開鑼

星期日 (9月13日) 係馬季開鑼日, mpp又帶我去馬場食buffet!!

 

雖然有人會著causal wear入廂房, 但我同mpp都會著得好少少, 尊重番個環境嘛!!  小妹重特別大膽嘗試油黑色甲油... 自己覺得好有假甲feel, 而且都幾滿意!!

 

 

講番入場, 今次同上次黎一樣, 坐番同一個廂房.... 呢度既可以係廂房內食buffet, 又可以拉開玻璃門出去睇馬仔.... 而且個位置都唔錯!

 

睇吓.... 呢度見到d馬轉入大直路~~~

 

同埋過終點既一刻!!

 

 

今次mpp三個朋友都嬴錢... 而mpp就..... .... (Honey, 唔好灰心, 下次再努力過啦!!)

 

值得一提既係mpp對小妹都幾好呀, 因為不管係入馬場, 又或者去澳門, mpp都會比埋錢我去娛樂吓, 仲講明嬴左個d係比我自己代.... 哈哈.... 貪心既我.... 緊係唔客氣啦!!!

 

好可惜既係... 我無用囉.... 買極都唔中, 好氣餒呀!!  可能mpp feel到我有d down, 個傻佬係唔知第7場, 定係第8場個時話: "Zoe, 你無理由無得收錢既....."

 

之後, 佢幫我晝左一張飛叫我去買.... 哈哈~~ 中左呀!!!  我終於有錢收喇............. 雖則小妹最後都係輸左錢....... 不過, 我知我嬴左個好男人係身邊囉.....

K

擒晚又去左老地方CEO唱K, 雖然人小小只有五個, 不過大家都"反"得好開心!!

 

去CEO唱K, 大家都會自動波, 係未開始唱K時, 先去攞野食, 醫左個肚先吖嘛... .

 

呢度只係兩個人既野食... 我同Winnie姐都幾食得吓.....

 

玩得興起時, 黎個自拍.... 嘩..... 影到我個頭好鬼大呀.... 

 

多謝Irene姐同Winnie姐特別攪呢次K, 更要多謝"Gentleman R"同Irene姐請我唱K之餘...  "Gentleman R"更送我返屋企... 你咁好仔, 抵我介紹我個friend"A子"你識, 嘻嘻~~

Birthday Nail

生日前一晚 (即係8月31日),  小妹係屋企好認真咁油靚d指甲...

 

呢個design好靚, 不過好花時間... 當貼上星星片後, 成個指甲即刻生動哂... 完成後自己都好開心!

 

 

自從愛上油指甲後, 雖然成日咁油會令到d指甲好傷, 而且買甲油同用具花費都好大...... 

 

不過, 小妹發現近排自己開心左好多好多... 唔知係mpp越黎越錫我吖 (應該佔大部份 ....)........ 還是油指甲所帶來既喜悅呢!!  anyway, 總之自己個feeling成日都開心同快樂啦........ 哈哈~~

Nail @ 喜宴

上月底表弟結婚個日, 小妹特別用3D sticker做design, 效果都幾靚, 我都幾滿意!

 

 

3D nail sticker靚就靚喇, 不過唔係好襟用..... 因此白色部份好容易整污穢, 而且d sticker好易逐d逐d甩出黎!

 

BTW, 今日係09年09月09日, 小妹啱啱同mpp去左食個sweet lunch... 希望大家每日都好sweet, 同honey可以長長久久, 開開心心啦!!

家常小菜宴客篇

上星期六long week, 小妹放工後一心打算唔煮飯, 只係夜晚煲湯比mpp飲.... 係行緊超市期間, 一個來電, 將原來簡簡單單既煲湯一事, 變成要煮一餐四餸一湯既晚飯....

 

一向只煮開兩個人飯既我, 不段係超市內推住架車行黎行去.... 突然要煮一餐比四個人食既晚飯好緊張.... 毫無頭緒..... 好大壓力呀!!!

 

因為姐夫食野都幾有要求, 有理無理, 小妹決定煮d有把握既餸菜!!

 

1) 赤小豆扁豆老黃瓜煲西施骨

材料:

老黃瓜 兩個 (越老身越好), 甘筍一條, 西施骨 $30, 湯料: 赤小豆+扁豆+蜜棗+龍眼肉

做法:

老黃瓜先去囊, 連皮洗淨切件... 甘筍去皮洗淨切件, 西施骨洗淨出水, 其他湯料亦要沖水備用

先隨凍水落湯料, 大火滾起後, 才落西施骨 + 老黃瓜 + 甘筍, 用大火滾15分鐘, 轉為細火煲兩個半鐘左右, 最後轉開大火再滾多十分鐘, 關火落鹽調味攪掂!!

 

 

2) MZZ招牌咖哩雞翼

 

 

3) 金菇牛肉卷

材料:

金菇兩包, 肥牛一pack

做法:

金菇去頭洗淨, 牛肉片沖水洗淨並用小小生抽豆粉調味

將牛肉片把金菇卷起, 落鑊時牛肉卷開口位要向下 (以防牛肉卷鬆開), 細火煎熟金菇同牛肉便可....

用蠔油+生抽+糖+豆粉做獻汁淋上面攪掂!!

 

 

4) 蝦米勝瓜炒肉片

 

 

5) 清蒸鯇魚腩

 

 

6) 時令生果一碟 ^0^

 

 

雖然小妹唔識煮九大簋, 只係識得煮d家常小菜..... 但係家姐, 姐夫, 同姨甥女都大讚我d餸菜好味.... 不枉我花左成個下午, 連lunch都無食都去煮飯, 真係開心!!

 

BTW, 部LG新電話影相出黎效果仍然唔好, 點算好呢??!!??!

 

 

[ 聖荷西謀殺案 ]

擒日同mpp去左演藝學院睇話劇, 因為mpp較遲買飛, 所以買唔到夜場, 我地要睇下午三點場, 亦係呢套話劇尾二既一場!

 

故事內容:

故事發生於美國聖荷西的花園洋房，劉雅麗和鄧偉傑飾演恩愛夫妻，大肚太太歡迎香港好「姊妹」彭秀慧到來旅遊暫住，充滿親切的喜劇感。不過第三者遠道而來，打破二人世界的安寧，還拆穿美滿家庭的表象，引起啼笑皆非的荒謬情景。然後更瘋狂激烈，爆發危情和殺機，構成驚險高潮。

此劇從現實日常生活出發，對白精彩，人物心理刻劃出色，尤其把夫妻暗戰描寫得妙趣橫生，又有一發不可收拾的爆炸性。最後謀殺佈局無疑炮製奇情，過於黑色，然而出人意表，與一般奇案故事不同。

 

小妹感想:

今次主角有劉雅麗, 又有mpp鐘意既彭秀慧, 更有我同mpp近期喜愛既鄧偉傑...... 有呢三個咁掂既演員, 故事又一流, 更有意想不到既結局..... 好睇!!!

其實, 係最初mpp帶我要睇話劇時, 小妹一直都唔係好明白, 點解佢咁鐘意睇話劇, 因為d飛都幾貴.... 如果坐靚位, 閒閒地睇一套劇要用上五六百蚊....

但係, 小妹慢慢發現, 原來話劇比起電影真係好唔同..... 雖然大家都係要係兩三個鐘內交代哂所有故事, 唔同之處, 係話劇只有一個簡單既舞台 (大型既話劇可能會換上二三個台), 而且演出者要用佢地既演技, 即時打動現場觀眾, 無d巧架真係唔掂!! 大家有機會都多d支持下本地劇團啦!! 

東洋mpp之日食篇(1)

星期五晚同mpp去左屋企附近食日本野, 呢度可算係我地食日本野既首選, 因為呢度多數唔使等位, 價錢ok又好食, 最重要係有我至愛既"鹽燒三文魚鮫"!!

 

賣飛佛!!

 

mpp至愛!!

 

三文魚刺身

 

三文魚壽司

 

 

炸蟹棒壽司

 

二丁目壽司

 

豬軟骨飯定食

 

 

話說食完以上既美食時, 小妹同mpp已經飽飽..... 不過當mpp見到有"蟹柳壽司"出現, 個傻佬即刻唔理三七二十一, 咁就order左一碟食..... (我唔記得影相...sorry!!).

 

食完呢碟壽司後, 我肯定mpp當時已經勁飽.... 不過.... 為食既佢點會咁就算吖.... 個傻佬已經唔記得自己飽到個肚腩勁大, 只記得個"蟹柳壽司"好好味..... 係都要食多碟!!

 

** 之前小妹都有提過, 我同mpp既食量唔多... 不過因為M先生"為食"關係..... 好多時, 我地食到飽都會繼續食, 非要捧住個肚離場不可咁...... 唉..... 呀mpp.... 你話我跟著你, 無嘜奶油我唔肥囉...... >.<