驚嚇的一晚

上星期日, 小妹真係比mpp嚇死....


話說上星期日早上, mpp話我知佢腰骨痛... 小妹咪即時用按摩膏幫佢按摩....  之後佢又話肚痾.... 小妹咪搵五寶丸比佢食...... 點知佢又開始發燒, 瞓左一陣都唔好, 唔掂喇... 小妹係5點幾時同佢落街搵醫生睇!


睇完醫生時, 小妹走去買粥比mpp食..... 而mpp都等唔切小妹, 要先回家再瞓一陣....  差唔多9點時, mpp食左小小粥後再瞓..... 而小妹係10點幾時已上床陪mpp, 點知係11點左右, 全身仍然發熱既mpp突然話好凍, "色"左房間冷氣後走去廳坐, 我即時走出廳睇佢時, 佢著住件外套... 叉住雙手... 而且全身不斷打冷震咁話好凍呀.... 好凍呀.......


小妹當時真係比佢嚇死..... 小妹先用身體攬實mpp, 然後比左杯熱水佢飲, 再入房攞左張被"come"住佢... 但mpp仍然話好凍呀.... 好凍呀.......


手忙腳亂 + 不知所措下.... 小妹定一定神後, 就同mpp講要送佢睇急症, 因為如果再等, 小妹好驚mpp會燒壞腦!  


搭的士去到浸會已經差唔多12點了... 點知去到有好多人, 我地前面有成15-16人等, 小妹同姑娘講mpp有少少暈, 所以佢安排左mpp入房瞓 (好過比佢坐係醫院大廳度等, 醫院冷氣好凍, 人又多, 比mpp坐係度肯定加重病情!!)  等左個幾鐘後終於可以見醫生.... 醫生話初步睇mpp係腸胃炎, 不過驚佢係肝炎或有其他病菌, 所以比mpp揀留唔留院!  我地考慮左一陣後決定留院, 攪左一輪後, 差唔多係2點送上病房!!


不過, 估唔到mpp要入隔離病房, 小妹要著齊防備衣物先可以入去...   唔理咁多了, 最緊要mpp無事... 安頓好mpp已經2點多了, 攰透了既我搭的士回家差唔多成3點... 沖涼後再幫mpp執定野已經接近4點, 真的要睡了!!


第二朝早9點多起床後出發去醫院探mpp, 感恩mpp既測試報告出黎全部正常, 醫生仲比mpp當晚出院, 真係感謝主呀!!!!!   出院後約7點回到家中, 回家後沖涼+全家消毒+洗衫後, 約9點半左右小妹真係攰到頂唔順, 要瞓了!!!!


附上超級樣衰+絕對無人認得呢位係嘜水相片一張 (似董太嗎 ?? 洗手!! 洗手!! 洗手!! , 哈哈哈哈~~)

經歷過驚嚇的一晚後, 小妹只要見到mpp精神爽利就開心了!!  mpp請你要好好保重身體, 唔好再令太太擔心了!