開學喇!!

九月一日, 開學喇!!

呢一日,

亦代表我又大一歲!!

 

 

今朝一早收到mpp既花!

好開心!!!

多謝honey!!!!

 

擒晚mpp送比我既禮物遊戲,

令我又哭又笑...

笑.... 因為我好開心!!!

哭..... 因為我好感動mpp為我準備既所有野!

mpp對我既承諾,

令我覺得自己好幸福!!

 

 

今年既生日超超超開心,

今晚會同mpp去酒店食大餐!

好好享受第"3X"次既生日!!!

 

 

生日願望係,

所有人都快樂!

所有人都健康!!!

 

 

明白預告:

東主生日之翌日,

所以要休息一天!

 

 

 

送上近照一張,

剪短了頭髮的我!!

 

花花之變奏

上星期太唔開心, 更為此著左三日全黑衣服...

 

事情既已發生, 傷心過後要積極面對人生!!!! 能夠活著.... 應該要活得精彩, 咁先會不枉此生! The life must go on!!!

 

畫上花花甲, 人都開心d !!!

紫色 + 銀色閃粉做底色, 好滿意呢~~~

 

換上粉紅色 mixed with 紫色做底色, 效果麻麻地....

珍惜

週末既集會同遊行, 我都mpp都無出席到.... 因為週末兩日我地都同屋企人渡過!

雖然無出席, 但我同mpp絕對支持!  希望香港政府繼續正面與"非劣賓"交涉, 要"非劣賓"一定要交代清楚事件! 道歉以及賠償比死傷者!

另外, 好希望JASON早d醒番!!! 希望梁太可以繼續堅強生活, 梁太絕對稱得上係香港母親既典範!! 加油呀!!

親人好重要, 珍惜家人, 珍惜朋友, 珍惜身邊所有既一切一切!

感恩我可以係香港呢個安全既地方生活!!!! 感恩我有疼錫我既家人!!!! 感恩我有愛我既mpp!!!! 感謝主!!!!


感恩

上主眾百姓，飲水輒思源，世世承流澤，莫忘雨露恩。
凡事感恩，凡事信主，主必護佑。
凡事感恩，積極人生。
不斷祈禱，事事感謝。
天天感恩，快樂人生。
天主創造天與地，每一天都是最美。
天主創造我，想我快樂過。
天主就是我的保障和勇力。
主的恩典，天天不缺少﹗
在主愛內，可感主恩。

快樂人生，全靠主恩。
我的心靈因主而自豪。
找到天主是福中之福。
每天平安，感受主恩。
沒有主，哪有春夏秋冬、世上萬物？
事事感恩，主到我心。
知福常感恩，惜福常頌恩。
祂未曾應許天常蔚藍，花兒常開，祂卻恩許祂的慈愛常在。
珍惜生命，常懷感恩。
珍惜每一天
與主心相連。

基督的愛滿載心，大家齊來常感恩。
常存感恩，快樂倍增。
常懷感恩，內心喜悅。
常懷感恩，主常在我心。
常懷感恩，你就歡恩。
常懷感恩，知足常樂。
常懷感恩，喜樂人生。
常懷感恩心，歡樂頌主恩
常懷感謝別人之心，就像感謝天主一樣。
陽光、空氣、友誼、福氣…一切都是所賜。

感恩是建立良好人際關係的重要元素。
感恩無限，生命有限。
感謝主常常幫助我渡過困境。
愛在心口，同頌主恩。
福樂滿全知感恩。

站起來!

菲律賓所發生既不幸事件, 最後兩個香港人, 擒晚終於都返到香港!

學曾特首所講, 有宗教信仰既市民, 請為死傷者及其家屬禱告! 無宗教信仰既市民, 亦請在心底理支持佢地, 希望所有受傷者(特別係Jason)早日康復!! 受害者既家人早日走出陰霾!!!

除左默默送上祝福外, 而家唯有將件事交比香港政府, 希望佢地真係可以迫到菲律賓, 向我地香港人作出一個合理交代!!

不幸事情慨已發生, 大家都需要面對事實, 重新振作同生活, 還望明天會更好!!!

********************************************************

早兩日同mpp食lunch, 呢間餐廳地方細細, 不過就成日都full哂!!!! 餐廳lunch唔接受電話booking, 今次使出絕招 -- "死LUR"後, 個侍應肯幫我留位!! yeah~

當日餐湯係南瓜湯, 個湯好濃郁好好味!!!!

我既檸檬汁龍利魚柳配薯菜, 好好味呀~

mpp既吉列豬扒配炒蛋及炒飯!  個賣相得之餘, 個味道都好得!

個set lunch有埋野飲只係40幾蚊, 真係抵到爛呀!

http://www.openrice.com/restaurant/sr2.htm?shopid=41761

PLUTO
天后水星街28號耀星華庭G1號舖

安息吧!

致八位遇難香港同胞:

 

不用再擔驚受怕,

全香港市民都在期待著你們回港,

遲了兩日, 昨晚你們終於可以回家了!!

 

23/8/2010是你們人生黑暗的一天!

23/8/2010亦是全香港七百萬人最黑暗的一天!!

 

香港政府已經承諾會要求菲律賓警方作出清楚交代...

相信一定可以為你們尋冤得雪!

 

無論結果如何, 放下怨氣! 安心上路吧!!

祝一路好走!!

心情低落

對於菲律賓事件, 近幾日心情都好低落, 每當睇到新聞報導有關團員既消息(特別係梁太時...), 眼淚實在忍唔住流出, 實在好替無辜遇害既香港人不值!!!

 

無能菲律賓既"特蠢部隊", 佢地有幾蠢!! 有幾慢!!! 有幾無能白痴!!!! 全香港係on live既新聞中我地都看得一清二楚!!! 全世界既人都可以透過衛星以至internet上見到!!!!

 

而家唔係要一命賠一命... 點解佢地竟然可以賴係傳媒影響個顛佬.... 到底佢地有無檢討:

1) 邊個係個顛佬面前捉走佢細佬....

2) 邊個無係中午時, 把握時機將個顛佬射低...

3) 邊個打爆個車軩觸怒個顛佬..

4) 邊個誤信個司機, 以為全車人死哂....

5) 去過菲律賓既人都知道, 有嘜可以加強快警察既手腳... 你地要錢可以出聲, 點解可以咁冷血, 莫視我地既性命.... 成件事好似叫班香港人係車上, 等個顛佬發顛而殺死佢地咁!!!!

 

不知所謂既一個國家, 不知所謂既一班領導人!!!! 如果不幸地再有同類事情發生, 睇怕佢地一樣係咁做, 莫視我地既寶貴生命!

 

菲律賓警察有幾不知所謂, 你地自己睇吓!!!!!! 我地香港人係車上死左八個, 你地仲敢笑笑口係車前照相!!!!!!!!!!!!!!!!!!! ＾＃＄（＊＆＠（＃＠＃＆）（）＠＃＆＾＆！

 

你唔好話我知你係警察，　正Ｘ街！　呢Ｄ簡直係人神共憤！！

 

強烈要求香港政府同菲律賓斷交!!!!!  可以斷交一年, 可以十年, 甚至一世!!!!

無賓賓, 我地可以用泰泰 同 印印!!

無呂宋芒, 我地中國大把地可以種大大個又甜又好味既芒果!!!

 

擒晚瞓覺前, 為一班遇害同受傷既香港人祈禱, 同時亦求主赦免同原諒我既怨氣... 因為實在忍無可忍, 不討不快!!!

無語

"無語"只因無能!!!

 

無能既菲律賓警方, 莽顧我地一班香港人既死活..... 從新聞報導中看到既, 完全不可能想像今時今日, 現今世界上竟然有這樣愚蠢既一隊所謂"特種部隊"!!!!!!!!!!!!  實名應叫"廢柴部隊"!!!!!!!! 

 

相信大部份香港人同我一樣, 都用上兩個心情睇新聞...

* 沉重心情:

- 流著眼淚看, 心情沉重的!  長達十一小時驚心動魄場面, 難以想像在車上既香港人如何面對............. 

* 忿怒心情:

- 腦海不斷出現十萬個問號, 不斷譴責不知所謂既菲律賓警方!!!  就係呢班廢柴, 令到一班手無寸鐵既香港人客死異鄉!!!!!!

 

 

問題不斷重覆湧現!!!!!!!!!!!!!!!!!!!!!!!!!!!!!!!!!!!!!!!!!!!!

1) 既然神槍手一早ready, 個"不知所謂", "不顧人命", "死十萬次都死不足惜"既被炒瘋顛警員, 明明係中午時不斷係車門徘徊, 為何所謂既神槍手唔打抵佢, 以阻止呢埸不幸事件!!

 

2) 稱得上"特種部隊", 難道佢地只懂得攞住大鐵鎚去打爛玻璃嗎??

 

3) 到底菲律賓警方係咪想救人?? 十多個鐘入面, 難道無一刻可以衝入去可以救人嗎?? 好懷疑到底佢地有咪有陰謀論!!??!!??!!???!!!!!!

http://hk.myblog.yahoo.com/sharon-skydreamin/article?mid=24657

 

4) 香港人每年大量入口菲藉男女, 對菲律賓有莫大貢獻!!  要脅持人.... 點解要選我地香港人? 要殺既, 唔係應該對你唔住既菲律賓無能警察嗎??!!

 

 

23/8/2010的確令每個香港人都感到憤怒及沉重!

為死難者... 送上祝福.... 希望您一路好走!

為受傷者.... 送上祝福.... 希望您早日痊癒!

特別為捨身救人而不幸犧牲既梁先生, 以及機警既香港領隊致敬.... 有你地呢兩位香港人而感到驕傲, 祝一路好走!

希望所有死傷者早日返港, 離開呢個不知所謂既國家!!!!!!!

 

順理成章 @ 姨甥女慶生

大家姐個寶貝女"肥妹豬"24號生日....

 二家姐係永安買野抽中獎, 可以帶埋子女免費學整蛋糕.... 星期日佢帶埋個仔去學, 順理成章, 呢個蛋糕變成"肥妹豬"既慶生蛋糕!

 

 大家姐及二家姐一家人都黎小妹屋企.... 順理成章, 一齊提早為可愛姨甥女慶生!!

 

"肥妹豬"越大越肥噢..... >.<

 

二家姐第一次學既蛋糕, 味道唔錯呀!

 

"肥妹豬"切蛋糕既一刻..... 祝小妹妹快高長大, 身體健康!!

安娜與陳七

聽日就要返工喇, 六日既長假期貶吓眼就過去..... 趁而家有時間update吓個blog, 夜晚家姐會上黎新屋打馬吊, yeah~~~

 

六日假期入面, 大部份時間都係屋企... 不過係星期五晚, 就出左去灣仔art center同mpp睇話劇!

 

今次係睇我偶像陳文剛, mpp一早買定飛, 仲要係前排貴飛, 多謝honey!!

 

 

簡介:

一個寫字樓職員陳七，一位舞蹈員安娜，兩人風馬牛不相及，在對的時間相遇，在對的時間戀愛，一切像在命中註定般開始。
雖然大懵的陳七總是忘悼重要日子，安娜亦一直抱怨陳七不懂女兒家心事，但相戀總是甜蜜浪漫，二人在對的時間結為夫婦，過著溫馨愉快的生活。
日子流逝，當愛變成習慣，一切變得理所當然，再濃的烈火也會熄滅，二人由戀人慢慢變成同床異夢的枕邊人，浪漫愛戀慢慢變成麻木無感覺．．．這時候，新一段疑似註定的愛情，悄悄出現在陳七的生命．．．
到底是否所有愛情，到最後都是命中註定般失敗？

糊塗戲班曾於2006-08年，在香港及澳門四度公演《靚太作死》共28場，場場爆滿。魏綺珊及陳文剛依照劇中人物寫成同名小說《靚太作死》，訴說怨婦老婆「安娜」及爛滾老公「陳七」，未成怨偶前的甜蜜時光及前塵往事，妙趣感人！本劇根據小說改編而成。

 

小妹感想:

今次睇得好開心, 因為成套劇清清楚楚交代哂故事內容! 由兩個人初相識一見鐘情, 繼而拍拖, 結婚.... 以致婚姻破裂, 到最後破鏡重圓!!! 故事內容令人非常感動!!!

除此之外, 劇中陳文剛更同觀眾玩互動, 問吓觀眾意見.... 四個人演出呢個劇, 但劇中有好多個角色, 見到兩位配角不停咁換多達十個既不同做型, 不得不配服!!

成套劇有好多爆笑位, 但亦有唔少感動位!!  特別一提係到行婚禮一幕, 主角叫全部觀眾起身作見證.... 小妹同mpp就好似出席緊婚禮一樣... 或者就因為咁, 小妹睇得非常投入!!

個劇本來只有兩個半小時, 點知最後overrun做到十一點幾.... 謝幕時陳文剛好感動喊左出黎, 第一場既演出, 雖然見到佢地有輕微出錯位, 不過, 觀眾既眼睛係雪亮既, 好有誠意既一套劇, 好用心既一套劇, 值得大力推介!!!!

新居 @ 執屋終極一回

經過多日努力, 身處新居既我, 已經清理哂所有野!!  筋疲力盡既我, 抖多兩日就要返工!  不過, 可憐既mpp幫我執左成日屋後, 就即刻要返工, 真係辛苦哂我個honey!!

聽番早兩日所發生既事......

17/8/2010 (二)

長假期第一天, 小妹好努力執埋最後物品.... 辛苦x100000000000000000 !! >.<

18/8/2010 (三)

搬屋公司一早八點幾上 黎, 臨走前影既一張相... 有D唔捨得!! 

大家有無見到相片搬屋公司既紙箱呢.... "漓江"!!!

呢間公司係小妹姐夫朋友介紹, 話說兩年前八月既某天, 小妹請佢地幫我搬屋, 之後個老闆同我講, 當日佢第二轉既客人係"E神"..... 當時我仲以為佢吹水!!

點知之後, 小妹係某雜誌見到E神搬屋既報導, 其中一張相仲有呢間公司架車張相!! 

今次已經係小妹第三次用佢地搬屋, 價錢略比其他公司貴d d, 不過佢地手腳快, 而且好落力!  大家有需要可以call佢地quote下價!

參考:

http://blog.yahoo.com/_CQE274XCIQGHIR35JGSGQG2HZI/articles/127570