回家真好!

小妹早兩日已經安全回家,

見到mpp,

回到家裡,

感覺真好!!

 

不過,

聽日又要出差喇.....

 

今次出差,

單拖帶個北歐客人,

去一個我從未去過既地方...

又遠.... 又凍既一個地方....

點算??

 

緊張 x 10000000000000000000

 加油 ZOE!!.... << 自我安慰中  >>

 

GOD BLESS ME!

 

 

五百年一遇??

下午出發! GOD BLESS ME!!!

 

http://www.rthk.org.hk/rthk/news/expressnews/20101021/news_20101021_55_706666.htm

鮎 魚 逼 近 廣 東 　 廣 州 或 現 500 年 來 最 強 風 暴 潮

2010-10-21 HKT 06:04

黃凱琳報道

內 地 氣 象 部 門 預 料 ， 強 颱 台 鮎 魚 最 快 明 晚 正 面 吹 襲 廣 東 ， 風 力 可 能 接 近 襲 擊 美 國 的 颶 風 卡 特 里 娜 ， 廣 州 市 可 能 出 現 500 年 來 最 強 勁 的 風 暴 潮 ， 海 面 將 會 掀 起 約 14 米 高 的 巨 浪 ， 水 位 暴 漲 ， 海 水 湧 入 內 陸 ， 造 成 巨 大 破 壞 。 廣 東 和 海 南 兩 省 ， 大 約 7 萬 艘 漁 船 全 部 回 港 避 風 。 另 外 ， 台 灣 氣 象 局 在 凌 晨 2 時 半 ， 發 布 海 上 颱 風 警 報 。 澎 湖 及 西 南 部 濱 海 地 區 已 出 現 巨 浪 。 較 早 前 在 宜 蘭 縣 ， 大 雨 令 溪 水 暴 漲 ， 4 名 釣 魚 人 士 被 困 ， 其 後 獲 救 。

超強??

幣.... 幣..... 幣!!!!!

 

強颱風鮎魚已進入本港800公里範圍，天文台    預計，本周後期本港會有狂風大雨。

天文台表示，鮎魚的移動速度減慢，移動路徑仍然存在變數，難以預料會否發出一號戒備信號    ，會密切監察鮎魚未來數小時的路徑。

天文台指出，鮎魚有機會在南海再度增強為超強颱風。

上午8時，鮎魚集結在東沙以南約400公里，預料向西北緩慢移動，橫過南海北部，隨後數天逐漸靠近華南沿岸。

預測本港今日大致多雲，天氣乾燥。最高氣溫約28度。吹清勁北至東北風，離岸海域和高地間中吹強風。海面有湧浪。

展望未來數天風勢逐漸增強，本周後期有狂風大雨。下周一短暫時間有陽光。

 

星期五要出trip北上.... 個風會唔會跟實我呢??

 

超強颱風??  真係有d擔心!!!! 

 

Nice try~~

見blog友"雀后"成日煮豬軟骨, 好想自己試吓, 見超市有新鮮豬軟骨賣, 就買黎試試!

 

唔知用咩醬汁好... 十五十六下, 買左樽柱侯醬黎做醬汁!  原來柱侯醬好重味, 落兩湯匙已經濃味到不得了!  (個look好似黑左少少, 賣相唔多掂, 嘻嘻~~)

 

食太多肉唔健康, 煮埋呢個蒜茸西蘭花炒秀珍菇比mpp食.!!

 

開始好忙好忙.... 好忙好忙..... 仲要出trip添..... 有排忙呀~~~~

孤兒煲

早前大家姐買左個"鵝姐"做代言人既快速煲, 不過佢嫌佢太大太阻"掟", 所以小妹按收左呢個"孤兒煲"返屋企!

 

 

好耐都無煲老火湯比mpp飲, 見個傻佬同我求左婚, 話哂我都係未來林太, 好應該做個好太太, 煲湯比老公仔飲, 哈哈~~

 

青紅蘿蔔湯夠哂簡單, 星期六就用個"孤兒煲"黎煲!  西施骨先出水, 然後將所有材料落哂入個煲入面!  呢個煲既賣點係只需煲45分鐘, 就可以達到用明火煲成3個鐘既效果!!

 

45分鐘後........ 個湯not good呀!!!!!   可能係我落水太多!! 我落既水係平時用明火煲三個鐘既分量.... 而呢個快速煲只係45分鐘, 咁..... 水既揮發應該會少好多, 所以唔應該落平時落水既分量...... 下次我會再試吓落小d水, 睇睇佢到底係咪可以煲到老火湯既效果.... 

 

 

努力嘗試

上網睇過好多拉花效果, 早前決定一試... 效果就..... 見仁見智啦!

 

 

突然好想油黃色甲油, 效果唔理想!! 黃配綠... 驚覺有d青竹蛇feel, 好鬼驚..... 油左一日後就無得留低!

撐檯腳

呢排好似做左村姑咁...  好耐都無去銅鑼灣行街食飯!

 

上星期就同mpp去左銅鑼灣, 去左UCC食飯撐檯腳!   我地兩個胃口唔太大, 所以淨係order左一個set, 再加沙律同小食!

 

我驚太飽, 個湯比左mpp飲!

 

海鮮意粉, 不過個汁麻麻地呵.... >.<

 

monzozo沙律.... 女人仔既我唔話氣, 狂疊呀疊.... 嘻嘻~~

 

小食就叫左薯角, 好味道!!

 

UCC食物ok而且價錢大眾化, 可惜好似風月堂咁, 成日都好多人等位!!

十全十美 @ 十分上鏡

靚靚二家姐同二姐夫上鏡呀!!

 

10/10/2010當日, 二家姐同二姐夫入馬場, 因為佢地個朋友係馬主, 當日有馬出, 順便入場食buffet!!

 

馬主當日係兩隻馬出, 我地無入場既屋企人就梗係一早收到料買左呢兩隻馬啦

 

第一隻出既馬..... 跑第三名.... 成績一般!

 

而第二隻馬就跑第一, 好開心係電視見到靚靚二家姐同二姐夫拉頭馬!! (查實第一個鏡頭影實二家姐同姐夫個大頭, 不過我影唔切相....)  二家姐, 你好上鏡呢~~~

 

多謝姐夫報料, 比mpp係求婚日嬴左小小錢, 幫補吓佢買隻求婚介指, 哈哈哈哈~~

十全十美

2010年10月10日, 寓意""十全十美, 一生一世""!!

 

10/10/2010好特別, 百年一遇!! 呢個日子對小妹黎講都好特別, 好難忘... 好開心既一日!!!  因為............ 等左好耐既事終於發生左!!

 

10/10/2010, 早上10時10分10秒.... mpp同我求婚!!! 

 

好早好早之前, 已經係到諗.... mpp會點同我求婚??!!!??!!  無想過佢會係呢一日, 咁有心思同我求婚!

 

突如其來既一刻, 我.... 實在難掩內心既開心, 大大聲狂笑左半分鐘, 之後.... 開心既淚水就湧出黎!

 

雖然求婚時無花, 但我正正喜歡mpp求婚時, 不論語氣以及跪地時都既表情都係笨笨咁.... (話佢苯苯咁... 實比佢鬧屎我, 哈哈!) mpp對我講既每一句承諾都係實實在在, 好真摰誠懇既.... 我又點會唔答應呢!

 

為我戴上介指既一刻, 我真係好感動.... 好開心....

 

多謝你呀mpp, ""十全十美""你同我求婚, 我會永遠十分珍惜, 十分愛你呢個傻佬!!

 

 

點攪好?

生日時mpp所送既花, 係屋企放左一日後, 比我將佢吊成乾花!

 

吊左成個月已經乾哂, 家下比我放左係窗台上... 可惜mpp話咁放唔靚.... 好似扎花無人理後枯乾左咁......

 

 

有無人比idea我, 應該點放先靚呀??

十卜.... 十卜....

不經不覺寫左成三年blog.....

 

寫blog原本只為一個mpp而寫, mpp係呢個blog既精神領袖, 佢每日都會睇!!!! 而mpp仲身兼幕後監察員, 因為成日比佢發現我既錯字!

 

無想過身邊既朋友仔都支持留意我個blog, 亦無想過會係度認識到朋友! 

 

偶然仲會有一d驚喜... 好似....

1) 舊同事個老公仔上兩個月突然send左個e-mail比我, 全英文兼N咁多個字...... 哈~~ 無想過佢居然睇哂我個blog入面既內容, 然後逐個大point比comment我.... 牛仔, 我超超超感動呀!!!!!!!!

 

2) 係呢度識到另一個blogger "雀后", 無想過同佢既舊曆生日係同一日.. 好有緣呢!!

 

3) 早兩日寫有關香水膏篇blog, 擒日係公司, 某可愛同事突然走黎問我盒香水膏有咩野味道..... 我問: "你點知我買左呀???" ........... 哈~~ 原本佢耐唔耐都會睇我既blog, Surprise)))))))))))))))

 

4) 擒晚放工仲橋!!!!  過馬路時突然比人截停... 原本係我個舊同事!! 佢突然問我: "睇吓你d指甲!"..... 我問: "咩呀??""................ 原本佢都有睇我個blog, 知道我呢期鐘意油指甲.... 佢仲懶叻話: "我知你就黎好事近添!".... 哈~~ 多謝哂!!!!

 

 

再次多謝哂所有朋友仔, 多謝你地既十卜呀!!!

有進步~

上網睇過好多指甲作品,

偷師下自己既nail art都好似進步左,

好開心呢~~

 

香噴噴

好幾個月前, 小妹行百貨公司時, 無意間見到呢個香水膏, 好奇之下買黎試下!

 

用後感: 激讚呢個香水膏, 原因係:

- 佢既香味唔太濃, 好啱我! 

- 用法方便, 隨時隨地都可以攞出黎用.... 特別係搭地鐵時, 如果不幸有個"臭男人"坐有身邊..... 哈~~ 呢個香水膏就大派用場喇~~~

- 而缺點後香水膏既香味, 無香水keep得咁耐!

 

 

單單係MADE IN JAPAN, $58一盒, 我就已經覺得好超值喇!!

 

同事試用過後, 佢都覺得唔錯, 擒日仲要我幫佢買左三盒!!  有興趣既朋友, 可以去"千X店"睇睇!!

 

iphone = 我為你瘋 ??

好一句玩物喪志, 正正切合而家既我!

 

"I 瘋"在手, 無時無刻都會攞出黎玩... 瘋既不止我, 仲有mpp, 同大部份香港人!

 

返正搭地鐵, 車卡最少有四五人同我一樣攞部"I 瘋"出黎, 唔係上網, 就係玩game!

 

小妹瘋狂程度與日俱增....

- 收到機時, 瘋狂download apps!!

- dowload完game後, 不斷試玩... 唔到一個月, 起碼download過近七八十個games... 家下部機內仍然保留成40幾個games.

- 呢期勁hit既推金熱, 早前小妹在瘋狂推金下, 已經差唔多打爆game....

- 近期不幸地迷上"GOD FINGER"... 瘋狂程度達到顛峰... 我... 可以半夜三更貢起身去玩... 四日內已經去到level 31.... 而家有19個followers..... << 奉勸未download呢個game既好朋友, 千其唔好玩, 正所謂:”一down足成千古恨”!! >>

 

 

"I 瘋 4"因為有天線弱化情況, 所以APPLE免費送case或者bumper, 小妹係無嘜選擇底下, 選左菱形patten, 今日啱啱收到!

 

菱形patten揸上手好似man左d, 打算比mpp用!  因為mpp早前已經送左個粉紅波點case比我, 至鐘意呢種fuxia粉紅色, 夠哂girly!!

 

相比下, 桃紅色個case咁靚, 又點會捨得換殼呢, 哈哈~~