Test

2012年7月10日星期二

又一聚會

呢兩日有一事好唔開心, 星期一小妹發現有一個相熟既人唱我, 呢個人我一直對佢好好, 但誓估唔到佢原來好憎我, 憎我既程度好強烈好恐怖!! 佢講到我好似惡毒既女巫一樣, 當中仲屈左好多唔關我事既野入哂我數!! 令我好唔開心!!!!!!!

mpp呢兩個月忙於一個大project, 小妹唔想煩到mpp, 所以原本打算將呢件事我收埋係心裡面..... 不過, 呢件事對我實在好困擾, 好想喊, 足足一整日都好唔開心.... 因為小妹自問自己完全唔係對方所講得既咁衰, 曾經我對呢個人做過唔少事, 幫過佢, 點解呢個人可以恩將仇報!!

擒日, 小妹終於忍唔住同左一個朋友同埋mpp講左呢件事, 感恩係佢地對我百份百信任!! 小妹清楚知道朋友同mpp對我既support, 並唔係因為同我friend或同我親, 而係佢地知道小妹既性格同人品, 佢地絕對信任我並唔係對方所講既如此惡毒, 如此陰險既一個人!!

感恩小妹有信仰, 有朋友同家人明白同支持... 還望呢個人可以將對唱衰小妹既精力, 花係自己既事業/ 家庭上! 唔好再唱衰我, 唔好再屈我!!!

(big hug)

講番d開心事, 擒日又約左d朋友仔出街食飯, 今次又係去尖沙咀食意大利野 :)

歌柏絲意大利餐廳 Grappa's Kimberley
http://www.openrice.com/restaurant/sr2.htm?shopid=79422

姊妹們合照 :)

餐廳環境好ok, very good!!

落order後, 即黎一set 麵包, 不過麵包一般!

我地4個女仔, order左3個set dinner + 1客意大利雲吞, 超飽 :)

其中一個set dinner既頭盤揀左 "羊奶芝士沙律", 賣相唔錯, 不過我無食!

呢一個頭盤order左鵝肝多士......... 超超超好味呀, 片鵝肝外脆內軟, 大愛呀~~~

餐湯得一款, cream with mushroom, 好味!!

主菜有三款, 呢個係黑松露菌意大利飯, 黑松露味道太強, 唔係人人啱食!

另一主菜香煎鱸魚柳, 好好味!!

最後一個主菜係炭燒美國一級肉眼扒, lovely~~~

另外我地order左一份白汁雞肉意大利雲吞!

餐廳環境極佳, 唔會摧人埋單, 4個女仔係無壓力下暢所欲言, 好開心既一個晚上 :)

2012年7月9日星期一

舊同事相聚

小妹好心歸, 平時唔多出街.... 不過呢兩個星期好多gathering, 上星期五出左尖沙咀同一班舊同事見面!

十年前既好同事變為今日既好姊妹, 雖然大家唔係成日見, 但個個都知道同方性格, 友情在心中!! 好朋友真係要好好珍惜!!

當日啱啱係龍舟賽事最後一日, 尖東好多人, 大部份餐廳都FULL哂, 最誇張係連酒樓都沒位..... 我地有9大1細1BB, 係尖東搵左好耐, 終於搵到一間意大利餐廳有位!!

Only Buonasera Italian Restaurant -- 尖沙咀麼地道68號帝國中心G23-28號舖

簡介	http://www.openrice.com/restaurant/reviews.htm?shopid=14531&page=2

當日order既食物, 食物同環境尚算ok, 但美中不足係呢度無水供應, 天時暑熱, 最後我地好似order左成4支礦泉水飲, $60一支, total $240, 呢個價錢可以order多一個意粉!! >.<

同事半年前生左個可愛bb囡, 呢個bb真係又乖又可愛, 我地幾位auntie不斷輪流同佢玩, 超喜愛呀~~~

可愛既YO YO, auntie Zoe祝你身體健康, 快高長大!!

2012年7月8日星期日

平讓.... 100%全新正版日本制Canoe鞋 (更新)

(更新) -- 對鞋已經有人買了, 唔該哂日本主婦既幫手 :)

兩星期前, 小妹睇中而家日本勁流行既CANOE鞋, 所以叫左"日本主婦"係日本幫左買左, 然後寄返黎香港.

"日本主婦"好快手, 上星期五小好已經將對鞋攞到手, 對鞋好靚好潮, 小妹勁鐘意!!! 可惜自己著得唔係好好睇... 而家想放賣!!

同事話佢係旺角見過Canoe鞋成六百幾七百蚊... 而小妹仍上網做過research, 正式日本訂既日本Canoe鞋未包運費要成400蚊一對, 大家可以上樂天check check!! 香港賣既正版日本鞋(包運費)最平要$650!! 舖頭買會再貴小小!!

據"日本主婦"FD上既粉絲報導, 有部份人魚目混珠, 將大陸貨當日本貨賣, 價錢約三百幾蚊, 有人上當買左, 不過話d quality完全唔同 !!

anyways, 小妹幫襯左"日本主婦"好耐, 百份百信任佢!!!

100%全新正版日本制Canoe鞋, 有興趣既朋友可以e-mail比我 (hk_mzz@yahoo.com.hk), 平讓!!

COLOR: PINK
SIZE: L

More information:

	Ｓ（22.0-22.5cm）	Ｍ（23.0-23.5cm）	Ｌ（24.0-25.0cm）	ＬＬ（25.5-26.5cm）	ＸＬ（27.0-28.0cm）
甲幅	約10.5cm	約12.0cm	約13.5cm	約15.0cm	約16.5cm
重量（片足）	約340g	約370g	約400g	約430g	約460g
ワイズ	３Ｅ相当		ヒール	約3.5cm
素材	アッパー部分：ポリエステル／アウトソール：ポリウレタン

2012年7月5日星期四

好同學相聚

舊同學6月底生日, 擒日一班舊同學打邊爐同佢慶生!

其中一個同學提議去油麻地花園酒家, 話好多野食!! 小好上綱搵電話做booking時, 比我發現原來呢間酒樓可以網上book位, 4位以上做網上booking, 即減$20位!! 原價$148, 家下每位$128(包加一), 超抵!!! 呢個價仲包任飲汽水, 啤酒, 仲有涼茶同雪榚, 值得推介呀!!!!!
http://www.garden-hotpot.hk/

再次祝輝輝同學生日大快樂, 希望你既"她"早日出現啦!! ^__^

2012年7月4日星期三

有營晚餐 - 清蒸紅鮋 + 健康炒粒粒

小妹好想mpp食多d魚, 不過mpp只鐘意食斑, 主要係因為佢唔鐘意d魚太多骨... 但魚又點會無骨呢??!!?? 請教左同事們, 佢地建議小妹可以試下魚鮋!!

魚鮋肉質唔錯, 不過都有好多幼骨, mpp覺得麻麻, 小妹唯有好似對細蚊仔咁逐少逐少咁迫佢食! (big grin)

有營晚餐 - 清蒸紅鮋 + 健康炒粒粒

話你知......

魚是世界公認的健康食物，臺北醫學大學附設醫院營養師李青蓉指出：魚含有豐富的蛋白質、胺基酸、脂肪、魚油、維生素B群、維生素A、D、E、碘、鉀等各種豐富的營養素。其中，蛋白質可以幫助人體建造與修補組織；鉀離子可維持人體鈉與鉀的平衡；維生素A、D、E有助於視力、牙齒、骨頭、皮膚黏膜等生長發育。魚油內含的DHA與EPA更是超強營養素，可促進腦部發育、減輕過敏與發炎症狀、增強免疫系統等；並被廣泛應用在成人保健食品上，用來抗血栓、降血脂。