有營晚餐 -- 一系列篇

小妹上兩個星期先病好,
不幸地而家到mpp病....


擒日mpp休息左一日,
小妹呢排好忙, 唔請得假陪佢,
唯一可以幫佢,
就係放工後嘭嘭聲趕返屋企煲粥比佢食!


同mpp一齊咁耐,
原來佢從未食過我煲既粥....


擒日煲皮蛋瘦肉粥,
但係好驚mpp淨係食粥唔夠飽,
所以蒸埋燒賣比佢食,
希望mpp快d好番!!

下星期要出差了.....
今次個trip要去好幾個地方,
要11月初先返!


好幾張相都未post出黎,
就一次過post吧!!



某日晚餐 -- 咖哩薯仔雞翼 + 臘腸炒蜜豆

某日晚餐 -- 芹菜炒魚餅 + 蕃茄炒蛋




某日晚餐 -- 上湯蝦米浸勝瓜 + 煎蓮藕肉餅

某日晚餐 -- 雞胸肉炒西芹 + 南瓜煎排骨



某日晚餐 -- 魚片木耳絲炒椰菜 + 蕃茄蛋 + 雪梨乾湯

某日晚餐 -- 梅菜蒸豬肉 + 蒜茸炒椰菜

某日晚餐 -- 勝瓜炒肉片 + 薑蔥蒸盲曹

努力工作
加油 Zoe !!

無飯煮婦的一週

上星期做足一星期無飯煮婦, 慶幸我家屋苑有大型商場, 晚飯有好多選擇!


雖然選擇係多, 不過小妹同mpp最常去既都係茶餐廳... 上星期就有兩晚去茶餐廳食飯, 一晚去左food count食, 一晚去左食上海婆婆 (食完後返屋企肚痾 >.<), 有一晚就去食mpp至愛既日本野 :)


小妹既有營晚餐出場後, 我同mpp都食得清淡左.. 不過唔知係咪食得太清淡, 我地個日order左好多野... 攪到隔離既人都望住我地...


計下只有25件壽司, 查實一d都唔多, 不過可能係因為差唔多時間上檯, 所以感覺誇左d啫!!

order壽司外, 當然唔少得我既至愛 --- 三文魚鲛啦~~~




話時話, 而家出街食飯真係越黎越貴...  而家衣, 食, 住, 行樣樣貴, 成份糧都唔夠使!!!!  呢D係咪最低工資反效果呢!!??!! 


遲D政府又話要加最低工資, 肯定衣, 食, 住, 行所以野都有排加, 政府係咪需要好好認真諗諗呢!!!!

 

有營晚餐 -- 番茄肉丸蛋花湯 + 魚片炒翠肉瓜

每次煮既菜式雖然差唔多, 但每次都係用心去煮, mpp 你feel到嗎 ?


某日晚餐 -- 番茄肉丸蛋花湯 + 魚片炒翠肉瓜

有營晚餐 -- 聖瓜粉絲蝦米 + 花膠炆冬菇

為左mpp健康, 而家煮飯盡量都低脂, 低卡路里, 希望可以幫到mpp減下d膽固醇!!


呢餐有 : 聖瓜粉絲蝦米 + 花膠炆冬菇


聖瓜粉絲蝦米

花膠炆冬菇



而家keep住一個月食兩次花膠, 小妹每隔一兩個月就會發定一批花膠, 然後放入冰箱, 咁就隨時都可以煮啦~~

《Tiffany》

星期六晚同mpp去左灣仔藝術中心, 今次去捧mpp既偶像彭秀慧 -- 《Tiffany》!! 







內容:
繼《月球下的人》《再見不再見》《29+1》
彭秀慧 全新個人舞台作品《Tiffany》

期待兩年．第四部女生獨腳戲
再度從台上走到心靈深處

誰敢保證每個決定總是對的?

如果決定不需要失去什麼。
如果選擇後必然如花結果。
如果不曾犯錯。
如果真的有如果。
如果你是Tiffany，你會和她一樣選擇麼？




小妹感想:
同mpp睇過好幾個彭秀慧既舞台劇, 呢個劇係小妹最鐘意既一套!

彭秀慧不論外型, 演技都一流, 成個劇好特別, 開始同結局都係同一畫面, 而且開頭播出既片好有movie style, d插畫勁靚, 超like!!!  如果真係要講, 唯一可改善係佢跳舞個part, 雖然我同mpp都好認同佢跳舞真係好好睇, 不過個part好似長左少少....   anyways, 呢個劇真係好唔錯!!

BTW, 彭秀慧好有創意, 佢係facebook度每日都有唔同既dress code, 我地當晚係橙色.... 可惜我同mpp之前都未add彭秀慧, 所以我地參予唔到呢個咁得意既安排... 希望下次再有機會啦~~

近期....

近期.... 身體: 比起上星期, 身體已經好返十萬九千七百倍了!


近期.... 工作: 比較清閑, 不過月底要出差了, 極度... 十分... 絕對.... 真係.... 好唔想離開我個mpp...


近期.... 家務: 已經做左一個星期無飯煮婦, 偷懶左貢耐真係有d唔好意思... weekend會煮番飯比老公食!


近期.... 娛樂: 先聲明本人對強人國完全無好感, 不過, 近期卻熱捧中國兩大節目!  

- 小妹本身好鐘意唱歌, 兼且鐘意睇歌唱比賽節目 (好似台灣既超級星光大道, 以及香港既超級巨星等), 想推介既係"中國好聲音"!!  呢個節目係國內已經做完, 不過小妹而家同mpp先係上個星期開始睇.....  節目真係好唔錯, 值得推介!!  BTW, 好兩日介紹左個同事睇, 佢而家都中哂毒狂睇, 哈哈
http://www.takungpao.com.hk/ent/content/2012-08/29/content_1012452.htm


除左"中國好聲音"外, 小妹亦有追睇"非誠勿擾"!!  呢個係交友節目, 小妹已經睇左大半年了, 亦係一個可以大力推介既節目!!
http://fcwr.jstv.com/

腳指外翻

唔知係咪以前著得太多尖頭鞋同高跟鞋, 小妹有腳指外翻問題, 而家大多選擇著平底鞋.


上星期經代購買左以下產品, 下星期應該有貨到港, 希望可以有幫助啦!
 
台灣製造【美肌刻】拇指外翻紓壓護套2入/組



http://www.pcstore.com.tw/magictime/M10207542.htm

肥生肥太

結左婚差唔多10個月,
名副其實由miss變為mrs.
身型仍由女仔變成女人咁,
一身肥肉....
唉....


肥左10多磅,
暫時又減唔到磅....
點算好呢!!??!!
唉....


最後想法,
唯有.... 豁出去....
(即係唔理佢!)


林生林太要改名做
肥生肥太了

有營晚餐 -- 炒雜菜/菇, 梅菜煎肉餅

話就話d感冒好番八八九九, 不過個人仍然覺得好攰咁, 所以呢幾日都唔打算煮飯了.

post番上星期既晚餐, 當日有炒雜菜+菇, 同埋梅菜煎肉餅! 
\

小妹好鐘意食梅菜煎肉餅, 以前一定會煮一大碟, 呢個餸好餸飯兼且好味道.... 不過家下唔食咁多肉, 而且醃制食品始終唔太健康, 所以而家煮少少就算!


話你知...

各種菇類既營養價值....
http://maymayho10101.mysinablog.com/index.php?op=ViewArticle&articleId=2843931

中秋bbq

上星期返得一日工,
休息左好幾天,
 今日終於感覺好番好多了....


難得中秋+國慶有4日假,
 小妹當時無懼生病,
其中一日就去左大哥家bbq!!
 

當日好開心,
 不過開心後係要付出沉重既代價,
 就係因為燒完野食後嚴重失聲....
只怪自己太愛玩了 >..<



傻婆照一張!
好閃呀~~

生病了 &gt;.&lt;

成個星期無寫blog, 原因係小妹生病了!

早於上星期四, 小妹已經開始發燒, 當時食左d退燒藥好左好多... 但無想過成個中秋假期都繼續病... 早幾日仲失埋聲....

擒日早上返工時係地鐵入面突然見暈, 小妹力橕住自己, 點知出北角站轉車時已經想休克, 眼前差唔多已經一片黑暗, 小妹係仲有少少精神下立即搵左一對中年男女扶我去搵地鐵職員....

地鐵職員開左張"接櫈"比我坐, 然後再比支白花油我查, ... 地鐵職員話我嘴唇好白, 問我要唔要上去office入面休息, 我話唔使喇.... 坐左約10分鐘左右見好番好多就坐番地鐵返屋企睇醫生....  醫生話因為感冒, 加上我血壓低, 所以引致頭暈, 真係嚇死!!

呢兩日食既感冒藥好勁, 成個人都好迷... 好迷.... 好迷..

再次多謝擒日對中年男女, 以及地鐵職員既出手相助!!!.