網購

香港地好多人都有網購習慣, 除左淘寶外, 小妹家下係多個國家都有買野...

日本 -- 日本主婦
-- 兩三年前已經開始睇日本主婦個blog, 第一次要佢幫佢買衫, 之後買左鞋, 衫 , 有牌子既卡片包 同 袋,  quality唔錯, 買過大約4/5次野, 絕對信得過!


台灣  -- 台灣呀嫂
-- 通過日本主婦, 而認識呀嫂, 佢地係一個group, 買過2次野都ok.


英國 -- 英國細妹
-- 又係同日本主婦一個group, 佢地係尖沙咀有office比我去pick up貨, 細妹主力賣牌子野, 小妹買左一次野都ok.


美國 -- 慧美站
-- 認識慧美站, 都係間接通過日本主婦FB, 店主係香港人但身在美國, 主力係outlet牌子野, 小妹買過2次野都ok. 
   此店屬剛剛起步, 小妹見店主好有heart, 所以都會盡自己小小綿力幫襯下.... COACH既item係美國買勁抵, 可以推介吓!



而家上網買野真係超方便, 不過網購全部都係100%prepaid形式, 小妹都好驚比人詭, 所以大家都要小心小心!!

又一好姊妹出嫁

上星期比自己偷懶一星期唔寫BLOG, 今日開始要賣哂D懶


擒日好姊妹出嫁, 下午天氣原本好差, 出車時落左場好大既雨, 不過好左天公造美, 一場短暫既大雨後, 既然陽光普照!!


好姊妹本是小妹舊公司前助手, 如今變成小妹好朋友, 見證好姊妹出嫁, 係佢宣讀誓詞既一刻, 小妹都被感動了!!! 


榮幸好姊妹婚禮上用上我為她設計既wedding logo, 恭喜一對新人, 百年好合, 永結同心!!

婚禮上巧遇我同mpp婚禮上既攝影師, 即刻捉住佢影哂張相留念啦 ^^

舊同事帶左愛女出席, 小妹捉實呢位精靈小妹妹影相 ^^

白色情人節

今日係white day,
可惜mpp出左trip, 唔係香港 >.<


2009年今日, 小妹同mpp去左日本慶祝白色情人節!!


4年前係mpp女朋友, 今年已經做左佢老婆... mpp你仲記得 " 日本男仔係white day一定送古古力比所有女性朋友或同事" 嘛 ???  我盒古古力呢 ?!!?? 


大家唔使擔心, mpp對我好好呢 !!!


white day係呢度, 祝大家白色情人節快樂~~~~

mpp新形象

某日mpp同我講.....
你知唔知道個超人已經唔係度,
點解你要放呢個樣落我張相度.....??!!??




查實小妹根本無為意呢樣野......
放個超人樣只不過係想代表mpp係我心目中好似superman咁!!


不過, 既然mpp有呢個要求,
小妹好順得人,
就為你換上另一個我至喜愛既人物比你啦 !!



登登登登!!!!
2013年mpp全新look :)

I'm loving it

心痛 &gt;.&lt;

有人因為工作關係, 耐唔耐就去出席公司晚宴 !!


身為工作高高高層, 理應可以拒絕好多野..... 但有人成人話 "身不由己".... 


呢個因為呢個所謂既宗旨....   有人係晚宴上不停飲酒 !!!!  


大大大老細敬酒比佢, 要飲 !!!  


其他伙記敬酒比佢... 又要飲, 仲要杯杯干 !!!


公司六百幾個伙記, 一半人都已經300個人啦, 人人敬酒比你, 咁係咪要飲300杯丫 ??!!!??


人多關係, 公司春茗要分3星期攪, 每個星期不停飲...   本身個胃又唔係幾好, 膽固醇又高....  你話係咪擔心死人丫 !!!


身為太太, 見你咁飲實在心痛, 又幫唔你嘜野, 只能做到沖蔘茶你飲! 


但身為丈夫既你, 請唔好再令太太擔心吧!!!

 

《爆‧蛹》

上星期六下午, 同mpp去左文化中心睇話劇 -- 《爆‧蛹》!

內容

一個正在不斷遷拆不斷重建的城市，—處堅尼系數超標的貧困城中村，三個孤獨的三無宅男，擠在一個沒有過去沒有明天的劏房，他們從廁所的爭奪開始，掀起一場荒謬絕倫的精子保衛戰，各出奇謀，情節出人意表，笑出眼淚。

演技派男星王維、陳永泉、文傑聰從朋友變成敵人，南腔北調上演連場男人爭戰。還有神秘女郎助陣，《爆‧蛹》—觸即發。

小妹感想

成個劇環繞三個男人係劏房發生既事..... 坦白講, 小妹感得呢個故事好唔完整... 有少少小事化大, 小小一件事就造出一個劇出黎 >.<

唔講故事內容, 查實三位男主角做得非常出色, 而且ending既坐廁設計令人耳目一新!!  只可惜故事唔吸引, 大打折扣!

吉野家牛肉 @ try try 篇

早前上網見有人教整吉野家牛肉, 見個recipe 好簡單就拉左ｍｐｐ去Ｊｕｓｃｏ買材料!


醬料ready!

材料都ready!!

準備就緒, ready to cook~~~

done!!

comments:
1) 顏色深左d
2) 坦白講, 味道唔似吉野家既味道 >.<...... 不過以普遍洋蔥牛肉黎講, 查實味道係可以的, 只不過唔係"吉仔"個種味啫~~

成功在嘗試, 下次再搵另一個食譜再try try~~~

有營晚餐 -- 又黎一系列篇

儲儲埋埋又一大埋煮飯相未post出黎




林家菜單
每餐例必有菜有肉
雖然菜式唔多 (好多時都會重覆)
不過
煮飯最緊要有heart
為了mpp食得健康
小妹定必繼續努力




兩餸一老火湯只會發生係weekend
眉豆花生髮菜煲雞腳
雜菇炒西蘭花
蒜茸豆豉蒸排骨

蕃茄蛋
花膠肉片炒西蘭花




紅棗木耳冬菇蒸雞

蒜茸炒椰菜






白菜豆腐湯
麵豉醬蒸豆卜排骨

蕃茄薯仔湯
勝瓜肉碎粉絲

豪門夜宴

上星期六(2/3)係mpp表弟大婚之喜, 當日婚宴超級豪!!


婚禮係酒店進行, 延開70席, 每席5位數字, 攝影隊成10個人拍攝, 全晚更有警隊銀樂隊全晚伴奏!


呢個酒店個場好大好grand !

銀樂隊位置!

回禮禮物係閃燈玫瑰, 新人進場時大家開哂呢個閃燈玫瑰, 好有concert feel~~



當晚有著名MC - Tim, 咁啱兩年前小妹表弟係半島既婚禮都係用佢, 一個勁專業既MC, 激讚!!

場地佈置好靚, 小妹拉實mpp周圍影!

林生林太好登對 ^__^

高興飯

上星期同mpp食左餐"高興飯" !!


上星期公司通知加人工, 呢兩年公司既生意少左好多, 小妹無expect過今年有人工加....  失而復得係最開心既, 雖然只係加左少少, 但小妹都要同mpp出街食飯賀一賀佢!


原本mpp當日想食意大利野, 不過小妹好想食壽司, 老公唯有就下老婆啦


兩個人生活, 簡簡單單, 開開心心就滿足了!! 呢種生活態度亦係我想要的!!