Test

2013年8月8日星期四

黑椒牛柳絲炒麵 (附食譜)

擒晚老公有雀局, 小妹一個人唔知食嘜好, 突然想起屋企有壽X牌蝦子麵, 決定煮左自己從未煮過既炒麵 --- 黑椒牛柳絲炒麵!!

第一次煮, 呢個黑椒牛柳絲炒麵, 好滿意個賣相, 味道都OK, 不過仍要改善 (winking)

黑椒牛柳絲炒麵

材料簡單:
- 蝦子麵 4個
- 牛柳扒 1塊
- 洋蔥    半個
- 青椒   1個
- 甘荀    半條
- 蔥頭     1粒

獻汁:
豉油 / 老抽 / 水 / 鹽 / 糖, 豆粉, 加大量黑胡椒碎

做法:

1) 牛柳扒洗淨抺乾後切條, 用鹽, 黑胡椒, 油略醃!

2) 洋蔥 / 青椒 / 甘荀, 洗淨切條, 蔥頭切碎

3)
(A) 蝦子麵先用熱水煮熟, 然後隔乾水!

(B) 燒熱鑊落油 (油量比較多), 滾油下落麵, 期間千其唔好多手, 待一邊麵煎到香脆後才反轉煎另一邊! 煮好後先上碟!
(** 小妹用中式鑊, 唔係好識將成餅麵反轉, 所以整唔成一餅麵既效果 >.<, 下次再煮時會用平底鑊!! **)

4)
- 熱油炒香乾蔥碎, 加入洋蔥及甘荀, 最後加入青椒同炒!
- 最入加入獻汁即成!

以上份量除左呢一大碟外, 小妹仲可以帶埋飯盒今日返公司做LUNCH　 (big grin)

2013年8月7日星期三

我們的週年日

7月27日係我同mpp既拍拖週年日 , 原本安排二人世界, 不過個日咁啱mpp d 同學由外地返港....

原本mpp話我地夜晚照食飯, 之後再join同學仔... 不過, 佢地好似好耐無見, 所以小妹都識做, 我地改左食下午飯慶祝, 夜晚同佢d同學去K11食飯!

當日我地下午食日本野:

mpp既魚生飯

我既拉麵 + 壽司

小妹為老公準備既禮物 (love struck)

可惡既mpp居然無準備禮物比我.... 嫁左比佢都未夠兩年已經唔送禮物比我... (day dreaming)

.... 後來有人良心發現, 送左件衫比我... 哼! 算你啦 (laughing)

2013年8月4日星期日

等了又等的晚餐 :)

好耐無寫blog了, 因為上個月公司好忙... 好忙... 真係好忙!! 加上自己好懶... 好懶...... 真係好懶... (devil)

擒日留係屋企做煮飯婆 (winking)

今餐又係兩餸一湯:
- 蕃茄煮蛋
- 清蒸紅鮪
- 青紅蘿蔔煲西施骨

蕃茄煮蛋 -- 送飯一流, 呢個餸巧易煮, 所以成日煮 (big grin)

清蒸紅鮪

青紅蘿蔔煲西施骨 -- 好耐無煲呢個湯, 加埋粟米一齊煲, 個湯好甜好好味 (winking)

2013年7月14日星期日

上星期有一件唔開心既事發生左... 不過, 向來有阿Q精神既我, 已經自我安慰, 自我化解左呢年唔開心既事!! 好多時候好想去得到更多, 不過小妹明白上天已一早為我安排左我既命運, 所以我接受事實, 會以神為我安排既路而行!

今早有一件好開心既事, 一位親人係今日公報既香港中學文憑放榜得到好成績, 佢唔係最TOP個9位狀元, 不過佢既成績足以入讀HKU!!! 見佢父親係放榜前既壓力樣子, 今日真的替佢以及佢既女兒驕傲呀!!

話時話, 香港入大學名額真係好少, 學生以及其父母既壓大真係好大好大.... 不過不論入唔入到大學, 人唔係只得一條出路, 正所謂行行出狀元, 希望所有學生都正面咁可以面對啦 !!