SAKURA血拼東京 @ 26/3/2010 (DAY 3)
日本天文台好鬼準.....一早講明黎緊呢兩日天晴, 所以呢個trip既重頭戲 -- 睇櫻花編排係今日!!
今朝一早我地plan左去築地市場, 由於驚去到築地要等好耐至有得食, 所以我同mpp一早學日本人食早飯.... 今朝又係食牛肉飯, 不過試第二間牛肉飯專門店!!
呢間係日本三大牛肉飯店之一, 一樣做緊減價戰, 280YEN一碗, mpp鐘意松屋, 而小妹就比較鐘意呢間喇! 唯一可惜呢度無湯送,.....
食飽飽後, 我地出發去築地市場!!! 築地會係2012搬走, 所以好多人都會趕去食!! 一出地鐵站就見到呢棵一枝獨秀既櫻花樹... 唔使問小妹當時既反應...... 當然一樣係natural high咁... 走過去影相啦, 哈哈~~~
今日天氣真係好好, 藍天白雲, 好舒服呢~~~
呢度人山人海呀~~~ 兩大出名魚生店都勁多人, (應該話係勁多香港人).... 要小妹等上個幾鐘至有得食, NO WAY啦~~~
我地最終擇左呢間"鮨勘"... 小妹同mpp係呢間等位期間, 除左我地, 其他都係日本人, 所以我地諗呢間魚生店都應該唔會差得去邊!!
呢個set 1,850YEN (= HKD160), 好味!!
我地另外order多兩份壽司.... promote價 580YEN + 465YEN, 好味道!!
Yummy~~~
係築地遊歷一輪後, 我地坐地鐵離開.... 途經六本木, 見個地鐵站咁靚, 緊係要影番相留念!! (大家見到mpp嘛....??!!??? 佢出鏡喇, 哈哈~~)
第二站, 我地去左上野!! 呢度係上野既恩賜公園, 賞櫻既熱門地方!!... see~~ 好靚呀~~~
呢度既櫻花未完全開哂, 不過, 某部份既櫻花開得真係好靚好靚~~
人比花嬌... 小妹係櫻花前都好似特別靚d呀, 哈哈~~ (自我笑死中!!)
賞櫻後, 我地去呢度 -- 阿美橫丁 行街街, 呢樹好多野買呀~~ 血拼時間又開始喇~~~
100YEN一串菠蘿.... 超超超好味呀~~~~
今日又買左好多野呀~~
返酒店休息一輪後, 我地又出去搵食, 今餐食天婦羅, 好味道既一餐!!
食埋呢個大大粒既章魚小丸子 (成8CM大), 今日真係滿足+ING~~
