上星期約左堅官d舊同學出黎食飯, 補祝同學LO生日.... 我地呢d日理萬機既大忙人, 當然要比面出席啦 (唉.... 真係唔知醜呀, 嘻嘻....
眨眨眼, 畢業出黎都已經1x年..... 食晚時, 大家小不免懷愐過去, 越傾就越覺得原來自己幾老餅..... 但係感謝主!! 我尚算keep得都唔錯, 但同學LO你就......... Um....... 好自為之啦.......(肯定比佢打死我, 跟住佢就實會用佢既口頭禪話: "你係咪咁串咀呀!".....哈哈哈哈....... )
聽小康講, 原來舊校有個blog, d舊同學係先兩年已經開始有聚會, 雖則我係堅官只係讀左兩個學年, 對學校無嘜印象, 但從blog入面既相片, 我仲認得幾個同學仔呀, 難得! 難得!!.... 你知啦, 小妹個腦既MB數真係好有限....
我一路都有同幾個感情要好既同學keep住contact, 雖然我地可能一年只見得一兩次, 但感覺仍然好close呀....
突然諗番好多以前同"同學LO"既事, 你仲記得麻....
--> 有次出街, 我整損隻手指, 你叫我係商場等你一陣, 原來你走去買膠布比我....
--> 我地一齊去泳池游水, 你突然走埋黎"cool"住我條頸, 我以為你玩野, 一手將你推開..... 原來你唔舒服, 因為隻腳"店"唔到地而需要我扶實你, 我竟然.......
--> 當年我地一齊係尖沙咀搵到份工, 初初番工時, 大家係office無嘜野做.....你就好無聊咁畫左一幅加菲貓, 然後fax比我...... 點知呢..... 呢幅畫jam住左係fax機度, 你又唔識"蚊"番出黎, 最後你唯有極度樣衰咁要搵同事幫手....... (我而家打緊字都忍唔住笑呀....... 你真係好低b呀.........嘩哈哈哈哈.........
--> 多謝你差唔多每年我既生日, 除左我身邊個件, 你總會係第一個係十二點正打電話或send SMS比我既朋友, 同我講happy birthday.
--> 多謝你係我人生最唔開心時, 打電話開解我..... (記得麻, 放工時同你講電話, 係條街度喊到停唔到口, 諗起都覺得好樣衰呀....)
--> 抱歉係你哥哥同媽媽走既時候, 我沒有係你身邊支持你...... sorry! (真心gar)
同學LO, 你知我啦..... 不嬲都係一個重色輕友既人, 但多得你有時自動自覺咁打電話比我, 同我keep住呢份友誼.... 老套都要講 Friendship Forever, yeah yeah yeah!!!!!!!!!!!
後話:
上次同mpp揸車入數碼港睇戲加食飯, 出黎時途經西環, 當時我覺得條路好鬼熟, 似曾相識咁....... 於是, 我就叫mpp揸慢d啦..... 點知比我發現加惠民道....... OH........ 我簡直好似發左癲咁... (唔好意思, 無哂儀態tim..... ^__^), 但實在太感動喇, 畢業後根本未入過堅尼地城........
堅官係我畢業後兩年就關門大吉, 變為而家既將軍澳官立中學.... 聽講堅官原址先變為新加波國際學校, 後變為IVY直至現在.
)