 同埋七八九月.........

 

因為七月同八月係暑假, 所以我同mpp每年都會係三月去旅行!!!

 

上年我地去日本過左個白色情人節, 好sweet!!! 原先好想今年過一個熱既白色情人節... 可惜我同mpp三月中都走唔開..... yeah~~ 擒日終於confirm左一年一度既旅行!!!

 

雖然仲有一個月出發, 不過, 一向心急既我, 係呢兩個星期日度夜度, 擒晚終於度左個schedule出黎!! 而家等緊老闆MPP approve.... 超期待呢!!!

扮可愛

Post一下我家既全盒先......

 

呢個Hello Kitty全盒用左成十年有多, 唔知係咪自己仍然停留係某一個歲數, 而家用起黎都唔覺得out!!

 

趁仲係新正頭, 小妹再祝大家虎年賺到盤滿砵滿!!!

紅

過去小妹既指甲作品,

同事們同家人看過後好有比意見,

大多佢地都會讚靚!

可能因為咁,

佢地對小妹已經有一定既信心!

 

係年廿九個日,

應同事要求,

小妹攞左d指甲用具出返工,

好似化妝小姐咁,

 為大家免費油指甲!

 

係公司時,

先幫菲藉同事油指甲....

 

晚上,

係屋企人飯局下為靚靚媽咪,

靚爆鏡二家姐,

可愛姨甥女,

以及嫂嫂油指甲!!!

 

小妹真係好開心,

因為得到別人既信任真係一d都唔容易..

多謝大家畀面!!!

 

新正頭,

小妹都要為自己扮靚靚....

希望新一年,

希望大家好似我油既指甲一樣,

又紅又閃又靚啦,

恭喜~~ 恭喜~~

 

2010情人節

今年小妹過左一個無花收, 無candle night dinner既情人節..... 但我一d都無失望!! 因為mpp比左一個雖然平淡, 但好有心思同難忘既情人節比我!!

 

先形容一下mpp既性格... mpp本身係一個好鐘意浪漫既人, 但呢份浪漫, 一般佢只會收藏係內心... 作為一個大男人, 再加上佢唔算係一個熱情既人... 所以好多時, 佢只會一句起, 兩句止...  更加唔會花言巧語... 不過講得出, 就會做得到!! (mpp, 我係咪好了解你呢, 哈哈~~~

)

 

記得某年小妹生日, mpp送了好幾份禮物... 其中一份係一個特別版Monchhichi鎖匙扣.... 我知道傻佬一定好有心思咁去買我鐘意既Monchhichi禮物, 不過佢既presentation就真係麻麻地喇......好淡淡然咁.....

 

仲記得當日我地係大會堂睇話劇, 當中場休息時, mpp去完洗手間返坐位時, 係公事包入面扮搵紙巾抺手.... 跟住佢突然攞左盒呢份禮物比我 (仲要係無包花紙既.......>.< ) 仲記得佢大約係咁講既..... "咦.... 咩黎嫁??  比你嫁!! " 哈哈..... mpp就係咁嫁喇!!

 

今年情人節撞正年初一, 第一次無同mpp單獨咁慶祝, 變成同屋企人一大班人咁食飯..... 不過, 係年三十當晚, 當到左十二點時, mpp係袋入面攞左d野出黎....

 

mpp今年好有心思, 有幾份禮物可以比小妹選, 而且仲要答啱問題先有禮物..... 最重要係每份禮物我都好鐘意...... 最後我捨棄I-PHONE而選擇另一份禮物!

 

小妹之所以咁開心, 原因係mpp為我作出既預備.... 最喜歡mpp為我籌謀, 為我動腦筋, 為我煩惱既樣子... 因為咁樣我會更加感覺得到佢好care我....  多謝mpp你為我做既一切一切!!  I LOVE YOU HONEY~~ 

 

最後, 小妹要左一對鑽石耳環.... 小妹唔係一個重物質既人, 亦唔會太著緊粒鑽石有幾大, 有幾閃..... 選鑽石原因係, 小妹明白"鑽石恆久遠, 一顆永留存"既道理!!

 

 

希望小妹同mpp呢份真摰既愛情會永遠不變!!!!