First date anniversary

擒日同mpp既"First date anniversary", 已經順利慶祝完畢!

 

一如以往, mpp book左同一間餐廳同我食晚飯! 每次係個度食飯, 都會諗起我地第一次dating時既對話, 當時仲有d蝦碌野發生添.... 感覺都幾sweet~~

 

我同mpp既金必多湯!

 

小妹order既雞扒配蝴蝶蝦

 

mpp既焗豬扒飯

 

 

出年既今日已經唔係mpp女朋友, 係mpp太太, 唔知到時既感覺係點既呢???  哈哈~~

週年紀念

今日係我同mpp既週年紀念, 一直以黎我都好重視呢一日, 好多時都會想起幾年前既今日, 我同mpp見面食飯時既趣事同感覺!

 

過去幾年既今日, 小妹都會著番當年赴約個條裙, 而mpp會book番當年我地係中環食晚個間餐廳, 每年都係咁過, 好sweet~~~

 

上星期小妹仲記得呢件盛事, 但係................ 我.............. 我今日居然唔記得左呀!!!!!!!!!!!!!!!!!!!!!! 無著個條裙........... 連禮物都無預備呀!!!!!!!!!!!!!!!!!!!!!!

 

幣喇!!!!!!! mpp, 點解你唔提我呀???? 唔通連你都唔記得嗱??????

婚前檢查

單身日子仲有半年時間, 而家過既每一日, 都希望時間可以行得快一d, 可以比我快d嫁比mpp!!

 

擒晚放工後, 同mpp去左做婚前檢查!  坊間上好多婚前檢查, 價錢平之餘, 仲包好多唔同測試! 不過我仍然選擇家計會, 感覺好似穩陣準確d, 價錢係$800一位!

http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=7

 

婚前檢查女仔要上去兩次, 第一次係抽血, 另一次係睇報告!!

 

男仔就要多一次!!  因為男仔要攞佢地d樣本做精子測試!  擒日護士比左張紙mpp, 原來個張紙係專比男士睇, 教佢地點樣攞d樣本, 而且樣本必須要係一個半小時內交去收集地點... 我同mpp睇睇吓都忍唔住笑, 樣本最緊要"新鮮"呀, 哈哈~~

 

家計會都好多人去, 小妹上個月打電話去落booking, 結果要等成一個月至可以上去抽血!  而睇報告時間要等成一個半月, 即係7月底!  須要做婚前檢查既新人要注意呀~~

 

 

 

430 之 木糠布甸

好同事波仔4月30日生日, 呢位同事好鐘意食野, 佢對小妹整既木糠布甸讚不絕口!!

 

見佢咁比識食, 小妹當然願意整木糠布甸比佢, 同佢慶生啦!! 可惜, 四月底/五月初出左差唔係香港, 直至五月中至得閒整比波仔食!

 

小妹一次過整左10小杯, 再加兩個大玻璃盒!!  呢次既木糠布甸分左比好多同事食, 同事們都比面話好味道!!  見同事食得開心, 咁我自己都會開心~~

 

 

禮餅

小妹同mpp既結婚仲有唔夠200日, 係時侯要加速去處理未攪掂既事...

 

西餅餅咭方面, 我同mpp係兩個月前已經訂左!!  唔好以為mpp好似嘜都唔care... 查實佢某d野上面都要d要求!   我地買左東海堂既餅咭, 上面可以印上我同mpp既婚照.... 哈哈, 連我都估唔到原來mpp又幾浪漫, 哈哈哈哈~~

 

唐餅方面, 早前已經同媽咪傾好左佢要幾多張唐餅咭!! 奇華係父親節有8折優惠, 知慳識檢既我, 擒日梗係拉埋mpp去買啦~~~ 又攪掂一件事!!!

 

婚禮回禮禮物

同mpp傾左好耐, 到底我地婚禮回禮禮物買咩好.... 我鐘意果d, 佢覺得太cute, 唔係好啱... 而佢鐘意果d, 我又嫌唔夠實用!

 

上星期, 我地終於鎖定左一樣大家都覺得ok既回禮禮物 (保持神秘唔講住 ), 見朋友同事們成日都淘寶買野, 小妹都想試吓, 上星期就上淘寶搵我地mpp既回禮禮物!!

 

見到一間有5個鑽石級別既公司, 價錢又幾ok, 一於學人係淘寶買野!!

 

不過, 小妹新開既account未入錢, 為免麻煩, 我叫左好姊妹HAPPY幫我落單! 一切以為好順利之際......

 

星期二

-- 下午係公司收到件, 小妹9秒9衝出receiption收件, 貨品唔錯喎, 好開心!!

-- 不過..... 數吓數吓... 點解只有半數????   小妹即時通知個間公司, 負責人話攪錯左, 會補寄比我...

-- 點知... 細心驗查貨品時... 小妹發現包裝上既thank you咭, 居然有半數係印錯字 "thamk you"!!!!!!!!!!!!!!!!!!!!! 小妹再問負責人投訴, 負責人話會係補寄既貨物入面多寄一d啱既咭比我!  咁都放心d!!

 

星期四 (即係今日)

-- 中午又收到件, 打開箱見到貨品好開心!  除左貨品外, 仲有一包thank you咭!! 個心終於定番d....

-- 不過... 問題又黎喇..................最大問題就係貨品又唔夠數!!  小妹再同負責人傾, 佢地今日會再補寄比我...

-- 小問題係... 佢地寄左thank you咭比我, 英文串法係啱... 不過, 佢地寄既係另一個款式既咭... 唔好睇既一張thank you啱...... 激死人喇!!!!!

 

好失望既一次淘寶之旅!!

清茶淡飯

近呢幾個月, 好大感覺覺得人生原來好精彩! 經常處於開心...  唔開心.... 開心.... 又唔開心..... 繼續開心.... 跟住又唔開心!

 

每做完一件事, 總有另一件事等你去做....   有 亦有 !!

  -- 上年年底去婚紗展join婚紗相packaging! 心情好開心!!

 -- 上年年底發現身體有小毛病.. 當時診斷為小問題, 無須理會! 不過都好擔心!

  -- 三月中影婚紗相, 心裡極之興奮!

 -- 三月尾發現小毛病有變化... 最終醫生建議入院做手術!

 -- 四月中同伴娘選伴娘裙... 開始有d結婚feel~~

 -- 四月中至五月頭, 遇上一個新黎既"瘋顛"客人, 壓力下攪到塊面狂爆瘡... 人生中第一次滿面暗瘡... 連搭地鐵時都唔敢望人... 頭dun dun咁... 好灰!!

  -- 五月同斑姊妹們要選姊妹裙...... 加上同mpp返屋企, 同媽咪傾過大禮既事, 雖然好多麻煩野... 不過, 結婚既feel又大大咁近一步喇!! 開心+ing~~

 

 

家人對我好重要, mpp對我更重要!! 健康既身體好重要, 我要令mpp身體健康, 永遠陪住我!! 煮飯比mpp食, 見佢食我煮既野時, 我會覺得自己好幸福! 

 

雖然我地無大魚大肉, 簡簡單單, 清茶淡飯.. 但有愛你既人係身邊先係最重要!!

 

 

 

《斜路黃花》

(追卜中.....)

五月初, 出左差唔多十日trip後, 成個人都散哂....

 

mpp一早買左話劇飛, 雖然小妹真係好攰, 但..... 我呢個跟得好女友, 當時唔會錯過陪honey睇話劇啦~~~

 

8/5/2011 (星期日), 我地去左葵青劇場睇《斜路黃花》, 未入場時已經見到陳敏兒, 佢係黎撐老公廖啟智場!!

 

 

故事:

以 1903年「大明順天國」事件為經，以基督徒革命者及士紳儒商的人物關係為緯，以中、上環斜路為背景，重現百年前香港人在辛亥革命洪流中的血淚、掙扎與仁心，體現了「香港人、中國心」的可貴情操。
資深影劇評論人石琪﹕「主角是富商周家兩兄弟......矛盾關係比《十月圍城》富商父子更有代表性......涉及宗教，革命、鼠疫、慈善、戲曲、戀愛與婚姻、中西新舊之辯…重提了不應遺忘的香港歷史一頁。」

 

小妹感想:

今次mpp又買貴飛, 我地坐第三位... 近距離去欣賞話劇本應好有feel... 可惜....

可惜1: 小妹實在太攰太攰... 實在有力不從心既感覺... 無奈地開劇無耐, 有部份時段瞓左覺.... >.<

可惜2: 小妹旁邊坐左一名其女子!! 呢個女人好難頂, 佢係咪都笑一餐!! 尤其係當女主角廖安麗講d類似新加坡英文時, 呢個女人直頭係度喪笑... 嚴重騷擾他人!!!!! 好討厭!!!

好一套話劇, 小妹就係咁既情況下浪費左去好好欣賞...

伴娘姊妹裙

終於有時間講番自己野

 

四月中時, 先同伴娘去左尖沙咀百利租裙, 我地好快就搵到一間都幾唔錯既舖頭, 當然裙款一定要啱我個伴娘要求, 就係呢件喇!!

 

由於四月尾出左差, 直至五月初, 小妹先得閒約班姊妹們出黎! 幾個女仔一個壚, 係間舖頭嘈完一輪後, 最終姊妹們 選左呢兩款!

 

 

姊妹們唔想米白色, 當佢地見到呢條湖水綠時, 鐘意到不得了!  現場睇既湖水綠真係好靚, 不過, 鏡頭下既湖水綠好似淺籃色咁.... 小妹家下好擔心呀, 因為我怕d長輩唔鐘意.... 點算好!??!!?! 

 

仲有200日就同mpp結婚, 真真真真真真真,....... 真係好期待, 快d可以做mpp太太, 哈哈~~