囍宴

兩位新舊同事分別係30/1 同 31/1結婚, 小妹從未試過連飲兩餐!



30/1/2013

31/1/2013




再次恭喜哂!!

好姊妹團年

唔經唔覺, 下星期就新年, 時間真係過得好快, 今年係第二年派利是了 ^__^


星期一晚, 約左d舊同事食飯, 雖然我地全部已離開左舊公司, 不過, 我地每年都會約出黎一兩次, keep住見面!


今次見面既topic係團年, 小妹提議食放題, 我地去番尖沙咀既"大喜屋"食 !!

 
呢個月第二次黎呢度食了, 食物仍然係咁yummy yummy

今晚同聽晚都要去喜宴, 祝兩位新娘子新婚快樂, 永遠幸福!!!!

可惡的

擒日上極都上唔到Facebook, password明明無錯, 但一直login唔到.....................

小妹周圍搵人求救, 公司IT同事都有幫我check,, 但check來check去都唔知咩樹, 小妹個account好似比facebook block左咁..... 好驚!!

晚上約左舊同事出黎食飯, 原來無左Facebook真係好大影響, 感覺好似與世隔絕咁, 無哂朋友 >.<

好在夜晚login得番, 嚇餐死!! 


********************


上星期日晚mpp公司有funcion, 小妹係屋企無事做, 突然mood到想送野比mpp......


準備開工

先畫個海同天.... 然後再畫d嘜嘜.... 同物物 
<< 最後作品係秘密啊, 唔公開了 >>

踩冰

呢排無論公司同自己都忙... 忙... 忙..... 呀!


好幾日無寫卜...  寫番上年既blog先


30/12/2012, 約左老公既舊同學們去西九踩單年兼郊遊, 點知去到先發現原來而家已經無得租單車.....  好在其中一pair人帶左私伙單車, 而小妹好醒目咁帶左d飛碟, 球板等小玩意同d小朋友玩, 咁先無咁悶!


當日天氣好凍, 大概玩左個幾鐘後, 大家建議去打保齡, 一行十幾人分三架車揸去奧海城, 去到先知個保齡球場執左, 有無貢橋呀, 又執!!??!!! 


當晚我地係element食意大利菜, 既然始終要過番去圓方, 咁大家又提議去踩冰喇!!!  小妹從未同MPP踩過冰, 所以當有人提議時, 小妹都(有私心)舉腳贊成!!! 


小妹踩冰雖然唔講得上好叻, 但教小朋友分享下自己心得都仲可以.... 不過唔知係咪年紀大關係, 踩冰時好驚趺, 無以前細個時踩得咁大膽, 以前敢後溜, 而家都唔敢了, 費事一把年紀趺低整傷自己

自家製好味瑤柱臘腸蘿蔔榚 (附食譜)

小妹一向好鐘意食蘿蔔榚, 今年突然心血來潮, 好想自己整蘿蔔榚食!


上網睇過唔同食譜同做法, 每個人既recipe都有小小唔同.... 小妹綜合左幾個唔同做法, 擒晚成功做左兩底蘿蔔榚, 蘿蔔榚既軟硬度啱啱好, 超開心呢~~



材料:
蘿蔔    3斤 (記得叫菜檔呀姐量準d )
蘿蔔水    (刨好蘿蔔剩低既水)
粟粉   約小半碗
沾米粉    300g  (約半包)
乾蔥頭    1 粒臘腸   3 條瑤柱       5 粒
蝦米       1/3 碗 小妹想多D材料, 下次會改用以下材料
臘賜 4條
瑤柱 8粒
蝦米 半碗
臘肉 半條



瑤柱及蝦米先用清水洗淨, 然後用清水浸一小時  

- 臘腸可先用熱水浸軟一陣才切粒
- 蝦米浸軟後切粒
- 瑤柱"meet"絲..... 


浸好既瑤柱同蝦米水記得要留用!!

3斤蘿蔔有兩大條 (楝蘿蔔時要揀重手個d, 菜檔呀姐話靚既蘿蔔個頭同尾都會細d, 而蘿蔔身就大d) 

洗淨去皮後刨絲
(嗚謝mpp係我手軟時幫我刨左一陣 )



TIPS: 蘿蔔唔好切頭, 咁刨絲時就可以刨哂成個蘿蔔, 又唔使驚刨親手喇

開始煮了!

(PART 1)
- 熱好鑊後, 落少少油炒香乾蔥碎, 然後加入臘腸粒同炒 (唔使落太多油, 因為炒臘腸時會出好多油) <---- 如有臘肉, 先炒臘肉, 後放臘腸- 之後加入蝦水, 炒香後再加入瑤柱同炒!
- 加入以下調味後, 上碟備用!
酒     適量
豉油    適量
糖     適量

(PART 2)
- 用炒過臘腸粒既鑊 (保留有臘腸既油), 放入蘿蔔絲不停炒   <<  炒蘿蔔絲好重, 用兩個鑊剷會方便好多 :) >>
- 蘿蔔絲炒熱後, 之後加入瑤柱及蝦米水繼續炒
- 跟住加入以下調味:
鹽    1-1/2 茶匙 
糖   1/2 茶匙
雞粉    2 茶匙
胡椒粉    適量


將蘿蔔炒至透明及軟身後, 加入臘腸+蝦米+瑤柱粒粒, 兜均後熄火!!



刨蘿蔔絲時剩低既水分兩批, 加入栗粉及沾水粉撈勻 (咁做可以make sure所有粉都溶哂, 好過逐少逐少加入鑊慢慢炒, 真係炒到手都軟)
然後放入鑊炒勻!
(杰身程度係咁樣就啱啱好喇 )

掃少少油係盤入面(唔會"痴"底),  然後放入約9成榚料!  (唔後放滿哂, 因為蒸榚時會漲起)



上面放上已炒過既臘腸, 瑤柱 同 蝦米粒!



水滾後, 用中大火蒸45-60分鐘即成!  (視乎蘿蔔榚size, 可插入筷子做測試, 筷子無"痴"就等於d榚熟了)

小妹底榚唔太大, 蒸左50分鐘就攪掂!



加入蔥粒做裝飾, DONE!! 
 (應該加入芫茜碎, 不過屋企無 >.<)

聚一聚

honeymoon既歐洲之旅已經係2011年既事 (28/12/2011 至 4/1/2012), 仲記得8日既旅程入面玩得好開心, 除左因為有mpp之外, 仲有一班好玩得既團友!


上年年中時, 團友們已經攪左一次bbq, 當時雖然人少少, 不過大家都玩得好開心!


其中一個係澳洲住既family最近到港, 成年無見, 我地當然要見吓面啦!!  擒晚我地一行13人去左尖沙咀大喜屋食放題!
 

小妹第一次食大喜屋, 食物果然very good, 值得推介!



1月有位小朋友生日, 餐廳送既禮物令人佢好 "十派" ^__^

澳洲family 既團友送比我同mpp既禮物, 多謝哂!!  希望有機會可以去澳洲玩, 順便探吓你 :)

ZOZO好味串燒

上星期超忙, 因為有兩個客係歐洲來港, 黎緊呢幾個星期有好多野要follow up, 忙忙忙....


星期六day off, 好耐無煮野比老公食, 冷落左mpp一星期, 星期六整好野比佢作補償!



中午瞓醒後出動, 係JUSCO買左一大車食物, 成四百幾蚊!



買野期間好肚餓, 係JUSCO入面既餐廳醫醫肚先 :)





材料豐富!!

新鮮organic疏菜



鹿兒島和牛 (呢度成88蚊, 好貴呢~~)

 

準備左雞肉串 :)

仲有牛肉串 :)

ready to cook~~~


colorful~~~



呢樽燒肉汁超好味!

Done~~




very yummy~~