覓食

小妹而家住緊既屋苑, 不經不覺間已經住左2年半, 屋苑大部份食店已經食過哂!  但唔知點解, 有間出名既"上海婆婆"我地反而未幫襯過....

 

上個月手術後有一星期係屋企休息, 可能mpp見我係屋企悶左一排, 某晚帶我出去食飯, 終於可以一試上海婆婆, 味道唔錯呀!

 

小籠包

 

雞絲粉皮

 

鍋貼

 

上海粗炒

 

伴娘裙

黎緊呢半個月好忙, 不幸地呢兩個星期既所有公眾假期都將會同客人一齊係渡過, 陪唔到mpp....

 

趁上星期有時間, 打算先睇定d伴娘姊妹裙, 待六月左右先confirm! 由於姊妹們唔得閒, 所以上星期六, 先同伴娘去尖沙咀百利睇裙款!

 

好耐都無行過百利, 以前主要賣d型人衫, 家下成個mini金都咁, 有八成舖都係結婚用品既舖頭!

 

小妹首選係租裙, 坦白講, 我覺得伴娘裙同姊妹裙都無必要去買!  因為紀念性唔係好大, 而且番著機會又細!! 不過, 若果租/買價錢差唔多, 而姊妹們勁鐘意, 咁我唔介意比多少少錢, 哈哈~~

 

幸運地, 我地行左一層樓, 已經見到一間唔錯既舖頭!!  舖頭既裙款可租可買, 老闆娘Flora都好nice, 佢知道伴娘身型好slim好高, 所以特別介紹左d裙款比伴娘試.... ...  其中一條單肩款伴娘著得好靚... 不過, 我唔記得影相... 

 

上網download左類似既款式.... 米白色單肩長裙 (伴娘租個件前面無扣同閃片)

前面條單肩會帶到後面, 個款都幾靚!

 

 

查實我地一心都係咁住行哂成個場先算... 不過, 見同老闆娘都傾得吓, 而且佢又平左少少比我, 而且仲肯包埋毛毛披肩!!  (原本每條裙只包一條薄紗披肩, 由於小妹十二月結婚, 唔想凍親我班姊妹們, 所以小妹堅持一定要有毛毛披肩!!)  最終, 係姊妹們未到底下, 我.... 已經落左單book左伴娘+姊妹裙.... 嘻嘻~~

 

Forever make up

百利一樓

長裙租: $350 (原價)

短裙租: $350 (原價)

原本租3日2夜, Flora好好, 話早多一兩日攞衫都無問題!

 

 

百利d裙有平有貴, 睇過人地係blog分享, 部份新娘子係百利租買裙都有唔愉快既經歷.... 我租裙既價錢屬中等, 希望一分錢一分貨, 一切順順利利!!!

買買買

女人好易氹, 唔開心時買吓野, 心情就會好好多!!  若果買到d又平又正既野時, 我會更開心!!

 

一月時, 呢對boot正價要$2099, 新年時陪家姐買時做緊半價$1099!!  當時小妹都好鐘意但唔捨得買.... 上個月初, 同mpp shopping時見到鞋舖做final sales, 今次因為斷碼, 所以一減再減.... 減到$699.... 咁啱有我碼, 小妹又點忍得手吖, 哈哈~~  對鞋超舒服呢~~

 

 

公司附近有間鞋舖專賣日本牌子既鞋, 大部份鞋都要四五百蚊一對... 三月份舖頭突然貼上搬遷大減價, 所有鞋三折起... 小妹當然唔執輸, 不過當時已經無嘜鞋款淨... 最終只係買左一對!  呢對鞋原價$699, 家下$199成交!

 

擒晚放工又shopping, 比左三對鞋錢, 但只得一對鞋拎走... 原因係有兩對無我既size, 所以要訂!   呢對鞋顏色好sharp, 今日著左返工, 對鞋又幾舒服~~

囍宴

我同mpp既婚禮, 主要以cocktail形式進行! 晚上再會同屋企人食飯!  不過, 由於屋企成員眾多, 所以要book三圍酒席!

 

之前講過, 哥哥識人, 我地係唔使比訂金下, book左房一間出名酒樓食飯!  但係個間酒樓要成6千蚊一圍, 呢個價仲未包酒水同其他雜費, 價錢都幾貴, .... 而且佢地個場唔算好靚.... 種種情況底下, 我同mpp決定轉場!!

 

幸運地, 小妹搵到一間唔錯既酒樓, 呢間酒樓係酒店入面! 環境同位置都very good, 價錢亦合理!  係三月份, 我同mpp已經落左訂, 開心地又攪掂一件事!!

 

 

小妹同mpp既婚禮, 話簡單又得... 話傳統咁去攪都得!  不論點攪, 結婚真係有好多鎖碎事要做!  黎緊又要出trip, 好多野煩, 攪到呢排又失眠, 煩死!

大出血 @ 法國婚紗

好幾日都無update個blog, 返左三日工, 日日做到無停手!! 呢d係休息左十幾日假後既代價!!

 

3月17日影完婚紗相, 當時法國婚紗既職員已經摧我地早d揀相, 不過, 由於小妹要安排做手術, 所以推到3月底至去揀相!

 

我地個package原價差唔多9,000蚊, 會展減2,000優惠!  package寫明會影120或以上既相片, 包40張相! 睇過人地既blog, 知道呢個package一般會影200幾張相, 一般人都揀多幾十張相, 加幾千蚊埋單!!  有見及此, 小妹同mpp大家都定左個價, 打算total用萬六蚊攪掂哂!

 

我地好幸運book左傳聞中最好既sales Clara, 一去到見到Clara, 已經覺得佢好nice!  Clara同我地講Frankie幫我地total影左成300幾張相.... 當堂比佢嚇左一跳!

 

第一round, 我地先睇哂所有相片.... d相大部份都影得好靚!  Frankie同Bonny既功力真係一流, 可以將我呢個醜小鴨變成美女, 哈哈哈哈~~

 

第二round時, 我同mpp將唔太鐘意既相放係"捨棄區"! 最後有大慨一半相唔要, 不過驚嚇地發現我地仲係有百幾張相係要既....

 

package只包40張相, 如果多要100張相, $110一張, 都已經要多比$11,000! 小妹又想大相薄加coating同做排版 (要加幾千蚊)... 又想加大油畫 (要加$1800).... 又想所有大相包相框 (要加幾百).....

 

最後, 經過四個鐘既挑選, 討論, 以及同Clara不斷講價後.... 最後, 我地埋單要二萬幾蚊 >.< 

 

雖然好肉赤, 不過要多謝mpp, 我知你肯比呢兩萬幾蚊, 都係因為你錫我, 想我開心!! thank you~~~

 

Clara好好人, 比左成9張soft copy我, 過兩個月有排版睇, 8月中有相收, 期待+ing~~

愚人節 vs 奇妙姻典

今日寓人節, 相信對部份人新人黎講, 今日實在非常頭痛, 氣頂, 不知所措!

 

奇妙姻典證婚行疑執笠

http://the-sun.on.cc/cnt/news/20110401/00407_034.html?pubdate=20110401

【本報訊】以「幸福小教堂」吸引大批新人光顧的「奇妙姻典證婚中心」，其位於旺角始創中心的婚禮場地，昨日突然人去樓空，懷疑靜悄悄「執笠」。至有新人在網上爆料才傳開，二十多名新人趕至鼓譟及到警署備案，料逾二百對新人受影響。當中兩對新人選在愚人節結婚，沒料婚禮前夕驚聞「冇地方結婚」噩耗，大失預算。有證婚律師稱，手上仍有四十多宗證婚個案未完成，昨接到通知稱該證婚中心正在清盤，下月中召開債權人會議。

懷疑結業的「奇妙姻典證婚中心」於彌敦道始創中心十九樓，佔地逾萬平方呎，提供一站式新婚服務。據知，有準新人早前已付款租用上址作證婚場地，昨晚約六時，他們再往查詢詳情時，卻發現店內空無一人，服務櫃台的多部電腦、場內的貴重物品及工具，都被人執拾搬走，懷疑店舖執笠，於是報警求助。

期間，始創中心管理處職員帶同通告前來，指有關「奇妙姻典」的租約截至昨日結束，着顧客就場地和婚禮安排向該證婚中心的律師查詢。有其他新人來查詢服務驚聞「執笠」，一度鼓譟不滿，恐無法取回已支付的場地費用，於是將消息傳遍新婚網站。有網友爆料，最近曾向該中心查詢結業傳聞，但職員的解釋只是「傾緊租約」或者搬到另一樓層，亦有人稱前日曾見職員搬走公司物品。

準新娘唔知點算好

明天就出嫁的陳小姐，以「非常徬徨」來形容自己感受：「所有車、帖、通知親友來觀禮的事情已經做妥……，我真係唔知點算？」事件令她損失逾萬元，有新人在網上呼籲把消息揚開去，讓其他已落訂的新人有時間轉換婚禮場地。

「奇妙姻典證婚中心」的網站昨晚如常運作，其Facebook內的專頁於晚上九時後被刪除，聯絡電話一直無人接聽。

 

呢d咁既公司話執就執, 對我地毫無保障可言, 仲有一對新人本來係今日結婚添... 真係大整蠱呀!!

 

慶幸小妹同mpp唔係用呢間公司, 否則, 今日我同mpp都係苦主!!! 

 

 

婚享 @ 新人logo

睇blog時, 見到好多對新人都有自己既logo, 好特別, 好靚!

 

細心查看後, 原來有一間公司可以免費為新人設計logo, 而且仲有結婚同婚禮指南服務...

 

咁獨特, 又特別, 小妹又點會錯過, 一於試下!!  好期待有自己同mpp既logo.....  大家有機會都玩吓啦!!

 

4marry結婚及婚禮指南

 (http://4marry.net/wedding-planning/ )