情人節晚餐

星期六晚, mpp帶我去左酒店食buffet! 我地簡簡單單, 但好開心咁過左一個又熱又焗又濕既情人節晚上....

上年去左中環某餐廳食candle night dinner, 今年一樣係candle night呀~~

酒店送既黑松露菌焗龍蝦!

 

又係送既情侶甜蜜浪漫特飲一杯 (呢個名我作既, 哈哈), 一杯兩支飲管, 好sweet!

(不過, 呢杯野太重石榴味, 所以我同mpp將佢改良, 加入橙汁同蘋果汁, 好味好多!!)

                       改良前                                              改良後  

 

 

好喇, 我同mpp開餐喇!

花之戀人勁好味, 可惜只係出過一次, mpp無口福lu.... 哈哈!

(mzz既)

(mpp既)

 

雜錦燒烤, 當然有我既至愛雞翼啦~~

 

buffet當然唔小得我喜愛既生果同雪榚啦!

 

甜品時間~~ 基本上全部都有心心design, 心心相印嘛, 嘻嘻~~

 

呢個pancake旁既心心係我操刀gar, 係咪好"娘"呢...... 哈哈~~

 

原本同mpp講好左今年唔送花, 等佢留多d彈藥比我去日本shopping, 點知當晚有d小驚喜, 居然有一枝花收喎......哈哈!! 女仔收花, 梗係開心啦............ yeah~~~

 

由於屋企無細花樽, 最後用左個啤酒樽插花..... 咦, d顏色又幾襯喎, 哈哈~~

 

      

  ** I'm loving every moment with you, my darling mpp!!! **

 

情人節快樂!

大家今晚有嘜慶祝活動呢?  mpp今晚會帶小妹去食buffet慶祝!! (無錯, buffet怪又帶我去食buffet......)

 

小妹係上星期已經買定情人節禮物 (份禮物係咪包得好靚呢.... 特別係條絲帶, 我好比心機包gar... ^0^), 而且係擒晚已經同mpp交換過禮物! 嘻嘻~~

 

 

 祝大家有個溫馨浪漫難忘既情人節啦!! 情人節快樂!!!!

好大呀!!!!!

同事"親愛的"今朝率先收到情人節花, 唔單止紮花巨大.... 連d玫瑰都超巨大 (大個我個拳頭...........) 想訂呢紮花既朋友, 向city super查詢啦, 哈哈~~

到底邊個咁有心思呢? anyway, 希望收花者知道送花者既心意啦, 哈哈~~

 

後記: 鬼婆老闆娘見到紮花勁鐘意, 走去同鬼佬老闆講.... 之後, 秘書走黎抄低間花鋪既資料..... 哈哈, 我地諗老闆會訂呢種南美既巨型玫瑰比佢個老婆大人...... 而最攪笑係, 老闆終於忍唔住走過黎睇紮花.... 然後講笑咁同我地講, 你地d男友送花, 另佢而家有big trouble.... 當然, 佢最後都有講紮花真係好靚!! 呢兩公婆, 真係有趣! 有趣!!

 

 

 

中國情人節

係星期一既中國情人節個日,  我同mpp無嘜特別慶祝, 只係買左簡單既外賣返屋企食.... 食完飯後, 小妹就好應節咁煮左湯圓比mpp食, 團團圓圓嘛!

本來臨急抱佛腳既我, 打算放工後買份小禮物比mpp, 點知行"暈"哂係公司附近既萬寧同seven, 最似樣既禮物都係古古力.....

由於小妹唔想再靠害mpp (因為古古力真係好易食肥人....), 所以個日打消左念頭, 並無送禮物比佢....

相反地, 小妹就收到mpp既禮物..... 噢!!!???!!!??? 林先生, 你係咪真係好鐘意我肥呀??!!?? 仲要咁大盒添.....

 

唔想獨食易肥, 小妹就借花敬佛咁攞左盒古古力返公司, 同d同事一齊分享! 嘻嘻, 有福同享, 有肥同當呀! 哈哈~~

新娘愛鬥大 (Bride Wars)

幾日前, 小妹過左一個好充實又好值得開心既一個星期天....... 個日真係好開心.... 我會記住呢一日 --> 8/2/2009!!!!

一朝早, 同mpp & 靚靚家姐去食個豐富既大家樂早餐.... 之後如常返教會!

中午就去左飲茶, 呢餐茶對小妹黎講好有意義gar.... 唔知係咪太開心關係, 個日食少少野已經覺得好飽.....

下午去左APM睇戲 --> 新娘愛鬥大

夜晚, 同mpp去左又一城食板前, 呢餐飯又係好有意義.....

 

                                                     

 

開心還開心, 講番套"新娘愛鬥大 (Bride Wars)", 唔知係咪近期都有睇開呢類型既戲, 小妹覺得大致故事內容都差唔多, 雖然當中有好多笑位, 但到左d touching位都唔係咁感動到我.... 但卻感動我身旁既mpp.... 哈哈~

故事內容講兩個好姊妹, 兩個不約而同都從小鎖定, 當自己長大後, 一定要係某地方舉行婚禮.... 當佢地長大後, 依然保持住好好既友誼, 而且幸福地, 佢地兩個既男友都向佢地求婚....

原本大家定好一人一個日子結婚, 大家因而可以做其伴娘出嫁..... 可惜係個烏龍wedding planner攪錯, book左佢地係同一天舉行婚禮!

為左爭贏出嫁既夢幻場地, 佢地互相惡鬥, 出陰招去害對方而引發大量笑話..... 最後當然friendship forever啦!

 

兩套婚紗, 我鐘意Anne Hathaway個套多d, 可能我比較鐘意佢, 哈哈.... 大家點睇?

 

<-- Anne Hathaway (安妮夏菲維)

 

 

<-- Kate Hudson (姬蒂韓遜)