工作

明天要發北上工作,
前後要去成7天咁多...



婚後第一次離開老公北上工作,
mpp你要乖乖地喇

Dinner @ Dan Ryan

上星期五, 約左幾位好姊妹出街食飯, 今次出左尖沙咀食 Dan Ryan!!



食左唔使錢既麵包同蛋糕 (可以free兩次後), 已經full full地, 最後4個女仔, order左三樣野攪掂!







坦白講, Dan Ryan食物質素認真麻麻.... 反而佢地free既麵包同蛋糕仲好食!! 


好姊妹耐唔耐聚一聚, 講下大家近況, 吹下水, 又講吓<<盛女>>咁..... 講吓... 講吓.... 就吹左幾粒鐘, 開心+ing~~

快樂BB蕉

<盛女> 氣勢一時無兩, 呢期全城喪鬧45度, 印象最深最左佢既45度理論外, 仲有"a little bit of 刁蠻" !!  

或者我唔係80/90後, 小妹完全唔buy45度所講既野... sorry!!  不過, 反觀MeiLing就唔同, 我同mpp都好欣賞呢位樣貌同聲音都有少少似杜麗莎既女仕, 句句有point !! 

小妹覺得認識新朋友唔需要用太多理論, 最重要係dating時由心出發, 同埋注意自己既言談, 儀容同舉止, 對方先可以了解真正既你!!  左遮右掩下去結識人, 關係都唔會長久!  做番自己, 自己舒服, 人地都舒服!

.... 仲記得N年前同mpp第一次係中環單獨約會, 食完飯後mpp送我去搭巴士, 遠處見到有巴士埋站, 著住高跟鞋既我即時同mpp講bye bye後, 九秒九跑去追巴士... 可能mpp就係欣賞我呢d真性情而追我, 哈哈~~

*******************************************************

復活節假期時, 去左哥哥屋企打麻雀, 之後去左屋苑既club house燒野食!!

呢個gas爐好有氣勢呢~~



環境唔錯~~


會所內清洗既地方好舒適~~ (兩位靚靚家姐, 你地入鏡喇, 哈哈~~ )

當日買左好多野食....

有蒜茸蝦!!

蒜茸帶子~~


花雕蛋白煎蟹~~



仲有白酒煮蜆 / 鹽燒魚 (無影相)... 同埋一大堆丸, 腸, 肉類等等~~

食品太多, 大家分工合作!

攪左一輪, 終於開火, yeah~~

 

超簡單冷麵

早兩個星期, 同事K整左d日式冷麵返公司比我食...
d冷麵真係好好食,
一食難忘!!


同事好好人, 知我鐘意食,
 特登寫左個做法比我!!
小妹當然馬上買材料, 返屋企整比老公食啦~~
 



材料簡單:
 有蟹柳絲, 雞肉絲, 青瓜絲, 同埋蛋絲 !!
加上早前係點點綠買左既 有機綠荼麵!
醬汁用培煎醬 (同事K仲比埋樽醬比我 ^^)




小妹第一次整既日式冷麵麵算似模似樣,
可惜mpp唔係好好太多生冷野 (壽司除外)...
不過老公都算比面,
幫我食左兩碗咁多...

林生林太

林生林太生病了~~~


嫁比林生快將4個月來, 第一次生病!!  星期日下午開始頭痛, 小妹唔想食成藥, 滿以為自己既意志力可以力抗病魔, 可惜失敗了!! 個頭痛左整晚, 擒日小妹堅持返工, 可惜個頭越痛越勁, 直程痛到標汗.... 好辛苦!   10點多時, 小妹頂唔順決定去睇醫生返屋企休息, 家下好好多了....


不幸是.... 我既頭痛竟然傳染左比林生....  林生今朝又頭痛又頭暈, 嚇死我了..... 今日在家中休息既林先生, 希望你快d好番, 你太太好擔心你呢!!


婚後每個晚上, 小妹都盡可能煮飯比林生食.... 不過, 小妹係個煮藝有限既太太, 煮得多有時都唔知煮嘜好, 所以我同mpp間中都會出街食飯!  十居其九我地會食日本野, 因為mpp超愛食壽司


上星期某日又去食壽司, 我地order既食品每次都差唔多好似一樣

三文魚 & 三文魚腩壽司



火炎三文魚, 蛋 & 天婦多蝦壽司



呢d係mpp order既

 

 

最後當然又係唔少得我既至愛 ---- 三文魚鮫啦啦啦啦~~~~

林家私房菜 (肉碎蒸豆腐+旺菜卷 - 附食譜)

快要出差, 小妹趁仲有空閒時間, 每日放工後都返屋企煮飯比老公仔食, 可憐既mpp婚後已經成為一個大肥佬~~

post番早前煮既一餐 --- 當飯有肉碎蒸豆腐同旺菜卷, 好花時間煮飯的一天!!


肉碎蒸豆腐

材料做法好簡單:  (製作時間: 20分鐘左右)

材料:
盒裝豆腐 1 盒
梅頭豬肉 切碎後用豉油, 老抽, 糖, 鹽, 豆粉略醃
乾蔥碎

汁:
豉油 + 糖

做法
豆腐切件後蒸10分鐘
炒香乾蔥碎後, 加入肉碎
炒熟後放上已蒸熟既豆腐上
加蔥粒 及  豉油汁後,
灑上熱油即成!!




旺菜卷

 

材料做法好簡單, 不過勁花時間既一個菜式:   (製作時間: 40分鐘左右)


材料:
大旺菜 1棵
甘筍 1條
鮮冬菇 10粒
瘦肉 切絲, 用豉油, 老抽, 糖, 鹽, 豆粉略醃
蒜茸少許

汁:
蠔油 + 豉油 + 糖

做法
1) 大旺菜一片一片撕出後, 熱水煮熟後, 放涼備用
2) 甘筍及鮮冬菇切絲, 
將甘筍, 鮮冬菇 及 肉絲要獨立炒熟
炒香蒜茸後, 加入以上三種材料 (三絲: 甘筍, 鮮冬菇 及 肉絲), 炒好後加鹽調味
3) 每片大旺菜放入少許三絲後卷起
4) 煮熱獻汁, 加入豆粉水淋上大旺菜卷即成!!

心型蛋糕

上月底公司有同事生日,
 呢位菲藉同事平時對小妹好好,
今年佢已經60歲,
小妹為表心意,
為佢做左個心型蛋糕,
希望Fely你永遠開心,
永遠健康~~

 

我的第一次

一連放左好幾日假, 懶左好多日, 比我個粉絲(mpp)投訴我好耐無寫blog.... 好, 又係時候寫下!!


31/3/2012係我個好姊妹CRYSTAL結婚好日子, 較早前好姊妹已經叫我幫佢做司儀, 不過小妹自知自己係一個心直口快既人, 為免講錯說話, 所以一早已經推左呢個job!!


三月中好姊妹派帖時, 當時好姊妹仲未搵到人幫手而再次叫小妹做MC, 小妹唔好意思再推下最後就答應左!!!


"一係唔做, 一做就會比心機去做"係我既宗旨!!! 一生人只得一個婚禮, 小妹既然做得好姊妹既MC, 即時全程投入, 為當晚做足準備!!


1) 應一對新人要求, 婚禮中會有遊戲, 小妹特意為好姊妹做左呢個"利是套裝"

我好鐘意呢個封面~~ (新娘子喜歡紫色, 所以用左紫色做底色!!)



尾頁加入左一對新人既LOGO~~


內頁貼上12封利是比賓客抽! !





2) 小妹仲做左6張心型咭, 咭內有6個唔同既問題比賓客玩~~

先做12張心型咭


兩張心型打孔後, 用絲帶打蝴蝶結, 上面寫上NO.


打張心型咭就見到問題~~



3) 當晚同我個靚伴娘Ada一齊做MC, 我地夾好哂稿後, 小妹將我地既台詞做左兩份咭仔, 係咪好PRO呢~~

4) 小妹新婚後肥左好多好多...... 唔想失禮好姊妹, 小妹四出搵衫, 希望以最好既狀態出席好姊妹既婚禮.....

係淘寶買左呢條裙.... 不過我著得好肥兼且太SEXY, 所以mpp唔比我著

向姐姐求助下借左呢條裙, 不過又係因為我太肥, 所以放棄左 ...............



好在, 最後買左條算係出得下大場面既裙, 為左好姊妹, 小妹仲一早去左set頭, 出黎效果都尚算ok !!

肥豬Zoe

最後, 再次祝我個好姊妹CRYSTAL新婚快樂, 百年好合, 永結同心!!!!