Nurmberg, Germany (16/5/2012 to 21/5/2012) Part 3

18/5/2012, 原本約左個客9am係酒店餐廳等, 不過時差關係, 小妹一早係5點起身, 所以自己食野先

德國好出名香腸, 小妹當然唔會放過啦... 細條個d就係Nurmberg出名既香腸.. 不過佢地d香腸好咸呢



由酒店出發去個trade fair, 車程只需4分鐘... 可惜小妹個北歐好鐘意運動... 佢prefer行路過去....  OMG!!!! 一向零運動既我唯有硬著頭皮.....

郊區feel, 舒服既環境!!

呢個就係小妹既北歐客, 佢個人好nice, 對小妹好好gar...  佢話呢種植物好香, 唔知香港叫呢種做咩野花呢??!!??


行左廿幾分鐘, 終於見到會場既building


INTERZOO 係全世界最大既寵物展, 小妹好榮幸可以到此一遊

小妹都係第一次去歐洲既trade fair, 可謂大開見界!!! 客人可以用scooter或單車代步 (查實個fair唔算大, 小妹覺得係d老外比較懶... 而且呢個fair可以比寵物入場, 小妹見到好多可愛靚狗仔!!

 

 

 
 

有狗仔catwalk, funny~~

午飯時間到了, 見呢度咁多人, 應該有好野食



小妹食左個炭燒牛排包 + 可樂, 塊牛排味道超正!!  盛為歐羅7.5 (即HK$75)!!

Nurmberg既汽水樽可以回樽, 好環保!!

名牌狗糧IAMS個booth, 人頭湧湧!!

歐洲既trade fair入面, 大部份booth都好似餐廳咁有waiter serve你, 而IAMS booth入面好正, 各式酒類飲品, 包括紅酒, 白酒, 啤酒, 汽水果汁任飲.... 小食包括薯片, nuts, 餅乾, 仲有德國香腸任食, 真係very good ar~~

當晚北歐客人既英國supplier請我地食飯, 我地去食法國餐!!!  超級好味既一餐正宗法國菜, 可惜成圍檯全部都係鬼, 小妹唔好意思下無影到相...  所有美食只留係我腦海入面....


(待續)......

 

Nurmberg, Germany (16/5/2012 to 21/5/2012) - Part 2

小妹係歐洲時間約早上9:40平安到達紐倫堡機場, 到埗後就坐的士去酒店!

德國專業生產靚車, 所有的士都係Benz, 坐得舒適!!  兼且德國好安全, 感覺好好!

第一日早上到達時只得6度, 天氣較涼, 不過就藍天白雲, 陽光普照!!

坐左大約20分鐘就到達酒店!  呢間酒店係客人book先, 小妹跟住佢book!!  呢間酒店係郊外, 遠離市中心, 不過就好近會場!! (小妹今次去德國既目的, 就係同北歐客人去當地既trade fair!!)

check-in後上房... 同一般歐洲酒店一樣, 呢度一樣係"簡潔但房間大"!!


懷舊既"超細膽機"

浴室出奇地新, 兼且全部德國名牌廁具, very good!!!! (5粒星 )

17/5/2012 係德國public holiday, 小妹問過當地人, 由於佢地英文麻麻, 只解釋呢個係類似父親節既節日.... 當日客人夜晚先到埗, 小妹本來打算出外走走, 可惜酒店老闆話出面大部份shopping mall同supermarket都唔開..... 小妹只好打消念頭, 留係酒店!

(PS:  Ascension Day - 耶稣升天节：复活节后的第四十天，在这一天庆祝基督教升天节也作 Holy Thursday)



呆坐酒店實在太浪費... 小妹到酒店外圍睇睇環境!!  酒店正前方有FORDS同VOLVO陳列室!!

酒店右面有D不知名既小店 (當日假期全部關門 >.<)

好開心酒店左面原來係油站, 仲有一間SHOP....  真好!! 小妹可以買D手信了~~~


由於酒店偏遠, 小妹中午及晚飯只留係酒店, 呢個係我係德國第一個午餐!! 

中午時餐廳無人, 小妹又係時間玩自拍 :)

食飽後上返房間, 電視上有熟識既面孔, 不過全部都係講德文.... 悶爆!!

捱到晚飯後約7pm (即香港時間零晨1am), 小妹真係好攰好攰... 就上床瞓了, 無無聊聊地結束了第一天在德國之旅!!

(待續).....

Nurmberg, Germany (16/5/2012 to 21/5/2012) Part 1

小妹又比mpp投訴, 佢話我實在太耐無update個blog, 令佢呢個忠實粉絲等得太耐喎 >.<




好好好.... 小妹會好努力update!!!



講返個trip, 小妹係上星期一(21/5)已平安返到香港, 星期二就攞左一日假休息!!


16/5/2012 (星期三), 小妹當日4點收工, 之後趕返屋企沖定涼, pack好哂所有行李後, mpp係6點半左右放工返到屋企後, 就同我一齊出機場!!

到達機場後, mpp陪我去check-in, 之後我地一齊食飯....  小妹都好唔捨得要離開個老公6日, 我知mpp更加唔捨得, 因為我一個人出trip, 所以佢好擔心我..... 不過唔捨得都唔辦法啦, 小妹要工作嘛.....  係時候小妹要入閘了, honey, 我都好掛住你呢!~ 


入閘後, 小妹既"孤單的一個人在途上"正式開始!!!

今次小妹工幹既地點係德國紐倫堡 (Nurmberg), 由於小妹係五月初先決定去, 當時好多酒店同機位已經full哂, 公司秘書小姐幫我攪左好耐先攪掂哂, 真係唔該哂 :)

 紐倫堡無直航機, 秘書小姐幫我book既機位, 咁啱book正我同mpp honeymoon既航線!!  (去程坐KLM去AMSTERDAM, 回程坐AIR FRANCE由PARIS返) , 所以呢個trip好有honeymoon feel, 可惜mpp唔係我身邊


上機了~~

飛機準時起機, 約十二點左右就食晚餐, 我食呢個係spicy chicken, KLM既飛機餐保持水準, 唔錯唔錯~~

平時係香港慣左十點半左右要瞓覺既我, 食飽飯收餐後已經差唔多成一點, 小妹帶定長途機必備既吹氣枕覺覺豬, 有吹氣枕真係好瞓d!!

一向睡眠質素極差既我, 瞓到香港時間4點幾就醒左...


呢個時候, 咁啱有雪榚食 (瞓到朦朦朧朧, 所以影相都影到朦查查咁, 哈哈)

食完雪榚後又瞓左一陣, 之後又食早餐食~


搭左11個半鐘頭既飛機, 班機係歐洲時間早上4:30左右降落(即香港時間早上10:30), 比原定時間早左成半個鐘, 到達荷蘭時個天都仲未光 >.<




小妹要係AMSTERDAM機場轉機, 不過班機8AM至起飛!!!  小妹係荷蘭有成4個鐘行.... >.<  晨早4點半既阿姆斯特丹機場好似好寧靜....



查實呢度一D都唔靜, 一早好多商店已經開哂門, 入左呢間SHOP好想買件波衫比老公, 不過因為驚比佢話"side"錢, 所以無買到.....



之後去行d我鐘意既野....  Jamie Oliver係英國超出名, 估唔到係荷蘭有佢既名牌產品賣!!

 

荷蘭既國花係鬱金香, 機場入面都有鬱金香賣!!

一個人唔經唔覺就行左差唔多兩個幾鐘, 6點半左右太陽伯伯終於出來了~~


晨光初現荷蘭機場!!


一個人無聊自拍, 嘩))))) 小妹對黑眼圈嚇死人呀))))))))))))))))))))))))))))))))

原定早上8點起飛既航機delay, 小妹係候機室又等多半個鐘, 最終係8:35am起飛, 離開荷蘭去我既目的地 -- Nurmberg!!



由荷蘭去Nurmberg只需一個鐘, 早上有牛肉飽同朱古力酥食!!

由香港出發, 前前後後係22個鐘後, 小妹係9:35am(歐洲時間), 終於到達鈕倫堡了!!!


(待續....)

我的星媽

好耐無update個blog, 因為實在好忙... 好忙!!

擒日母親節, 一家人去左酒樓同媽咪慶祝!! 去到酒樓無耐, 就有個自稱記者既男人話想同我地影相, 我地check過佢既證件後, 媽咪好樂意接受左.

小妹見個記者係酒樓都影左好耐, 而個記者都話唔知會唔會登出黎, 要視乎老總最後決定!! 

今朝mpp即管買左份東方, 哈哈~~ 我地三姊妹同媽咪上左A2版!!!!  就係咁, 媽咪做一日"星媽", 成張相最靚最sharp就係佢~~~~
 
母親節快樂媽媽!! 祝媽媽身體健康!! 長命百歲!! 永遠開心快樂!!!

星期三夜出發去德國, 下星期一回來!!!

又一trip

 

小妹回來了 ~~


前前後後一個星期出差, 上星期回來同mpp過左個weekend後再北上, 擒晚終於完結左個成日trip返到香港!! 


第一round由(24/4/2012 to 27/4/2012), 同客人上左大陸4日, 我地先去深圳一間工廠參觀, 小妹最鐘意偷影人, 哈哈~~





呢個trip有開心事, 亦有唔開心事.... 不過真係感恩, 一切順利完成!!!!  結婚後出trip好唔慣, 肉麻d講句真係每日都好掛住mpp, 不過為左生活無辦法啦...... 


不過, 一個trip既結束, 另一個trip又好快開始....


五月中, 小妹會一個人去德國會合客人!!!  呢個trip令小妹心情好忐忑.....  一方面因為第一次以公幹名義出trip好開心同興奮.....  但另一方面又好擔心, 因為小心擔心唔知自己可唔可以handle到一個人去咁遠地方.....

有一個人更為我擔心, 我知mpp唔多想我去, 一來係我自己一個去, 二來因為只有我同個男客人...... 不過, 呢個確實係一個好機會, 可以放眼看世界!!!  老公, 你放心啦, 我會時時刻刻醒目d ga喇, 老婆心入面只會有一個mpp!!!