擒晚同mpp去左UA Times Square睇 , Will Smith又一套輕鬆英雄戲.... 小妹好小鐘意黑人, 但Will Smith就例外!
Will Smith飾演既"享哥"擁有超能力, 但佢成日用錯方法去拯救人類, 所以雖則佢不斷救人, 但就不受人歡迎, 甚至討厭佢.....
好深刻印象既一幕係"享哥"開始時非常cool..... 直致一幕佢要開日同班警察講"GOOD JOB!"..... 嘩)))))))) 超爆笑呀!!!
呢套戲既情節鋪排得非常好, 無悶場! 中間又帶有一段幾千年既感人愛情情節.... 整體黎講, 呢套戲有笑位, 有感動位, 中段又有緊張刺激位, 劇情仲有d意想不到, very吉!! 值得一看!!
好! 先黎一d精彩劇照
開場時, 享哥不羈地瞓係張長凳度, 型!!
擁有超能力既享哥, 一手託起架車, 型!!
臨坐監前, 享哥好型仔咁比班傳媒訪問, 型!!
享哥著老西, 型!!
好! 而家去片!!!
登登登登.... 小妹係呢間公司不經不覺做左三年喇!!
查實小妹係舊公司都做左成十年, 幸運地舊老闆同上司都勁錫我, 核突d講句, 我稱得上"老屎忽", 無人會蝦我, 個個同事都好錫我! 但做得太耐喇, 始終希望可以出去睇睇外面既世界, 而且知道自己多多少少將會有d改變, 唔係好想同人去交代..... 所以決定離開.
由於舊公司比較傳統, 新公司+鬼佬老闆相比下比較modern, 初初入黎呢間公司, 真係好唔習慣.... 坦白講, 新公司比較辛苦, 出差機會比較多, 但勝在自己既見識可以相對多左好多, 最重要係可以迫我自己去獨立處理事情, 唔使咁依賴人! 而且人工仲...... 哈哈哈.... 滿意啦!
係我個team入面, 小妹年紀較大, 突然比同事們起左個朵, 叫"Aunite Zoe"...... OH NO!!!!! 不過咁, 由於我班同事同我一樣, 都係"超低能勁攪笑", 雖然有時工作或出差比較辛苦, 但係公司度, 好多時我地都嘻嘻哈哈又一日!
特別一提係我係呢間公司認識到"同事大舊", 佢雖然年紀比我小, 但思想卻比我成熟.... 好多我處理唔到既私人事, 佢都一一比左好多有建設性既建議比我! 而且佢既記性極之強!! 佢可以厲害到記埋我d私人事, 真係very吉, 因為小妹既記憶真係得128MB, 哈哈哈哈......
"大舊"非常清楚小妹既性格, 好多時佢都不斷push我去做一d我逃避緊既事, 令我勇往直前!! 而且, 近呢兩年, 相信佢係見得我最多"喊包樣"個位....... 可以講, 如果唔係識到"大舊", 或者我而家仍然活係"我既黑暗年代"!
大舊, 多謝你既支持!! "些些"!!!!
話個秘密比大家知, 其實大舊有個"私生子", 佢有一個六歲大既仔, 但到而家佢都未結婚.......
佢個仔叫"細舊", 佢個樣同大舊好鬼似!! "細舊"成日流口水, 又為食, 六歲仔仲要"痴"實媽咪瞓... 媽咪楂車時, 佢又坐唔定, 正一百厭仔!
"大舊"做住何野都係為左個仔, 包括買車買樓, 因為佢想個仔有一個舒適既環境生活, 部車係因為佢想每逢假期, 都可以帶個仔去郊外或沙灘玩.... 坦白講, "細舊"真係好幸運! 呢個大舊媽咪好難搵, 佢對自己無嘜要求, 但不論"細舊"用既/食既, 全部都係好野黎gar! 大舊, 你實在太偉大喇!!!!!!
好!! 呢個時候, 比你地見吓呢個Lucky仔先!! (sorry呀, 大舊, 我未得你同意底下, post左你個仔張相出黎, 希望你唔會介意).
細舊, 你要乖乖孝順媽咪呀!!! 哈哈哈哈...
擒日約左d同事, 同埋mpp一齊去太古"足君好"度按摩, 入到去覺得環境好ok! 我選擇同mpp係雙房度一齊按摩, 而兩個同事就選擇獨立房! 價錢一樣, 任君選擇!
唔知係咪我同mpp都勁倦, 我地都覺得個按摩師好重手, 個膊頭即時宣報certify...........>.<
按完出黎後, 兩個同事都話very舒服, 力度適中...... (咦! mpp, 我同你係咪有問題呢???? 點解我同你都覺得太大力gar ??????)
整體黎講, "足君好"地方乾淨企理, 而且做足45分鐘, $188係香港應該算係合理價錢!! 總好過山長水遠上深圳按摩, 時間車費都係度啦! 而且始終覺得香港比較乾淨, 安全又可靠!
自星期一跳完kick boxing後, 我對手腳已經日日都勁酸軟 ..... 今朝起身時仲慘, 除左對"腳瓜long"痛到爆之外, 我成個背脊+膊頭都好酸痛..... 可能平時真係小運動, 又加上年紀大, 機械有d壞, 唉.....
仲有十日, 就會出發去台灣玩喇! 到時又可以放吓假, 叉吓電! 不過, 返黎後, 肯定又要加把勁去減肥, 因為台灣d野實在勁好味, 哈哈.....
識我既朋友都知我好鐘意唱歌, 但從來聽歌或唱歌時, 我都唔會留意d歌詞, 唔知首歌講嘜, 更唔清楚個MV內容...... 因為通常我唱K時, 多數都淨係顧住望d歌詞........
今日返工時, 聽到Kelly既一首歌, 唔知點解今日我居然有聽歌詞.... 巧合地, d歌詞又幾suit我....
最好給最好
如無人能及你好 是你用心加我的分數
才能維持自己質素 甚至缺點優點你都知道
我看著甚麼風景也很高興
世事無常 常呼叫仍動聽
我唱詠 用音色 鳴謝你
容我共我昨天比拼
全憑著你才有我 好好一個我
我學識飛 都因你輔助
我有你慰問護航 月亮亦向我道賀
處女座笑聲更加多
從頭讓我來送你 好好一個我
你付出的得到會很多
我有你結伴在旁命運再不取笑我
我便能好好的過
能承受更多 (愈造夢 月亮愈就座)
能留下更多 (我信你 改變了的我)
剪影都叫座 (愈造夢 月亮愈就座)
便能做天鵝 (我信你 改變了的我)
如無人能及你好 是你在收聽我的禱告
前程猶如未知之數 夜了有幾多星我想知道
我看著甚麼風景也很高興
世事無常 常呼叫仍動聽
我唱詠 用音色 鳴謝你
容我共我昨天比拼
全憑著你才有我 好好一個我
我學識飛 都因你輔助
我有你慰問護航 月亮亦向我道賀
處女座笑聲更加多
從頭讓我來送你 好好一個我
你付出的得到會很多
我有你結伴在旁命運再不取笑我
我便能好好的過
能承受更多 (愈造夢 月亮愈就座)
能留下更多 (我信你 改變了的我)
剪影都叫座 (愈造夢 月亮愈就座)
便能做天鵝 (我信你 改變了的我)
喜歡Kelly!! 支持Kelly!! 期待Kelly既婚禮!!
期待Kelly既幸福婚紗相!! 期待Kelly做少奶奶!!
期待Kelly快d有BB!!! 期待Kelly娶新抱!!!
期待Kelly抱孫...... 哈哈哈哈!
今晚又瞓唔到, 又開始無無聊聊咁諗野..... 越諗越唔開心.... 好多個question mark係個腦度出現.... 諗諗吓d眼淚又流出黎... 好傻咁問自己: "我到底我係咪<快樂的monzozo>"??
我明白每個人都會有快樂同唔快樂既時候, 但我始終覺得自己唔快樂比快樂既多....十年前既我, 絕對唔會想像到自己可以一個人生活, 雖然呢個唔係我既意願.... 但係呢兩年, 好多事確實令我成長左好多!!
曾幾何時, 滿以為自己計劃周詳, 可以簡簡單單, 快快樂樂, 輕輕鬆鬆咁生活! 但事實話我知, 世事多變!! 好多事唔係你一個人可以做! 唔係你想點就點!! 唔係你做足一百分就有一百分!!! 突然覺得今日既我, 原來唔係原本既我..... 我唔清楚自己而家真正須要嘜?? 唔清楚自己做既野係咪正確?? 唔清楚而家既選擇係咪啱?? 唔清楚將來?? 做人完全唔sure!! 好無planning!!!
我知我瞓係張床上只會繼續胡思亂想, 所以我選擇起身又再寫blog黎舒發吓.... 免得繼續轉牛角尖, 喊到對眼又紅又腫, 唔值得!
或者我唔應該比自己有多餘時間, 因為我發現每次我發神經時, 都係我好悶咁係屋企度開始, 或者係我唔想對住呢四道牆... 好悶!! 好孤單!! 好驚死左係度都無人知....
突然好掛住媽咪.... 好感觸! 有種"有家歸不得"既感覺! 無論點, 我知道係呢個世界上有無人錫我都好, 我媽咪一定會係最鍚我既其中一位....
突然想起鄭秀文一首歌:
咖啡淡了 是因為冰塊溶了
沒怎麼了 淡了就是淡了
擱在桌上還要不要
不再愛了 是因為感情壞了
你怎麼了 壞了就是壞了
沒有什麼大不了
我們不快樂 快樂後不再快樂
就在最後的一秒 抱了 吻了 哭了
快樂不快樂 沒什麼快不快樂
就在最後的一秒 我們的關係 就這樣了
天亮醒了 是因為心情好了
沒怎麼了 我會愛上另外的人
愛情 大概都這樣了
期待已久既釣墨魚日子終於到喇!!!!
係上星期六, 我地一大班同事book左船出海釣墨魚!! 今次可謂一呼百應, 一行27人齊合係西貢出發.... 去到碼頭時, 人山人海, 仲好多船tim．．．．．
上船後, 為左令大家唔好太悶, "同事親愛的"係開船後即刻同我地玩遊戲, 就係"低b英文估估吓"喇.... (玩法係提示者要用英文比hints, 而回答者要背住答案作答, 最快時間完成既一隊勝出)
小妹既一隊成為大輸家, 都預左gar la........ 因為我地個隊有個唔識中文既美國人隊員.... oh oh oh........ 不過咁, 輸嬴都唔緊要, 最緊要係大家happy麻, yeah!!!.
係我地玩梗低b遊戲既時候, 船家亦好忙碌, 佢地係船另一邊為我地準備美食.... d雞翼同雞寶真係勁正呀!!! yummy yummy!!!! （你睇吓孖仔個樣就知ｄ野食幾好味啦， 哈哈）
大約半個鐘船程, 我地終於到達西貢滘西洲喇!!!! 船拋錨後, 我望落個海時, 發現好多魚呀!!!!! 跟住我就情緒高漲地咁講: "嘩)))))))) 你睇吓下面都多魚呀, 仲識跳gar", 後來唔記得係Mpp定係邊一個講: 個d係蝦黎gar........ 唉..... 我開始有d擔心mpp第日唔帶我出去"反", 免得丟架...... =.="
開始釣墨魚前, 船家首先釣到一二條墨魚作開跑儀式....... 跟住到我地大顯身手喇!!!! 首先跑出係"同事親愛的", 而係船頭位置, 不斷傳來"嘩嘩聲"報喜, 我同mpp嗱嗱聲由船尾轉移陣地到船頭, 希望免食白果 .....
最後我地成班人釣到十幾二十條墨魚, 好厲害!!! 而小妹今次既表現都唔弱呀, 因為我........ 我........ 我釣到一條泥鯭呀!! 無錯... 係一條泥鯭!!!! 我係無任何魚弭底下, 都釣到一條魚, 好勁lor.... .... (Come on!!! 我係黎釣墨魚, 點解比條魚我呀!! 天呀!!)
唔知係咪興奮過度, 返到屋企時個人已經有散散地既感覺, 不過我個日真係"反"得好開心, 好enjoy!! 因為170蚊, 可以gathering / 有得食 / 有得玩 / 又有得笑, 真係好超值!!!.... 出年一定要再搞過!!!
oh... 特別鳴謝mpp先生, 因為佢做左一日司機, 接送我不特止, 仲送埋我家姐&同事.... xin ku ni la !!
