上個星期尾好忙, 忙到連lunch都要做野... 又忙到要OT到成十一點幾至收得工..... 最慘係仲要忙多一輪, 連個blog都唔得閒update!!
上星期發左一個好驚好驚既夢.... 係史上最驚既一次!! 驚到連我自己發開口夢都知道.... 係驚到連mpp都比我既發開口夢而嘈醒左....... 係驚到自己醒左之後, 都要繼續連聲講 "好驚呀.... 好驚呀........真係好驚呀..... 
一向睡眠質素麻麻地而且又好醒瞓既我, 上幾個星期晨早四點幾左右, 不斷比d雀仔聲嘈醒.... 可能由於小妹住係四十幾樓... 聲音會向上爬..... d雀仔聲就好似係我耳邊叫咁.... noisy! noisy!! 勁noisy呀!!!!!! 下次買樓, 真係唔好買超過三十幾樓既樓呀!
早前係港鐵個website入面, 將八達通登記左, 登記左之後, 對小妹黎講都幾有用!!
首先, 佢地會定時定候send e-mail比d會員, 通知我地有嘜新優惠, 對我最有用莫過於係有優惠券可以半價搭機鐵!
另一個好處, 就係會員可以預訂紀念車票!! 呢樣野就對mpp最有用!
擒日幫mpp已經有網上book左呢套翠兒套票!
優先訂購MTR x Looney Tunes Active港鐵紀念車票系列
鼓動全城投入足球狂熱，港鐵將於2010年5月30日起一連三星期推出限量版 Looney Tunes 港鐵紀念車票套裝，款款足球員造型精緻可愛！
全個系列包括三款紀念車票套裝1，每款只售港幣95元。如你購買整個系列，便可以集齊六張設計精美並印上Looney Tunes經典卡通人物的紀念車票、三個精美票套、十一款Looney Tunes夢幻足球隊成員及一個球場陳列座。紀念車票於各港鐵客務中心2(非付費區)公開發售。每人每次限購兩套，數量有限，售完即止。
我們已為「港鐵友禮會」會員預留部分MTR x Looney Tunes港鐵紀念車票系列，讓你優先訂購，你只需以港幣285元便可訂購全套三款紀念車票套裝，數量有限，每名會員限購兩套，售完即止。
訂購辦法如下：
1. 會員可於2010年5月14日至5月26日登入「港鐵友禮會」作網上訂購，成功訂購之會員可於2010年5月28日至6月11日前往金鐘站港鐵旅遊3領取已預訂之紀念車票。（逾期無效） 現在訂購 或
2. 會員亦可於2010年5月28日及29日携同此電郵列印本前往金鐘站港鐵旅遊3以現金港幣285元即時購買紀念車票。
備註:
1 每套包括兩張紀念車票*、一個精美票套及4款限量版figurines或3款限量版figurines連一個球場陳列座(可擺放全套11款figurines)
2 不包括機場快綫、輕鐵、羅湖、落馬洲及馬場站。
3金鐘港鐵站24號舖（近B出入口，非付費區）領取時間：11:00-19:00（敬請自備購物袋）
港鐵友禮會熱綫：2993 4375
*車票有效期至2010年7月31日，憑車票可乘搭港鐵任何車程一次，不包括機場快綫、東鐵綫頭等、往返羅湖及落馬洲站的車程、輕鐵、港鐵巴士及港鐵接駁巴士。
港鐵熱綫：2881 8888
好朋友個婆婆係上星期五離開左, 小妹今朝先知道呢個消息, 好唔開心.......
中學時期, 幾乎每個星期都會去好朋友屋企玩, 呀"PAUL" (我地係咁叫婆婆既)真係好好人, 對我地個個都好好.... 到而家... 我仍然記得呀"PAUL'叫我個名既聲音!! 仍然記得呀"PAUL"慈祥既笑容!!!
據好朋友消息, 呀"PAUL"走個時唔算辛苦, 而且呀"PAUL"已經一百歲, 都算係咁! 只可惜, 一個慈祥, 好心地, 得人尊敬既婆婆離開, 確實令人覺得惋惜, 確實令人心痛..... 今朝本打算MSN慰問好朋友既我, 卻無用地落淚..... 反而要好朋友叫我唔好咁! 我真真無用!!!
呀"PAUL" --- 想你定必已經係天主既身邊, 我會為你好好禱告!! 下星期, 我會盡力收起我既淚水, 用我既笑容去送別你!! 祝一路好走!! 永遠懷念您!!!!
過去既幾個weekend都係工作中渡過, 上星期終於回復正常, 呢幾日都可以同mpp一齊!!
上星期五, 同mpp去左大會堂睇《橫衝直撞偷錯情》!
故事內容:
國偷情喜劇經典《橫衝直撞偷錯情》(A Flea In Her Ear)，是今年法國五月藝術節其中一個重點節目。此劇於 1992 年首次由香港話劇團於香港演出，由鍾景輝博士翻譯、改編劇本及執導，反應熱烈。今年由話劇團藝術總監陳敢權先生改編及執導，將此劇以全新面貌演繹，呈現維多利亞年代的愛情故事，為觀眾帶來一場瘋狂惹笑的劇場體驗。
《橫衝直撞偷錯情》的背景是約一百年前的維多利亞時代，描述男女之間的迷戀、妒忌、猜疑與愛恨交纏，放諸現代仍然可以引起觀眾的共鳴。不少人都說法國巴黎是浪漫之都，此劇是法國劇作家喬治‧費杜筆下的巴黎故事，當中滲出其特有的法式情懷，令人不禁沉醉於其中，進入一個充滿恩怨纏綿的世界。
在十九世紀的花都巴黎，偷情為潮流時尚。多疑少婦以匿名情信試探丈夫，錯摸誤會一發不可收拾，引致十三人物大鬧金絲貓酒店，子彈、「含口膠」及襪帶橫飛......。惹笑對白夾雜法式幽默，必起驚人的化學笑料。
小妹意見:
呢套劇當中有唔少"有味"笑話, 不時引起全場大笑... 而小妹而家先知道, 原來男人同女人聽有味笑話時, 大家既笑位係唔同既... 真係有趣有趣!!
劇中每個演員都做得好出色, 而劇中每個細節都精心部署過, 令到成套劇無嘜悶場, 怪唔得公演左咁多次都依然全院爆滿, 厲害厲害!!!
話說.:
睇劇中途小妹口痕, 所以靜悄悄咁係袋入面攞左一個包食.... 點知比眼厲既女職員見到, 個女職員走埋黎用電筒照我, 突然比佢照一照, 成個人嚇左一嚇.... 
個女職員之後又係睇劇中途, 揸住個電筒照過兩三個人, 佢地分別係攞左個電話出黎 (應該係睇message), 咁就比個女職員照....
查實係睇劇中途, 食野同攞電話出黎當然係唔啱, 因為咁樣會影響到人.... 不過, 小妹更加覺得個女職員係睇劇中途, 不時走來來去咁用電筒去照人, 我覺得咁仲影響到人LOR.... 呢個女職員既"勤力行為", 小妹都係第一次見到!
寫blog有一大堆無聊spam.... 公司既spam每日多都嚇死人....煩死人!!
小妹個私人e-mail一向都有spam... 早兩日仲收到一個嚇人既e-mail, 驚左成朝早!!!
話說早兩日收到一個舊同學(同學S)既e-mail, subject係 "永別了 我的朋友"....
嘩)))) 小妹當時好鬼驚, 即刻睇睇內容, 真係比佢嚇左一跳!!! 內容係 "你看到這封email的時候 我們已經不可能再見面了 保重!" e-mail入面仲有個"絕筆"attachment, 可惜開極都開唔到, 攪到好唔安心!
坦白講, 小妹同同學S並唔多熟... 如果佢真係要自殺, 相信佢唔會send e-mail比我!! 不過小妹都即時打比一個較熟既同學K, 可惜當時聯絡唔到!!
隔左一陣, 終於聯絡到同學K, 原來佢都收到呢個e-mail, 佢亦搵到同學S, 成件事原來係惡作劇!!!
同學S話佢成班朋友都收過類似既e-mail, 而佢相信自己個e-mail都比人入侵左.....
大佬呀! 玩還玩吖, 千其唔好搵呢d野開玩笑, 心血小都比呢d野嚇死呀!!! 都唔知邊鬼個咁無聊玩埋呢d野!!!! 大家千其唔好中計呀!!!!
今次出差係好急趕情況下決定, 老闆一confirm, 秘書就即book酒店同機票, 小妹第二日就要出發... 時間太急, book唔到港龍, 要撘MU機 ............(勁無奈!!)
話說出差前一晚, 小妹因小事同mpp鬧意見.... 或者係因為咁, 攪到自己好唔開心咁出差....
晨早一個人去機場..... lonely!!! (好在有小熊陪住我....)
晨早一個人check-in...... lonely!!!
晨早一個人食早餐.................. lonely!!!
晨早一個人上機........................ lonely!!! lonely!!! lonely!!!
班機起飛後, 小妹第一次遇上"超密集式"氣流.... 真係好驚..... 超掛住我個mpp!!!!! 小妹望住個天, 心入面不斷禱告..... 最後當然係安全到埗, 感恩感恩!!!!
到達寧波後, 接待既公司好客氣, 仲有個牌歡迎我添.... (好虛榮呀~~~~ 哈哈~~ )
做完正經事後, 佢地帶我去食飯... 寧波人食飯同香港唔同, 佢地唔會坐係到睇餐牌, 佢地會去親自到樓下點菜區點菜......
小妹今次黎寧波入住HOWARD JOHNSON PLAZA NINGBO, 呢間酒店好得, deluxe king size bed連早餐唔使RMB700一晚!!
酒店好貼心咁送上生果同禮包比我... 服務真係一流!!
第二朝晨上起身, 天氣唔錯!
第二日完成工作後, 小妹無同接待既人食飯, 因為第二朝要坐早機離開, 所以小妹係房order room service.... 呢個京都排骨飯超超超好味呀 RMB53 + 15%!
LAST一日, 晨早5點幾起身, 然後打的去機場, 返到香港時只係早上十點幾..... 見到mpp晨早都黎接我機... 小妹當時真係忍唔住開心到笑左出黎...... 個剎那就知道所有事都係小事, 有mpp係身邊就開心喇~~~
單拖寧波之旅可謂有驚無險, 出差後既感想係自己好無安全感, 而且思想上仍然未長大!!!! 不過為左生活, 自己更唔想做既野, 都要硬著頭皮做好佢!! 唔知呢d係咪叫香港人既精神呢, 嘻嘻~~
小妹係星期六中午已平安返到香港喇!
先講番母親節節目先, 小妹同mpp好乖呀, 係星期六同星期日穿梭係兩個母親之間, 為我地兩個母親慶祝母親節!!!
星期六晚先同小妹個靚女媽咪慶祝, 由於小妹唔係香港, 所有買花同買蛋糕既重任, 就交哂比兩個家姐處理! 大家姐order既兩磅母親節蛋糕好靚, 個日媽咪不知幾開心!
擒日係母親節正日, 中午時, 先同mpp媽咪飲茶... 雖則小妹唔係好識人情世故, 不過, 母親節呢d大節日我都識做gar, 擒日就準備左康乃馨同禮物送比auntie, 希望佢鐘意啦~~
飲茶後, 小妹約埋家姐們, 陪媽咪同爸爸去睇戲, 我地去左睇"葉問2".. 好多人睇完後都會討論第一集好睇d, 還是第二集好睇d??
小妹個人覺得第二集好睇d, 套戲內容好似充實d, 無嘜悶場! 劇中洪金寶飾演既洪師傅對呢套戲功勞唔少, 同甄子丹對打既真巧夫令小妹睇得好肉緊... 而戲中另一位比較注目既黃曉明, 比較可惜係佢既戲份比較少.... 小妹都係第一次睇佢做戲, 黃曉明青靚白淨, 個樣又真係幾charm, 怪唔得佢咁鬼紅啦!
北上工作唔係一件易事, 不過小妹好感恩, 除左有一個好幫得手既可愛助手外, 小妹仲有一班對我好好既客人!
同北歐合作左差唔多五年, 呢個客人對小妹唔錯, 小妹有時仲會同佢傾下自己d事, 當中得著唔少!
上星期某日, 客人突然提出話請我去香格里拉食lunch buffet, 為食既我, 緊係九秒九say yes啦, 哈哈~~
呢度好多野食, 加埋一後300蚊左右, yummy~~
日式 + 燒味區, 正呀!!
沙律麵包 + 熱盤區... 仲有鐵板燒添呀~~~
甜品區有橙味古古力fountain, 橙色fountain真係第一次見呀~~
呢度好多甜品選擇....
pancake生果雪榚區... d雪芭勁好味呀~~
第一次食buffet見到有萄撻, 味道唔錯!! 不過由於有客人係度, 小妹只有係佢行開左先敢影相, 費事失禮人嘛.... 哈哈~~
呢個trip朝朝有buffet早餐, 加上豐富既午餐同晚餐..... 小妹既體重已經不受控制..... 下星期真係要開始地獄式減肥先得喇 !!!!!!!!!!!!!!!!
擒日中午回歸香港喇..... 勁掛住我個honey, 所以一到步, 小妹即刻去會mpp!!
查實小妹上星期返過黎香港兩日, (不過日日都要見客, 又要帶客出去開會... 又忙又攰, 根本提唔起勁寫blog.... ) 或者mpp都係一樣咁掛住我, 傻佬係我上星期返黎個日, 突然走黎接我... 呢個mpp, 有時好大男人, 不過有時都幾sweet....
今次出trip好順利, 雖然有d辛苦, 不過好在有可愛助手同行, 辛苦得黎都幾開心.... 因為我地兩個咩野都可以笑一餐, 寓工作於娛樂嘛..... 可愛助手好幫得我手, 減輕左我唔少工作, 真係辛苦哂~~~
check-in上房後, 可愛助手好鬼忙, 不斷係房內走黎走去, 見佢走黎走去好鬼得意咁, 無聊下偷影佢, funny~~
可愛助手一時係書檯出現.....
一時佢係床邊出現.....
一時佢又會係電視櫃附近出現.... 哈哈哈哈~~~
比可愛助手發現我偷影.... 行動失敗左.... (爆笑呀~~)
可愛助手最精靈既一刻... 就係每朝食早餐個時, 呢個成200幾300蚊既buffet勁得呀... 我出trip前減左既幾磅就係因為咁而返哂黎呀...
黎緊可能又有一個trip..... 無奈..... 真真無奈.....
