婚前一擊

唔想... 唔想....
聽日還是要出trip....


可幸係下星期有兩日可以返香港,
同mpp過weekend,
之後又要出trip....

我會努力,
 好pro咁完成婚前最後一次既出差工作,
返黎後會全程投入攪結婚既大事!!

十一月頭再見!!

28 座旅遊巴士

小妹同mpp既婚期係十二月, 結婚太多鎖碎事要處理, 最近先醒起想book架van比屋企人坐... >.<

感恩感思, 雖然離婚期只有短短兩個月, 不過小妹都好好彩仲book到車

正如好多人所講, 孖一世既Frankie真係幾nice, 價錢都算平!!   希望當日事事順利!!
http://blog.yahoo.com/_KUMQMY26OSRGP7SBBM7JPTZVEQ/articles/69783/index

小妹book左呢架28 座金色旅遊巴士, 小妹屋企有好多成員, 呢架車主要比佢地坐!

小妹而家正煩緊一樣好緊要既野.... 十二月初就知實際狀況!!  呢幾晚都係度祈禱, 希望所有事都係positive~~

好味瑤柱冬菇炆花膠 (附食譜)

星期一晚終於煮左呢碟好味"瑤柱冬菇炆花膠"~~



小妹第一次整花膠, 由於驚失手, 所以唔敢買太貴既花膠, 幾百蚊貨式既花膠, size比較細隻!

浸花膠都幾花時間... 朝早用清水浸花膠, 呢種花膠只需浸6小時, 不過, 小妹浸左8個鐘, 期間要換清水! 


浸左8個鐘, 花膠明顯大隻左好多~~

之後, 要用薑蔥出水去腥味, 水滾後放材料, 煲10-15分鐘後熄火, 原煲連水要浸12小時 (由於要浸過夜, 小妹廚房呢排好多小強 >.<, 所以小妹將花膠連同薑蔥水放入玻璃盒, 放入雪櫃)

12小時後, 花膠又發大左唔少 ^__^

清洗乾淨d薑蔥水後, 再用清水浸10小時... yeah yeah yeah~~~ 浸發成功晚花膠好肥do do呀, 好開心呢~~

呢碟就係小妹第一次煮既"瑤柱冬菇炆花膠"喇, yummy yummy~~ 味道超正, 好開心又感到好成功呀~~ 最緊要係mpp都鐘意呢~~

做法:
瑤柱/冬菇要預先浸好
爆香薑片, 落冬菇炒香, 再落瑤柱同炒
加入蠔油, 糖, 少少生抽同水
煮15分鐘後, 加入花膠
炆10-15分鐘後, 埋獻即成, 正呀~~

** 註: 炆花膠時間要視乎花膠既質地, 見有blogger講花膠炆得太耐會溶, 乾花膠同急凍花膠煮既時間亦都唔同, 所以大家要注意呵~~


煮花膠其實好容易, 煮既時間只需半小時,  不過浸發花膠就要前後兩日, 下次會發多小小放入冰格 :)

溫馨二人共餐

好快要出差, 趁呢排得閒就煮多d飯比mpp食, 我諗mpp已經發現... 原來自己不知幾咁幸福, 因為有個入得廚房, 出得廳堂既太太, 哈哈~~   (我又唔醜喇~~)

呢餐有三餸, 味道一般, 下次會再做好d~~

瑤柱蝦米蒸蛋白!
蛋白加入清雞湯, 蒸5分後, 放入已炒香既瑤柱同蝦米係面, 之後蒸多7分鐘... 不過, 小妹發現蒸出黎既蛋白好似老左d, 下次可以蒸少兩分鐘!


蒜茸炒菜芯
小妹唔多鐘意食菜芯, 不過mpp鐘意食, 唯有嫁夫隨夫啦, 哈哈~~

蒜茸茄汁蝦碌
呢碟蝦既賣相同顏色都唔錯, 不過d蝦肉吸唔到既蒜茸茄汁味, 下次會試吓係蝦肚度界開少少, 睇吓係咪咁樣會入味d~~

西班牙之夜

上星期四同mpp出席飯局, 小妹好少現身mpp同朋友既gathering, 未嫁mpp已經要學應酬, mpp太太唔易做呢, 哈哈~~

每次mpp朋友gathering都係食貴野, 上次佢地既飯局要成2千蚊一位, 對我呢個慳妹黎講實在太crazy... 今次佢地選擇食西班牙菜... 西班牙菜... 我好似未食過... ,

今次gathering地點係中環 "Fofo by EI Willy"!  呢度食西班牙fusion菜, 餐廳好多老外同ABC, 環境都唔錯呢~~
http://www.hkheadline.com/living/living_content.asp?contid=74853&srctype=g
http://www.fofo.hk/home.php



mpp朋友未到, 睇睇menu先.... set dinner有兩個, 最平都要$418一位!!

我地總共14人, mpp朋友發板, 佢地唔叫set, 散叫可以試多好多菜式!!  本來小妹唔好意思影相... 不過食飯期間見到其中一人影相, 小妹先至敢影咋... 所以以下只係一部份食物!!

多士同橄欖不段免費供應~~
(註: Pan Con Tomate - 這個麵包是在西班牙很常見的麵包 Starter, 通常用來配 Serrano 或 Iberico 西班牙火腿, 或其他 Tapas. )



右邊既雜果紅酒一樣不段免費refill, 另外我地再order多兩枝西班牙紅酒!


帶子刺身, yummy~~


唔知咩hams, 好味道~

又係hams, 伴以新鮮無花果!

 

再黎hams, 有類似pizza係底, 味道都唔錯呀~~

香煎鵝肝配黑松露, 黎多兩件我都食得落呀, 哈哈~~


沙甸魚同蝦~

呢個唔知叫咩既麵, 極極極好味呀~~~

脆皮乳豬, 超好味~~

牛~~

西班牙海鮮麵!



餐廳有好多企鵝既裝飾, 咁靚既環境, 梗係要mpp合照啦啦啦啦~~~

呢位就係壽星女喇, 小妹既homemade生日蛋糕, 再加插特備節目 -- 煙花匯演!!  哈哈~~ 壽星女好surprise, 好開心, 當晚好似同我講左起埋4次多謝~~




呢餐埋單過萬, 西班牙廚司都要走出黎同我地say hello, 仲同壽星女say happy birthday添~~

又一朱古力慕斯凍餅 (8&quot; chocolate mousse cake ) -- 附食譜

早兩日又做左個 朱古力慕斯凍餅, 今次已經係第三次整!

已經第三次做呢款蛋糕, 理應毫無難度!!  但幣就幣在... 今次係要做比mpp個舊同事... 仲要係for14人食....  唔想mpp無face... 又要將做開6吋改為8吋... 分量唔同, 加上自己比左好大壓力自己... 小妹確實唔係好滿意個蛋糕!!


個mousse唔夠滑.... 蛋糕甜左d.... 塊牌整得唔靚... 士多啤梨唔夠乾身, 上唔到糖廂..... 真係有d唔開心!!

好在... mpp d 舊同事好比面, 係小妹面前讚個蛋糕好味道...  anyways, 下次會加倍努力!!

係度再祝mpp個靚靚同事 happy birthday!!

特濃朱古力慕斯凍餅 8”

 

餅底: -

Oreo朱古力餅碎  140g

無鹽牛油    70g

 

慕斯: -

蛋黃     4隻

朱古力奶     100毫升

可可粉     10g

糖     20g

淡忌廉 400g

魚膠粉     12g

凍開水     100g

55%濃度朱古力 200g

 

裝飾: -

可可粉 適量

 

做法: -

1. 將牛油用熱水坐溶, 倒入Oreo朱古力餅碎攪拌, 平均放入餅模內, 用匙羹將餅碎壓實放入雪櫃備用.

2. 淡忌廉打至6成後放入雪櫃備用.

3. 55%濃度朱古力用熱水坐溶; 魚膠粉與水開勻後用熱水坐溶.

4. 朱古力奶加糖和可可粉慢火煮至溶解, 撞入已拂勻蛋黃中. (分2-3次加入, 拌勻).

5. 加入魚膠水 (分2-3次加入, 拌勻), 用篩將混合物過濾, 再加入朱古力漿拌勻.

6. 然後與淡忌廉拌勻.

7. 將慕斯漿倒入餅模中放入雪櫃雪最少6小時.  雪凍後用篩將可可粉平均篩在餅面上.

 Tips 貼士: -

1. 餅碎可用消化餅碎

2. 每加一樣材料, 要完全拌勻好後才加另一樣. 

3. 淡忌廉最好打至6成(有紋有軟勾), 慕斯才會細滑.

4. 熱朱古力奶撞入蛋黃中要不斷拌勻, 不要讓蛋黃受熱凝固起粒.

5. 要確保魚膠粉完全溶解入水中., 要確保魚膠水完全拌勻入慕斯糊中, 否則魚膠水會凝固出現魚膠粒.

6. 脫模時可用熱毛巾包圍模邊, 或用風筒沿模邊吹, 使外層慕斯略溶, 方便脫模.

外食

前日同mpp去報團前, 我地去左"和民"食飯!

小妹同mpp order食物既風格好唔同, 小妹好保守, 食黎食去都係個幾款.... mpp唔同, 佢鐘意試新野, 原因好簡單, 因為佢個人為食 !

mpp既緣茶沙冰! (I don't like it )





溫泉蛋caesar salad, 超級好味!!

炸天使麵 (mpp貪得意order, 勁唔好食, 多油, 又唔夠味, 食剩好多, very bad!! )

呢個燒餅保持水準!

呢個係新野, 黑豚肉, 味道"E支棒"... 我地一邊食... 一邊係度回味係日本時食"和幸"既吉豬, yummy~~~ )

Honeymoon

好開心~~ 真係好開心~~~ 我地終於決定左去邊度honeymoon喇~~~

近呢兩個月, 小妹不段同mpp相量我地既honeymoon地點, 不過我地一直都未finalize!  基於honeymoon關係, 我地唔想顧咁多野, 所以我地唔考慮自由行, 一早已經鎖定跟團做鴨仔, 哈哈~~


由於出trip在即, 擒晚我同mpp帶定passport準備book團, 先去"和民"食飯... 同mpp一邊食... 一邊傾!!

我地有三個地點揀: 沖繩, 北海道 同 歐洲! 
--->  沖繩 -- 我同mpp都未去過, 行程有自駕遊, 我同mpp都好有興趣!!
--->  北海道 -- 對上一次係5年前去過, 勁鐘意北海道既雪景, 好浪漫既一個地方, 好啱honeymoon !!
--->  歐洲 -- 小妹識唔少老外, 不過就未去過歐洲, 但mpp就去過.... 小妹係個極度, 極之, 非常崇洋既人 (哈哈), 一直都好想去歐洲.... 好想同mpp去一個我好想去既地方....


沖繩既團費, 平時去好平, 但旺季要加成個double.. 加上十二月轉涼到17-18度, 玩唔到佢既水上活動, 所以我地好快咁決定honeymoon唔去呢個地方, 下次再去.

歐洲, 小妹好渴望去... 不過由於一月初mpp有個大project要做, 而小妹一月份又有老外客人到港開會, 如果去歐洲, mpp落機後第二日要即刻返工, 而小妹返黎又要即刻對住個客, 真係好無陰公!!  唔想honeymoon後咁辛苦... 所以.................. 我地飯後決定去北海道!!

小妹之前做哂research, 去日本唔使講就緊係跟"東x遊"最好, 我上次都係跟佢地團... 之不過我check過佢地既行程,一樣坐CX, 雖則行程住宿差小小,  但"星x"就平成2千蚊, ..... 小妹係個精明準C9, 緊係揀個平個間啦! 走入"星X"準備book團, 點知個職員話價錢係出左, 不過正式冬季行程未出... what ??!!??!!

無奶油係無行程下book團吖嘛...... 所以我地轉左走入"永X"............... 哈哈哈哈~~ 我地最後決定去歐洲honeymoon!!

多謝mpp就哂我!!! 多謝連個天都幫我!!!!!! 哈哈哈哈~~~ 想到呢個honeymoon會同mpp去玩足兩年, 我地又會係歐洲過我地婚後既第一個除夕, 以及婚後第一個鬼老新年... 真係諗起都開心呀!!!!!!!!!!!!!!!!!