鮮花球confirm

小妹婚禮既花球已經confirm左喇, 好開心又完成一件事 :)

老闆娘話呢個款式係新既, 佢仲未放入web-site, 所以當日佢print左張相比我!!

有blog友提醒, 今日已經踏入12月!! 無錯呀, 小妹日等夜等既12月終於來臨了, yeah yeah yeah

派帖了~~

小妹婚期日漸迫近, 好多事仲有待處理...

平時好少出街既我, 呢兩星期突然變得好忙, 因為要派帖比我d好朋友 :)

上星期五約左班舊同學, 我地去左新世紀既Applegreen食飯... 小妹都係第一次黎呢間餐廳, 食物一般, 不過其中有2個食物好深刻印象...

先有呢個薯條, 薯條好好味, 廿幾蚊好大桶, 好味又抵食 :)

仲有呢個peter仔, 雖然味道一般, 不過個賣相勁得~~





到星期六又約左班姊妹上我媽咪屋企, 上媽咪屋企前, 先請d姊妹食飯, 我地去左APM既紅螞蟻食, set lunch好多野食揀, 其中呢兩款可以推介一下 :)



唔知嘜嘜... 白汁雲吞, 味道好ok, 份量比較少, 啱哂當時準備開始減肥既我, 哈哈~~
 


其中一個姊妹order既意粉拚雜錦腸, 小妹食左一舊腸仔, 好好味呢~~

月中要fitting了, 小妹由星期一先開始減肥, 所以黎緊呢兩個星期, 要進行地獄式減肥, 一定要加多d油至得~~~~

 

炸~~

完成過大禮, 小妹開始放炸彈!

揀左擒日 (22/11/2011) 開始炸, 貪呢個日子好易記!!  由於小妹公司太多人, 而我地既cocktail party容納既人唔多, 所以小妹只係請左公司其中約20人! 其餘同事就只派餅咭!

第一次派帖, 開始時小妹有點難為情... 不過, 不段聽到人家既恭賀說話, 小妹覺得既窩心又開心!!

至至至開心係好多人都讚我同mpp將請帖好靚!!  信封配上小妹精心設計既wedding logo, 鋼印效果真係好靚, 好grand~~ 好開心呀~~

喜帖係韓國印刷, 同事們個個都讚好靚, 好特別~~



未收到帖既朋友友, 你地好快會收到ga喇, 哈哈~~

mpp日

11月17日係mpp生日, mpp係我心入面好重要, 佢生日呢個大日子, 就叫做"MPP日"啦~~

10月出差好忙, 呢份禮物都係mpp生日前, 早一個先星期預備好, 今年我又有新攪作.....

個盒好咪好靚呢~~


內有玄機, 入面有兩份禮物!! 兩份都係mpp想要既, 其中一份係絕版, 小妹搵人幫我係網上面bib番黎呀~~  mpp開心, 我就開心!!

"MPP日"當晚, 我地去左銅鑼灣 Excelsior hotel 食buffet... 無錯, 又係buffet... 皆因水魚mpp又做水魚, 又join左呢間酒店做member

結婚在即, 勁想減肥既我呢刻唯有將計劃放在一邊, 盡情同mpp食過痛快!!


左面係我食既, 右面係mpp既

 

小妹自制Caesar salad, yummy~~




左面係我食既, 右面係mpp既
 




甜品區, 我黎喇

左面係我食既, 右面係mpp既
 

 

最後當然唔少得我同mpp既至愛雪榚啦啦啦啦~~~~~~~~~






再次多謝大家blog友對mpp既生日祝福, 多謝哂!!

過大禮了~~

上星期六 (19/11)係台慶日, 個日係好日子, 我同mpp就揀左個日過大禮!!

媽媽好傳統, 佢知道我想簡簡單單, 唔想攪太多野, 所以係佢超級傳統既level吓, 答應做左以下既"簡單版過大禮"!!

所謂既"簡單版過大禮", 查實一d都唔簡單, 只係有一d物品真係好難搵, 所以佢接受用利是代替!!!   睇睇以下物品, 相信比好多新人既過大禮物品仲要多!!




我個honey一早揸車, 約埋家姐, 姐夫同佢妹妹去攞已訂好既禮!  mpp, 你真抵錫~~

媽媽好傳統, 所有回禮同小妹嫁妝既利是, 都要貼上松柏同紅繩!



嫁妝一大箱, 仲加上呢個超傳統既子孫桶同子孫盆!



一生人一次, 只要媽媽開心, 小妹同mpp都會盡量配合!!  如此埸面, 小妹當然要影相留念啦, yeah~~

 

 

 

mpp生日大大大快樂

 

mpp今日牛一,
 同往年一樣,
未來太太(即係本人)....
 都會情深款款為mpp準備愛心蛋糕!



大大個"P"字,
mpp, 你係我心入面一樣係咁, 咁重要啊~~


 mpp生日大大大快樂呀~~

Wedding song 【當我偶遇你】

小妹結婚當日book左"純美"攝影, 上星期六去左金都交相做成長片.

早係幾個月前, 我同mpp已經開始搵相, 睇番細路仔d相真係有好多好好既回憶....  

mpp細個好得意, 下巴"dove dove"咁, 真係好得人鐘意! 

揀左好耐, 我地選用一首教會歌做成長片, 初初聽頭個兩次, 唔知點解都會好感動咁喊左出黎...   歌詞好有意思, 完全可以表違我同mpp之間既愛 :)






【當我偶遇你】
詩集：盧永亨作品集 02 - 尋著您的那天

昨天，流落冰天雪地，無光線，沒有生機，
當我偶遇人間一個你，才真正發覺熱愛滋味。

你的手，能令孤單遠離，還給我太多驚喜，
於這浩瀚人海找到你，如昏暗世界，重見希冀。

今天我決定，承諾將心給你，
同行一生，同嚐歡欣，同心分享痛苦傷悲，
今天以後，牽手走到白頭，窮這生全力愛你。

也許，前路荊棘遍地，狂風裡白雪紛飛，
只要在路途中緊靠你，陽光變晦暗，仍覺很美。

今天我決定，承諾將心給你，
同行一生，同嚐歡欣，同心分享痛苦傷悲，
今天以後，牽手走到白頭窮這生全力愛你。

請聽這誓言，忠貞的愛從無變，
能遇著你是我福氣。

牢騷篇

結婚真係有好多好煩既事要處理!!



小妹絕對明白老人家想攪好件事,
 但有時小妹覺得,
傳統係應該,
不過唔應該太執著!!  


星期六要過大禮,
小妹呀媽又要呢樣, 又要個樣....
又話要咁做, 唔可以咁做!!!!
我同mpp夠孝順,
所以盡可能既, 都一一照辦!!

買有龍鳳既囍字毛巾....
買有囍字既子孫桶 / 盆....
luggage入面又話要放兩套新衫....
等等等等!!


結婚已經用左好多錢...
為左配合我呢個超傳統既呀媽,
而且只要買到既, 我地都盡量去買!!
完全超出budget


小妹媽咪仲要成日都同mpp講,
 話自己"簡簡單單"就可以,
 不過,
 事實上係佢一d都唔簡單,
仲有係非常傳統個隻...
 攪到我都係好頭痛!!

 

我們的婚介到手了~~

上星期百年一遇既"光棍日" (11年11月11日), 我同mpp揀左呢一日去攞結婚介指

PN送既介指枕都幾靚啊~~

個介指盒都幾grand, 襯哂我地註冊既玻璃教堂 :)

登登登登~~~~~ 呢對就係林生林太既婚介喇!!!   呢個款式係mpp揀既, 我都好鐘意呢~~~



呢兩個星期好忙... 真係好忙... 忙於攪本星期六過大禮既事!!   更忙係因為一個好重要既日子...., 就係我honey既生日!!  正努力為mpp準備一份禮物

一生一世

今日係11年11月11日,
據聞話今日不論新曆同舊曆都係好日,
所以香港今日破哂紀錄,
好多新人都係今日結婚!!

小妹算係個浪漫女朋友,
上年10/10/10 10:10am 傻佬mpp同我求婚,
今年小妹做主動,
係今朝11點11分,
即係十條一 (11/11/11 11:11am) send左message比mpp,
 願我倆一生一世!!
而且, 我地仲揀左今晚去攞結婚介指添!
 
哈哈... 唔知12/12/12 12:12我地到時又有嘜攪作呢~~~

《愛上愛上誰人的新娘 》

呢排好忙, 真係要好好努力, 快快update吓個卜 :)

話說上兩個星期要出trip, 中間係兩日返左香港過左一個weekend, 咁啱mpp早前一早預售左話劇飛, 好彩小妹啱啱係香港, 如果唔係, mpp肯定又"side"左錢唔去睇!

《愛上愛上誰人的新娘 》有我既偶像陳文剛做, 多謝我個honey成日吼住我偶像既劇, thanks hon！！

節目介紹

剎那間，彷彿愛上了別人的新娘Jean(朱鳳嫻飾)，在鋼琴聲的催動下思想越了軌；一瞬間，新娘被別人愛上了的新郎阿豪(鄧安迪飾)，酒醉過後還能繼續愛下去嗎？一座碩大的鋼琴降落在新婚的蝸居中，妨礙著日常的活動，亦阻擋著二人的步伐。鋼琴教師Donald Mak (陳文剛飾)滿瀉的藝術氣質，在Jean的心中不斷流動，他又究竟愛上了誰人的新娘呢？在神婆Ida(廖淑芬飾)的諸事八卦和靈動力量推動下，新婚演變成婚變，一發不可收拾！但Ida亦自身難保，男友阿仁(鄭國偉飾)對她的迷戀令人體驗了「葾豬頭都有盲鼻菩薩」的真確性，求婚已是他的習慣。孫女有難，Jean的嫲嫲(陳桂芬飾)出手相助，五十年前的愛情寶典又是否用得著呢？六個人在愛情交叉點上相遇，指指點點，口爽爽，亂咁講！愛情從來只有開始，結局如何？走著瞧吧！

小妹感想:


呢套劇既劇情圍繞住一對新婚夫婦, 唔知係咪就快要同mpp結婚, 睇劑時都會幻想如果自己係女主角會係點!!  不過, 小妹一個典型處女座既人, 絕對對mpp專一 :)

 

回來了

 

婚前最後一個trip終於順利完成, 上星期成功將一大堆客人送走!!


同以往一樣, 個trip要帶兩個客人, 小妹對其中一個客對佢又愛又恨... anyway, 小妹係sell專業既, 不管個客幾難頂, 小妹全程都笑容十足, 有相為証ga,



唔知係咪婚期逐漸迫近, 近日又開始發埋d奇怪夢, 連mpp都驚我short左, 諗壞腦!! 


下星期過大禮, 呢兩個星期好多野要攪, 好多野要買!!  話就話好煩, 不過, 一世人一次, 要攪得好好睇睇!! 


下個月要嫁人了, 心情開始緊張!!