回鄉

 

細個既時候, 跟爸爸媽媽返鄉下係每年既指定動作!!  不過好似由小學之後, 小妹已經唔肯再跟爸爸媽媽返鄉下!!

對上一次跟爸爸媽媽返鄉下已經係十幾年前, 原因係當時外婆離世, 所以同家姐姐們陪爸爸媽媽返鄉下!!

小妹家庭成員眾多, 一家高達20人!!  人大左就更加知道親人既重要性!!  新年聚會時, 兄弟姊妹們不約而同都話好耐無陪爸爸媽媽返鄉下, 就係咁, 我地一家20人一齊係上兩個星期返左鄉下2日一夜遊喇~~

為方便行程. 二姐夫book左架旅遊車由深圳等我地, 一家人好舒服咁返我地既鄉下  ---  東莞!

同mpp晨早起床出發, 加上小妹開始作感冒, 係深圳一上旅遊車後, 小妹隨即進入夢鄉.... 一小時睡醒時已經黎到東莞了~~



家人原本想book三正半山酒店, 話說大家姐曾經入住過呢間酒店, 佢話間酒店勁正, 一打開窗就可以跳入泳池.... amazing!!! 不過, 我地行程太緊湊, 跟本無嘜時候留係酒店, 所以我地book左另一間酒店, 比較接近鄉下!



唔記得左呢間酒店叫嘜名??!!?? 不過呢間酒店都係5星級, 房間及設施唔錯呀~~

check-in放低行李後, 隨即出發!!!  爸爸鄉下有地, N年前我地已經係鄉下起左幢別墅, 由於我地好少返去, 所以當時親戚提議將別墅租比人.... 小妹一別已經係廿年, 今次返去時, 眼前既別墅已經成為一間又殘又舊既屋.... 完全不能想像好好既一間屋, 比會D外省人住成咁...  (心情太激動, 無影相 >.<)


鄉下好多地方已經重建, 附近好多親戚已經比政府收地, 收到一筆可觀既賠償, 政府仲會重新規劃一個地方, 同佢地搬入去住!


親戚A既新家園好靚, 幾千呎獨立屋!!

仲有私家路!!



雖然小妹係外嫁女, 不過, 你時候要同爸爸相量下, 係咪比政府收左我地原有既地, 我地轉黎新區!!



好開心MPP第一次同我返鄉下, 個個親戚都讚mpp靚仔, 攪到個傻佬不知幾咁開心, 哈哈~~