回來了

小妹上星期六晚已平安返港!!  韓國天氣好凍, 今次旅途好開心!!



未寫遊記前, 想寫下最近心情.......


生老病死係每個人必經既階段, 最近身邊人都有唔同既轉變, 而呢d轉變好似轉得太快.... 小妹一下子實在有點難適應....


-- 上年旅行時認識既一對新婚夫婦, 最近有喜了!!  小妹好替佢地開心 !

-- 同事爸爸星期一走了..... 眼見同事落哂型既面孔, 每天通紅既眼睛實好令人擔心.......

-- 小妹家姐上星期五入院做左個小型手術, 感恩一切順利 !

-- 親人剛證實患上癌症..... 希望上天保守, 伸手醫治!!!!



小妹要無時無刻要警剔自己, 珍惜家人, 珍惜身邊所有人!!!

mpp一系列慶生活動

mpp聽日牛一,
祝mpp身體健康,
事事順利!!





林先生親友多,
呢個星期佢既慶生飯局已經食到超哂quota,
膽固醇高仲去食大閘蟹.....




擒晚仲勁,
 林生食左餐每位成二千蚊既日本菜,
 海謄, 毛蟹, 和牛.....
小妹真係無佢收!!




mpp慶生活動繼續進行...
今晚同佢屋企人成晚....
聽日正日我地兩公婆二人世界,
又去食buffet....





下星期仲堅,
老婆豪請老公去旅行,
除左當係生日旅行,
 順便提早慶祝我地結婚一週年!





係呀.... 唔經唔覺同mpp結左婚差唔多一年了...
so far mpp呢個老公角色做得唔錯,
抵讚兼抵錫!!





超級期待下星期一晚出發既旅行~~~

又黎結婚簽名筆

又一好姊妹出年結婚!


好姊妹喜歡粉紅色,
小妹花左兩個幾鐘下完成以下作品!


準新娘子都好鐘意,
小妹都好開心呢!!




 

幫好朋友做結婚簽名筆,
感覺已經象徵住小妹對佢既祝福!


預祝好姊妹百年好合!
永結同心!!

有營晚餐 -- 清蒸魚鮋 + 薯仔炆排骨

出差期間,
 mpp食左唔少飯盒!



今次出trip回港後,
 難得第二日係星期日唔係返工,
 小妹即刻做番林師奶煮飯比老公食!





呢餐有 清蒸魚鮋 + 薯仔炆排骨!

Lunch buffet @ The Excelsior Hong Kong

mpp返5day, 而小妹就返長短周.... 每逄星期六long week要返工時最唔開心, 因為要掉番轉同mpp講bye bye, 痛苦+ing!!!


上星期六long week要返工, 放工時極速走人, 因為約左mpp食lunch buffet, 今次又去The Excelsior Hong Kong!


冷盤至愛三文魚!!

呢碟係mpp既 ^^



Excelsior 既粥好綿, 好好味!!

熱盤選擇唔多!


我愛哈根

甜品時間~~

最後水果, 個橙超大, 忍唔住拎左個 

Buffet in Shangri-La Hotel @ GUANGZHOU

係廣州工作期間, 客人請左我去食lunch buffet, 為食既我, 當時say yes 啦, 哈哈~~



廣州Shangri-La Hotel 好多野食

呢度d野食好好味道!!

個客唔多鐘意食buffet, 佢order左burger!

今次已經係第三次黎呢度了, 亦即係話個客請左我食過3次buffet , 多謝哂MR. NORWAY ^__^

回來了

前後共9日既business trip終於完成了, 小妹上星期六已平安返港, 呢個trip唔算辛苦, 但就比較頻撲, 不過有老公係機場接機, 個一刻嘜攰都唔記得lu


呢排好忙, 先post呢個trip既酒店資料先!


24/10 to 27/10/2012 (廣州)
 - 呢4日入住廣州RITZ-CARLTON, 住過差唔3-4年了, 服務水準一流, 特別係個早餐buffet, 簡直係無敵呀!!! (今次無影相, 所以係酒店website download相)






30/10 to 1/11/2012 (廣州)
 - 呢3日試住另一間酒店 - Chatear Star River Hotel, 呢間酒店房間比Ritz Carlton仲要大, 不過地方比較遠, 唔係咁方便!

1/11 to 2/11/2012 (杭州)
 - 1/11/2012同個客由廣州飛去杭州, 當日入住杭州Holiday Inn酒店, 酒店比較舊, 而且房間無wifi, 有d唔方便!  但酒店電視有個program, 佢地已經download左勁多節目, 當晚小妹就睇左國語版桃姐!!

當日杭州天氣好凍, 只有10度左右!




2/11 to 3/11/2012 (泉州)
 - 2/11/2012同客人由杭州先飛去廈門, 然後坐左將70分鐘去到泉州, 當日入住Powerlong hotel, 呢間酒店感覺似國產5星... 房間好大兼且有wifi, 不過廁所牆身好多發霉 >.<

3/11/2012下午小妹一個人坐港龍返香港, 個客就飛泰國享受佢既holiday喇 !!